Jeremias 16:20 - Biblia Mixe de Quetzaltepec

²⁰ ¿Jyëkyejpy yë naaxwiinyëtë ja'ay t'oytyunëty kë'ëm yë tyiosëtyë? Ka'ap tjëkyepy, paaty tääpë awinax ka'ap tyiyëty jyääntyëty.

Biblia Dc en Mixe de Quetzaltepec

²⁰ ¿Jyëkyejpy yë naaxwiinyëtë ja'ay t'oytyunëty kë'ëm yë tyiosëtyë? Ka'ap tjëkyepy, paaty tääpë awinax ka'ap tyiyëty jyääntyëty.

Jeremias 16:20 ပူးပေါင်းရင်းမြစ်များ

Isaías 37:19

ets ko tëë tnino'ktaayëtë tsyaamëxanëty, y'awinaxëty, mëti'ipë ënäty tyijtëpën tios, jä'ä ko ka'ap tyiosëty; naaxpotsy, tsaa ets kepy të y'itë mëti'ipë naaxwiinyëtë ja'ay kë'ëm të tyaj'oyën. Paatykyëjxm të tjantyyajkutëkoytyë.

Gálatas 4:8

Ko ijty miits ja Tios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

Jeremias 2:11

Pën tëë tu'uk ja naax kajpn tios tyajtëkatsy mëti'ipë wiink tios y'ëwtajtypyën, ja tios ka'apë tiosëtyën.

Gálatas 1:8

Pën jää pën mtuk'ëwa'anxëtë mëti'ipë tyijtëpën aaw ayuk oypyë ets ka'ap jyëtu'unëty ijxtëm ja oy aaw oy ayukën mëti'ipës të nnikajpxtën, kajpxpoky ja y'itëty, wä'än timpyënëty, oy y'ëjtsëty ëkë oy yë'ëjëty yë tsajpjotmëtë kukäjpxy mëti'ipë tsajpjotm tso'onpën.

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Isaías 36:19

¿Maaxën ënät yajpatëpë ja wyintsënëty, mëti'ipë tyijtëpën Hamat ets Arpad? ¿Maaxën ënäty yajpatëpë ja wyintsënëty, Sefarvaim? ¿Näyajtso'okëtëp jëtää ko ja Samaria ets ja Asiria ja'ayëty ëxëëk tyunëtë?

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Daniel 3:1

Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

2 Reyes 19:18

ets ko tëë ja tyios tyajkutëkooytya'atë jëënjoty, jä'ä ko ka'ap ja tyios'atë, aakyë'ë ja tsaatsetsy, mëti'ipë ja ja'ay kë'ëm y'oytyuunpyën. Paatykyëjxm të timyajkutëkoytyë.