Jeremias 14:2 - Biblia Mixe de Quetzaltepec

² Jëëpy yaxp ja Judá yajpaaty mëët ja monyëtukyë, moontëp tujktëp ja nyaaxëty kyajpnëty, xii yaa muum ja ja'ay nyää'ptä'äkyë. Mëk ja Jerusalén ja'ayëty y'ëjtë tyu'uktë.

Biblia Dc en Mixe de Quetzaltepec

² Jëëpy yaxp ja Judá yajpaaty mëët ja monyëtukyë, moontëp tujktëp ja nyaaxëty kyajpnëty, xii yaa muum ja ja'ay nyää'ptä'äkyë. Mëk ja Jerusalén ja'ayëty y'ëjtë tyu'uktë.

Jeremias 14:2 ပူးပေါင်းရင်းမြစ်များ

Isaías 3:26

Jë'ëjaanp ya'axaanp ja naax kajpn ets mon tuk yajpaata'any, nëjkxëp ja ja'ay tsyo'ontaaynyë ets tukwa'ats ja naax kajpn wyë'ëmëty.

Jeremias 8:21

Ëyoop jotëkoopyës nyajpaaty ko jëtu'un ja nnaax nkajpnës jyäty; ja monyëtukyë ets ja tsë'kën ja'awën yë'ëjës ka'ap xyajjotkujk'aty.

1 Samuel 5:12

Ja ja'ayëty jampë kyukajpn'atën nëkooyë yaxnëtë jyojknëtë mëët ja yuu pa'am mëti'ipë myënajx yajnajxtëpën. Jä'ä ko ja mëti'ipë ënäty ka'ap y'ooktënën ujts ënäty yajpatnëtë ja nyini'kxëty mëët ja ki'ix pa'am.

Zacarías 7:13

ets y'ënäny: Jëtu'un ijxtëm yë'ëjëtyën ka'ap xymyëtoow'ijtës koos ojts njamëkajpxtë, näjyëtu'unës ëjts ka'apës nmëtoow'ita'any koos ënäty xyjyamëkajpxtë.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Joel 2:6

Je'eyë ja'ay tsyë'ëkëtë ko t'ixtë, tsuxk wi'ixnë jyajta'atë wiin jëjp.

Joel 1:10

Ma kam tu'ujën nitii jam kyaka'ty; je'eyë yaj'ijxnë tëë yowë ja'ay y'o'ktaaynyë. Tëë ja tsajpmok myä'äty, tëë ja tsatym tyëëtsë'ktaaynyë ets olivos aak xootsëty kyëxë'knëtë.

Oseas 4:3

Paatykyëjxm yë naax kajpn jëtu'un yaj'ixy o'kën tëko'oyën yowë të y'ity; ets jëtu'un yaj'ixy ka'ap yowë pën mëk'ajtën t'ëkmëët'ajnë; ets y'o'ktaaynyë ja aayjëyujk ujtsjëyujk, joon jëyujk ets nëë jëyujkpaat y'o'knë.

Lamentaciones 5:10

Jajp toopy ëëts ja njot nini'kxëty jëtu'un tä jëënkopk jyäjyën tyoyën, mëët jëën mëti'ipës mpa'am'ajtëpën.

Lamentaciones 2:9

Ja naax kajpn tëë ja nyitëjk'aaw mya'taaynyë ets mëti'ipë mëët y'ëtukyën nän tëë mya'ta'ay; tëj joow të jyajta'ay, aak naaxkëjxy të kyëtakta'ay. Yë yajkutujkpë ets y'ënä'ämpëtëjk aakjam yajpata'atë wiink naax wiink kajpn ma ja'ay wiink tios t'ëwtatën; ka'ap maa ja Tios ja tyiyajtën y'ëkyajpatnë. Yë kyäjpxynyajxpëtëjk ka'ap y'ëkwinkëmaanëtë ets Wintsën tii y'ëktuk'ijxënëtë.

Jeremias 18:22

Mijts ajotkumonë mtuknikäxëp may mä'tspë; yajmëtowëp ko nyëya'ax yujkya'axtëty mëët ja mëktsë'ëkë. Jä'ä ko tëë tajtë o'kpë jut maas xyajnaaxtëkëja'antën, tëë tpëjkta'aktë o'ktakn yu'utsypë maas jeexyë nkuka'anaxyën.

Jeremias 12:4

¿Jëna'a jyëjpkëxa'any ja xëëw jëmëjt ma ja naaxwiinyëtë ka'ap anë'ëk tëëtsë'ëk y'ëk'ijnëty ets ma ja aay ujts ka'ap y'ëktëtsnëty? O'kta'ajanëp yë aayjëyujk ujts jëyujknë ets joon jëyujk mëti'ipë kääkëtijtëpën, mëët ko ja naaxwiinyëtë ja'ay ëxëëk y'ëtë'ëtstë y'ëna'antë ets y'ëna'antë ko mijts ka'ap xy'ixy yë tyuuntëko'oy kyajpxtëko'oyënëty.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Isaías 33:9

Jëëytyëp yaxtëp ja ja'ayëty ko ja o'kën tëko'oyën y'ity, anë'ëk tëëtsë'ëk ja Líbano naaxjot yajpatnë, ja Sarón itjot aanë'ëk tëëtsë'ëk të y'awinpijnë, ja Basán kopk ets ja Carmel kopk tëë wyinwatstaaynyë.

Isaías 24:7

Ka'ap ja tsatym nyëë nëkooyënë, ja tsatsymkyam nän pëjkëtëp ijxëtëp; mëti'ipë ijty akujk jotkujk juuky'ajtëpën, tyam mon tuk yajpatnëtë.

Isaías 24:4

Anë'ëk tëëtsë'ëk ja naaxwiinyëtë y'awinpita'any, xo'tsta'ajaanp ja aay ujts, mon tuk ja naaxwiinyëtë yajpaata'any.

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Job 34:28

Koonëm yë ëyoopëja'aytyëjk ojts ya'axtë jyoktë ets mëti'ipë ënäty yajtëytyuuntëpën ets Tios tmëtooy.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

Éxodo 2:24

Ets ojts tmëmay tmëtajy, ko ënäty y'ëjtë tyu'uktë ets tja'amyejtsy wi'ix ënäty të tunyën ja käjpxytyu'unën mëët ja Abraham, Isaac ets Jacob.

Salmos 144:14

Yë ntsajpkaa'ajtëmë janty oyëty y'u'unk'ixtë, ets aak jää myëxu'unk'atë ma tnixëëwëtyën, ka'ap nijëna'a yajmëtoy pën jyi'iy yä'äxy ma ntu'u'ajtëm nyäxyën.

Isaías 24:11

Je'eyë ja'ay yaxnëtë jä'ä ko ka'ap maa uukynyë mëti'ipë mukpën; tëë ja äjtsën xoontakën pyi'tsta'ay; jëtu'un yaj'ijxnë wiink it wiink naaxwiinyëtë yowë ja'ay të nyëjkxtaaynyëtë tsumy matsy.

Jeremias 12:11

Aanë'ëk tëëtsë'ëk ets mon tuk të tyajwë'ëmtë, n'ijxypyës wi'ix jyi'iy yä'äxyën. Aanë'ëk tëëtsë'ëk tu'kë'ëyë ja naax kajpn yajpaaty ets ni pën tkamëmay tkamëtajy.

Jeremias 46:12

Yë naax kajpn tëë tnijawëtë ko mijts o'ktëy të mjaty të mkëpety, naaxwiinyëtë apëtsëmy të yajmëtoy ko të xymyëyä'äxy ja ëyo'on jotmay.

Lamentaciones 2:8

Yë Wintsën të tuknipëjktaakë ets jyijta'ajëty yë Sión kajpn. Tëë tnimay tnitajë wi'ix tyajkutëkoyä'änyën ets ka'ap të tmëpo'kxy, koonëm të tuny ijxtëm ënäty të tnimay të tnitajën. Tëë tjijta'ay mëti'ipë ja naax kajpn nyapots'ajtypyën ets ja ja'ayëty je'eyë tnimon tnutuktë jëtu'un tä jeexyë pën të y'ookyën, tu'kë'ëyë të nyaaxmëjijtëtyä'äy.

Hageo 1:11

Ëjts të nyajminy yë anpë ma cam tu'ujën ets ma tun kopkën; ma tsajpmokën, tsatym kyamën, olivë kamën, ma pëjktä'äkyën, ma ja'ayëtyën ets ma nitëkokyë jëyujkën wi'ix kawi'ixëtypë ets ma tu'kë'ëyë tyuunk y'ëyo'onëtyën.

Joel 1:11

Miitsëty mëti'ipë naaxtuuntëpën, mëti'ipë nyipëjktakëtyëpën yë tsatsymkyam, jë'ëtë ya'axtë mon tuk, jä'ä ko ma'ta'ajaanp yë mëti'ipë ënäty të xyjyakoj të xyjyani'iptën ets tsajpmok ets cebadë mya'ata'aja'any.

Joel 1:14

Mëkajpxmujkta'atë yë naax kajpn ets y'ayuu'atëty; yajmujkta'atë yë yujkyeekytyëjkëty ets mëjja'aytyëjk ets nitëkokyë ja'ayëty jap tsajptëkoty ets tmëkajpxtëty yë Wintsën.