Jeremias 15:19 - Biblia Mixe de Quetzaltepec

¹⁹ Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Biblia Dc en Mixe de Quetzaltepec

¹⁹ Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Jeremias 15:19 ပူးပေါင်းရင်းမြစ်များ

Zacarías 3:7

Jëtu'un yë Wintsën y'ënä'äny mëti'ipë maaytyääyëpën winë: Jam mye'eyëty mnaxëty maas yë nnë'ë ntu'ujën ets patun mëti'ipë të ntuk'ëne'emyën. Ko jëtu'un xytyunëty mijts nëjkx xymyëwë'ëmy yë tuunk maas yë ntsajptëjkën. Ets mijts nëjkx xynyikopk'aty yë ntuunpëtëjkës, anklëstëjkëty.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Levitico 10:10

Jëtu'un wyinkëxë'ëkëty ko miitsëty mkënu'kxy'atë, mëët ja mëti'ipë ka'ap kyënu'kxëtyën ets ko mwa'ats'atë mëët ja mëti'ipë ka'ap wya'atsëtyën.

Ezequiel 44:23

Yë teetytyëjkëty kopkpëky ko yë nnaax nkajpnës tukni''ixëtëty mëti'ipë kënu'kxyën ets mëti'ipë ka'ap kyënu'kxyëtyën, mëti'ipë wa'atsën ets mëti'ipë ka'ap wya'atsëtyën.

Ezequiel 22:26

Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Judas 1:24

Ja tu'kpajkpë ja Tios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kutujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Tios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënäty ja Kristë ëjts xy'ëktuunpë'ajnë.

Hebreos 5:14

E ja mëti'ipë yajpatëpën ijxtëm yë mëjatyjyä'äyën mëti'ipë kaaytyëp uktëpën, yë'ë mëti'ipë të tmëyujtën ets nyija'awëtyëp mëti'ipë oy ka'oyën.

Hechos 20:27

jä'ä ko tëë xëmë ntuk'ëwaanëtë mëti'ipë ja Tios tsyojkpyën, ka'apës tii të nkuyu'utsy.

Lucas 10:16

Ënät ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënäty xymyëtoow'ijtëp; pën kyamëtoow'ijtyp mëti'ipë ënäty miits mnimëtyaktëpën, nän ëjts ënäty xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Éxodo 4:12

Paaty nëjkx tyam, ëjts mijts njämyëët'atäämpy, ko ënäty mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Ezequiel 2:7

Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

Lucas 12:12

jä'ä ko ënäty mkajpxa'antë, yë'ë ja Kënu'kxymyëkajtën nëjkx mwinma'anymyo'ojëtë ets mkajpxtëty oy.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Gálatas 2:5

Niwi'ix'äämpy ëëts ya'atë ijxpëjkën ojts nkakupëktë, jä'ä ko jä'äs ntsojktëp ets ja mëtëypyë aaw ayuk wyë'ëmëty ma miitsëtyën.

Lucas 21:36

Jëjp'ixy xëmë myajpaatëty, ja'amyätstë ja Tios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Jonás 3:2

Nëjkx jatëkok jam ma Nínive kajpnën ets xynyimëtya'akëty mëti'ipë yam ntuk'ëwaanëjäämpyën.

Jeremias 4:1

Jëtu'un yë Wintsën y'ënä'äny: Mijts Israel, pën mjootwinpitaanp jatëkok, ëjts jëtu'un xynyiwinpitëp, ënät jëtu'un tyunëtëty jyatëtëty pën myajjëkämkekpy yë wiinkëtypë m'awinax mëti'ipë m'ëwtatypyen ets pën ka'ap xy'ëkpuwa'ktutnës,

Jeremias 6:29

Ko yë jëënpixn tyajmëjë yë jëën, poj'am yaj'ixy yë yu'unk pujxn jyiiytyä'äky. Tääpë jëtu'unpë pujxn oy jënu'un nyajwin'ë'tsmëty, yë ëxëëkja'aytyëjk ka'ap kyutëkoytyë.

Jeremias 35:19

Ëjts Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, tyam n'ënëëmëtë ko ka'ap tyëkoy'ata'any yë Jonadab yë y'u'unk y'ok mëti'ipë ëjts xëmë xymyëtuntëpën.

Lamentaciones 1:11

Jëëytyëp yaxtëp ja kunaax kukajpnëty, jë'kxy pëky y'ixtaaytyëp; tëë tyajkta'ay wyit myeeny ma jyi'kxy pyiky tjuyën këtii yuu ookëty. Ix Wintsën wi'ixës o'ktëy njaty nkëpetyën. Ix wi'ixës yë ëyo'on jotmay npaaty n'ixyën.

Levitico 14:57

Jëtu'un'äämpy tjëkyäpëty yajnijawëty mëti'ipë ëxëëkën ets mëti'ipë wa'atsën. Yaapaat jëtu'un yajmëtyakta'ay ja pa'am mëti'ipë xyëëwajtypyën pu'uts pa'am.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay: