Jeremias 15:15 - Biblia Mixe de Quetzaltepec

¹⁵ Wintsën, mijts wa'ats winë xynyijawë. Ja'amyäjtskës ets minës putëjkëk. Mijtsës xyajni'o'ktu'utëp ma ja ja'ayëtyën mëti'ipës xy'ixjëtijt xypyajëtijtëpën. Këtii tääpë ja'ayëty nijënu'un xymyëmä'kxtukëty, xyaj'ookantëpës yë'ëjëty; ni'ijxkëtakës, mijtsë jëtu'un nkujajtëp koos nyaj'ojy nyajyä'äxy.

Biblia Dc en Mixe de Quetzaltepec

¹⁵ Wintsën, mijts wa'ats winë xynyijawë. Ja'amyäjtskës ets minës putëjkëk. Mijtsës xyajni'o'ktu'utëp ma ja ja'ayëtyën mëti'ipës xy'ixjëtijt xypyajëtijtëpën. Këtii tääpë ja'ayëty nijënu'un xymyëmä'kxtukëty, xyaj'ookantëpës yë'ëjëty; ni'ijxkëtakës, mijtsë jëtu'un nkujajtëp koos nyaj'ojy nyajyä'äxy.

Jeremias 15:15 ပူးပေါင်းရင်းမြစ်များ

Jeremias 12:3

E mijts Wintsën wa'atsës xy'ixy'äty; mnija'ap wi'ixës nmay ntajyën ma mijtsën. Mënëjkxta'a tääpë ja'ayëty jëtu'un tä yë ja'ay tmënëjkxyën yë kupixyny ma y'o'ktaknën; tuknikä'tsta'a jëna'a tyuka'ajëtë o'kën.

Lucas 21:17

Ni'ëmukë ja ja'ay m'ëxëëk'ixa'anëtë, jä'ä ko ënäty ëjts xymyëpëktës.

Jeremias 20:12

Wintsën mëti'ipë maaytyääyëpën winë, mëti'ipë mëtëy tii nyipaye'epyën, mëti'ipë tyuk'ijxnajxypyën ja'ay jyot wyinma'any, tuk'ijxkës wi'ix xytyiytyunyën tääpë ja'ayëty, jä'ä ko mijts ntuk'ijxpejtyp ets mëtëy xynyipaye'eyëtyës.

Jeremias 17:16

E ëjts, ka'apës nëkoo mijts nyajjotkëxy ets ëyo'on jotmay tpaatëty ets nkatsojkpyës ëxëëk jyatëty kyëpätëty. Mijts wa'ats xynyijawë wi'ixës të n'ëna'anyën jä'ä ko mijts mwintuuy nkajpxpëtsëëmyës.

Nehemías 13:22

Näy ojtsës ntuk'ënä'ämpë Leví ja'ayëty ets näypyuj nyäjyä'ätsëtëty ets nëjkx tkëwent'atë ja tëjk'aaw ko po'kxënxëëw tpaatëty këtiipë yaj'ëxëëktunëty ja po'kxënxëëw. Wintsën, ma mijts n'ëwtatyën, xyjyä'äymyätsëpës, mja'amyätsëp mëti'ipë yam ntuunpy nkäjpxypën ets pa'ëyoow najts'ëyo'owëkës mëët ja m'oyjot m'oywyinma'any.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Jeremias 20:8

Koos nkäjpxy, tsipës xëmë nikäjpxyp ets o'kën tëko'oyën; je'eyës xëmë nyaj'ojy nyajyä'äxy ets nyajnëxi'iky nyajtukxi'iky, paaty jyëtu'unëty jä'äs ko nikäjpxy mijts yë m'aaw m'ayuk.

Salmos 119:84

¿Jënaak jëmëjtës n'ëwxitëty? ¿Jëna'ajës xynyipaye'eyä'äny ets xytyukkumëtowëty ja nyëë pyoky ja ja'ayëty mëti'ipës xy'ixjëtijt xypyajëtijtëpën?

Salmos 106:4

Wintsën, xyjyä'ämyätsëpës ko ënäty jatëkok ja mnaax mkajpn xyaj'oyë; jap xyjyot'atëtyës ko ënäty ja mnaax mkajpn xyaj'ëwaatsëpëtsëmy,

Nehemías 5:19

Wintsën xyjyä'ämatsëpës xëmë, etsës oy njuuky'atëty, mëët ko oy ja naax kajpn të nmëtunyës.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Tios tuny ja paye'eyën ko të tyajkutëkoy tääpë kajpn.

Apocalipsis 6:10

Ets mëk y'ëna'antë: Janty oy, janty wa'ats mijts, Tios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?

2 Timoteo 4:14

Ja Alejandro, pujxnka'tspë, ëxëëkës të xytyuny të xynyëëmës. Tios tukëpätëtëp wi'ix të y'ëti'itsyën.

2 Corintios 5:11

Paaty ko yajnijawë ko ja Tios mëpaat yajwinkutsë'ëkë, paatykyëjxm ja ja'ay jëtu'un jyayaj'ënëëmëtë. Ko ja Tios wa'ats ëëts xy'ixy'atë ets ntsojktëpës ets miits näjyëtu'un xy'ixy'attëtyës.

Romanos 12:19

Miits mëku'uktëjkëty, ntsojktëp miits ni'ik. Ka'ap ja mmëtsip ëxëëk xymyëwinpitëty pën tëë tii mtukmëtuuntëkoyëtë, Tios yë'ë tukupätëtëp; jä'ä ko jëtu'un ja Tios ja y'aaw y'ayuk kyëxja'ayëty: Ëjts xypyatp npëjkta'akëty ja tëytyu'unën, ëjts ntukëpätëp, jëtu'un ja Wintsën y'ënä'äny.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

Isaías 38:3

Tyam nmënu'kxtä'äky mijts Wintsën ets xyjyä'äymyätsëty wi'ix oy të nmëtunyën ets tëy tëtä'äky të nyajtu'uye'eyës yë njuukyajtën, tëë npatunyës ijxtëm mijts xy'oyjyawën. Ko nyu'kxtaktaay tääts tyëjkëy yaxpë.

Salmos 102:24

Täätsës n'ënëëmë: Tios, mëti'ipës nTios'ajtypyën, këtiis je'eyë kujkwä'kxy xyajjuuky'atëty. Yë mxëëw mjëmëjt ka'ap kyixy.

Salmos 39:13

Këtiis nëkoo xywyintë'kxy, yajpo'kxkës; maanëmës ka'ap n'ooky ntëkoynyëm.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Job 10:7

¿Ets oy xyjyanija'apë ko ëjts ka'apës tii poky nmëëtëty ets ka'ap tjëkyepy ni pën xyjyuutëtyës mkë'ëjootjotyë?

Nehemías 13:31

ets näjyëtu'un y'o'oyëtyääy ja jotmay mëti'ipë ënäty jamën, ojts yajkajpxmuky wi'ix ja jëën ja'axy yajmëminëtyën ets wi'ix'äämpy ja jë'kxy pëky näjyëtu'un myukëtyën. Tios, ma mijts n'ëwtatyën: ja'amyäjtskës ets oyjya'awëkës.

Nehemías 6:14

Wintsën ma mijts n'ëwtatyën: Mja'amyätsëp xëmë wi'ix ja Sambalat ets ja Tobías y'ëtë'ëtstë y'ëna'antën. Këtii näjyëtu'un xyjyä'äytyëkoyë ja to'oxytyëjk mëti'ipë y'akäjpxypën winë mëti'ipë xyëëwajtypyën Noadías ets wiinkëtypë käjpxynyajxpëtëjk mëti'ipës nëkoo të xyjya'ëtsë'ëkëja'antën.

Romanos 8:35

¿Pën jëtää xy'ëkpëjkëmëp ja Kristë ja tsyojkën? ¿Wä'än jëtää yë'ëty tsipë, ëyo'on, ko nyaj'ëxwojpmëtyë ëkë ko yuu xëëw nyajnajxmëtyë, ëkë ko nwit'ajt nxox'ajtëm kya'itëtyë, ëkë ko kutsë'ëkëtuuy nyajpatmëtyë, ëkë ko yë ja'ay xyaj'o'kmëtyë?

Jueces 16:28

Tääts ja Sansón tyëjkëy kajpxtaktë ets ja Tios tmëkäjpxy, t'ënëmaay: Wintsën, tyam mijts nmëkäjpxy ets nmënu'kxtä'äky, ja'amyäjtskës ets mooykyës yë mëjaaw wä'änës ntuknituny yë filistejë ja'ayëty mëët koos yë nwiiny të xyjyu'tëtë.

Salmos 44:22

E mëët mijtskyëjxm o'këntumës xëmë nyajpaatë; jëtu'unës nyajpëjktaknëtë tä tu'uk yë kupixynyën mëti'ipë yajmënëjkxnëpën o'këntum.

Jeremias 15:20

Ëjts, jëtu'un mijts nyajnaxa'any ma ya'atë naax kajpnën tä tu'uk yë mëjpotsyën mëti'ipë oytyunyën mëët yë tsuxkpujxn ka'apë yajmayën. Oy jënu'un mmëtsip mjanipëtë'ëkëtëty, mijts ni pën mkamayä'änyë, jä'ä koos mijts nyajtso'okäämpy ets nyaj'ëwaatsëpëtsëma'any. Ëjts, mëti'ipë Wintsën'ajtpën, ëjts ënaanp.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënäty o'ktëy jyatë kyëpätë.

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Lamentaciones 3:64

Mijts tukukëpät ijxtëm pyaat'atyën, tëytyun ijxtëm pyaatëtën.

Lamentaciones 3:66

Mpaja'tëp oy maa tyimnëjkxtëty, Wintsën, mijts m'a'ixëp ets yaa naaxwiiny tyimkutëkoytyëty.