Jeremias 14:22 - Biblia Mixe de Quetzaltepec

²² ¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Biblia Dc en Mixe de Quetzaltepec

²² ¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Jeremias 14:22 ပူးပေါင်းရင်းမြစ်များ

Joel 2:23

Xoonta'aktë miitsëty Sión ja'ayëty, xoonta'aktë ma Wintsënën mëti'ipë mTiosajtëpën. Yë'ë të mo'ojëtë nëë tuu ma myëyätyën, ma pyotm'atyën ets ma xyëkopk'atyën, jëtu'un ijxtëm ijty tëëyëp tunyën.

Jeremias 5:24

Miitsëty ka'ap ojts xymyëmay xymyëtajtë ets ka'ap ojts m'ëna'antë: Tsojk Wintsën nwinkutsë'këm mëti'ipë nTios'ajtëmën, mëti'ipë xymyo'oyëmën yë nëë tuu ets mëti'ipë nyija'apën jëna'a tyajwintëwa'any ja npëjktä'äky'ajtëmë.

Salmos 135:7

Yë'ë yajpëtë'kpy muum jëkäm yë yoots nëëma'a ma naaxwiinyëtë jyëjpkëxyën; yë'ë näjyëtu'un yaj'ëtëtsyp yaj'ënäämpy yë ënääw wëtsuk ko tyu'uja'any pyoja'any ets jap ma pëjkë'ëky tyaj'ityën yë poj jap tyajpëtsëmy ets ënät tyajpojy.

Isaías 30:23

Yë Wintsën mtuknikäxanëp ja nëë tuu ma ënäty të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.

Deuteronomio 32:21

Yë'ëjëty je'eyës xëmë xyajjoot'anpëktë. Jä'ä ko ënätyë wiink wintsën tpanëjkxtëkëtë, ëxëëkës njanäjyawëty, ko yë'ë tmëjjawëtë ka'apë wyintsënëtyën. E kajts wyi'ixëty oy ko jyëtu'unëty, nëjkxëp yë ja'ay ëxëëk tyunëtë mëti'ipë jëtu'unyë jëtijtëpën, ka'apë yajnijawën maajën kyukajpn'atë, nëjkxëp yajtsipkä'äxëtë yë ja'ay mëti'ipë ka'ap ninu'un jyä'äkyukën.

Jeremias 51:16

Ko tyajtu'uja'any, ënääw jëyëjp nyikäjpxyp, jëkämpaat muum tyajtsoony yë yoots nëma'a ma naaxwiinyëtë jëjpën. Yajtë'kxyp yajjäjpy yë jyëtsuk oy jënu'un kyomtu'uy ets tyajpëtsëmy yë pyoj ma tyaj'ityën pëjkë'ëky.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënäty ja Wintsën tii tnipaye'ey, jää tyajkutëkoyä'äny yë awinax.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Salmos 130:5

Yajxon ëmuumtu'ukjot n'ëwxityës yë Wintsën, n'ëwxityës jëtu'un yë nWintsënës, ets y'aaw y'ayuk yë'ëjës ntuk'ijxpejtyp.

Salmos 25:21

Wä'än yë'ë tkuwa'antë koos ka'ap tii ntuuntëkoy ets ko ka'apës npokymyëëtëty, jä'ä ko mijts të ntuk'ijxpety.

1 Reyes 17:14

Jä'ä ko yë Wintsën, mëti'ipë Wintsën'ajtpën ma Israel kajpnën, jëtu'un të tnikäjpxy, ko ka'apëk kyukëxëja'any ja tsajpmokjëtsy japë xyaj'ityën mpokjoty ets ja m'on japë xya'ityën mtu'tsjoty, koonëm jatëkok tkukäjxnaxëty ja nëë tuu naaxwiiny naaxkëjxy.

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Deuteronomio 28:12

Kyäxäämpy yë nëë tuu ma mkam mtu'ujën, tä yë naaxwiinyëtë tyajmëyätyën ets ja mpëjktä'äky wyintëwëty, jëtu'un ka'ap nyatëkë'atëty ja mjot mëjaaw. Nëjkxëp xy'ëkyajnu'kxnë wiinkëtypë naax kajpn, e mijts ka'ap nëjkx tii xynyu'kxy.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Amós 4:7

Ojtsës näjyëtu'un nyaj'ëmaaytyä'äky yë nëë tuu ma miitsëtyën, tëkëëk po'o ënäty tkapaatynyëm ma xyajpëtë'ëktëtyën yë mpëjktä'äkyëty. Muumëty ojts nyajtu'uyës ets muumëty ka'ap;

Jeremias 10:13

Mëët yë ënääw tyaj'ëtëtsy tyaj'ënany yë nëë tuu jam tsajpwinm, jam ma naaxwiinyëtë jyëjpkëxyën jam tyajtsoony yë yoots nëma'a ets tyajpa'tëkë tsajpkëjxm ets mëkpoj tyajpëtsëmy, jëtu'un tä jeexyë muum pëjkë'ëky tyaj'ityën.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Tios.

Salmos 147:8

Ko jam tsajpjotm yë yoots kyëxë'ëky, yë'ë jam yajkëxë'kpy ets tyajtu'uy yaa naaxwiiny naaxkëjxy, yë'ë näjyëtu'un yë mëëy u'unk yajpëtsëëmpy jam tunkëjxm kopkëjxm,

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 25:3

Ka'ap mëpaat nijëna'a tsëtyu'unmëët wyë'ëmtë mëti'ipë mtuk'ijxpäjtëtëpën. Yë'ë tsëtyu'unmëët wë'ëmtëp, mëti'ipë mkäjpxykyumëtoownajxëtëpën.

Job 5:10

Yë'ë yajtuupy yajpojpy ets tyajxooky yë naaxwiinyëtë;

1 Reyes 18:1

Nyäjxy jëtu'un ja xëëw jëmëjt, kom tëkëëk jëmëjt yë Wintsën ojts tmëkäjpxy yë Elías ets t'ënëmaay: Nëjkx xy'ixy yë yajkutujkpë Ahab ets xytyuk'ëwaanëty koos nkäxäämpyës yë nëë tuu.

1 Reyes 8:36

mëtowëp jam tsajpjotm ets mpokymyä'kxëp ja mnaax mkajpn ets mtukni''ixëp ja në'ë tu'u oypyë. Mkäxëp ja nëë tuu naaxwiiny ma ja mnaax mkajpn të xytyukkumayën.

Mateo 5:45

Jëtu'un xyajnikëxë'ëktëty ko Tios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Jeremias 5:12

Yë Israel ja'ayëty ets Judá ja'ayëty jëkäm jëxkë'ëm ja Wintsën të tpëjkta'aktë; jëtu'un të y'ëna'antë: Tios ka'ap tii tuny. Ka'ap tii xyjyajtmëty, ka'ap tsip ets yuu y'ita'any.

Jeremias 10:3

Tääpë ja'ay myëpëjkënëty ka'ap tsyowpaaty ninu'un. Jam yukjotm kepy tpuxtë tääts tu'uk tsäjtspë t'oytyuny,

Oseas 2:7

Yë'ë pyanëjkxäämpy yë y'atsoky ye'etyëjk, je'eyëp ko ka'ap tnajtspaatëja'any; y'ixta'ajäämpy, je'eyëp ko ka'ap tpaata'any. Tä y'ëna'ana'any: Yë'ëjës jatëkok ninëjkxäämpy mëti'ipës tëëyëp mëët mpëjky n'ukyën, jä'ä ko nikë oyës ijty mëët njuuky'äty këtiinëm yë tyampë.

Job 28:26

ko tmooy ja y'ënä'ämën ja nëë tuu ets tu'umooy ma nyaxëtyën yë tuupoj,

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Miqueas 5:6

Mëët yë tëypyujxn nëjkx t'ënä'ämtë Asiria kajpn, ma Nimrod kyukajpn'ajtyën ets nëjkx xyajpëtsë'ëmëmë ëwaatsëtuuy ma ënäty ëxëëk xytyu'unëmën yë Asiria ja'ayëty mëti'ipë të tsyëpa'anninaxtën ets ja nnaax'ajt nkajpn'ajtëm të tnitëkëtë.