Jeremias 14:4 - Biblia Mixe de Quetzaltepec

⁴ Yë naaxtuunpëtëjkëty ka'ap tnijawëtë tii tyuunta'aktëpën, je'eyë jyaak näkyumatsëtë, jä'ä ko tëkoy'ajtp ja nëë tuu ets ja naaxwiinyëtë tëë yajxon tyëëtsë'knë.

Biblia Dc en Mixe de Quetzaltepec

⁴ Yë naaxtuunpëtëjkëty ka'ap tnijawëtë tii tyuunta'aktëpën, je'eyë jyaak näkyumatsëtë, jä'ä ko tëkoy'ajtp ja nëë tuu ets ja naaxwiinyëtë tëë yajxon tyëëtsë'knë.

Jeremias 14:4 ပူးပေါင်းရင်းမြစ်များ

Joel 1:11

Miitsëty mëti'ipë naaxtuuntëpën, mëti'ipë nyipëjktakëtyëpën yë tsatsymkyam, jë'ëtë ya'axtë mon tuk, jä'ä ko ma'ta'ajaanp yë mëti'ipë ënäty të xyjyakoj të xyjyani'iptën ets tsajpmok ets cebadë mya'ata'aja'any.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Joel 1:17

Jëtu'unyë ja tëëmt të kyumo'onëtyä'äy jap naaxjoty, jëtu'unyë ja tsajpmok të tyëkooytyä'äy ets ja mëti'ipë të jyani'iptën o'ktëy tyam yajpaatë.

Deuteronomio 29:23

Ets t'ixtëty ko ja naaxwiinyëtë je'eyë ënäty të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

Jeremias 2:37

Wintsëtyu'un jëjptsëtyu'un jatëkok jap Egiptë mwinpitëty jä'ä ko tëëjës ja naax kajpn n'ëxmajtsta'ay mëti'ipë ënäty mmëkwinkajpxëyëpën; e oy jënu'un mëët oy mjanäjyawëtëty, ka'ap nitii xypyaata'any mëët yë'ëjëty.

Amós 4:8

ojts ja'ay winnaax winkajpn tpajëtitë yë nëë ets ka'ap ku'uxyë nyëë'uktë ko nëë wäänë tpatë; e miitsëty ka'apës ojts xynyiwinpitë. Jëtu'un yë Wintsën y'ënä'äny.

Levitico 26:18

Pën kä'äpyëm jëtu'un mëtowtë, oy jëtu'un ja ëyo'on xyjyapaat xyjya'ixtë, nëjkxëp jatëkok ntëytyuntë ets wëxtujk'ok nëjkx nyajni'ikënës ja ntëytyu'unënës.