Jeremias 14:10 - Biblia Mixe de Quetzaltepec

¹⁰ Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Biblia Dc en Mixe de Quetzaltepec

¹⁰ Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Jeremias 14:10 ပူးပေါင်းရင်းမြစ်များ

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Salmos 119:101

Tëës yë nkë'ë nteky njëpëky ma ja në'ë tu'ujën ëxëëkpë, jä'ä ko yë'ëjës ntunäämpy ijxtëm yë m'aaw m'ayuk y'ënä'änyën.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Hebreos 8:12

Nnimäkxta'ajäämpyës ja y'ëxëëktu'unënëty, ets nijëna'ajës ja pyoky nka'ëkja'amyäjtsënëtëty.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënäty wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Oseas 11:9

Ka'apës jëtu'un tii ntimtyuna'any ijxtëmës yë n'äkë xyayajmay xyayajtajyën: Ka'apës yë Efraín n'ëkyajkutëkoyanë, jä'ä ko Tiosës, ka'ap nyaaxwiinyëtë ja'ayëty. Ëjts wa'atsës nyajpaaty itkujky ma mijtsën ets ka'apës yë'ëjëty të niminyës ets nyajkutëkoyä'äny.

Oseas 11:7

Jëkämës yë nkajpn tyimnäyyaj'ityë; nëyax yujkyaxtëp je'eyë ets ni pën tkamëtoy.

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Jeremias 2:36

¿Wi'ix ko janty poj'am xytyimyajtëkatsa'any ja mja'ay mëti'ipë mëët mnäpyiky mnämyätsyën? Näyjyëtu'un ënät ja Egiptë kajpn ka'ap oy mmëtuna'anyë, tä ja Asiria kajpnën ka'ap ojts oy mmëtunyë.

1 Reyes 17:18

Ënät ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Samuel 15:2

Jëtu'un y'ënä'äny yë Wintsën, mëti'ipë maaytyääyëpën winë. Ëjts ntëytyunäämpyës yë Amalec ja'ayëty mëët ijxtëm të tuntën yë Israel ja'ayëty, ko tu'u'ëtujktë ma ënäty të y'ënu'kxëtyääynyëtën ko Egiptë tsyo'ontë.

Jeremias 3:13

Yi'iyë mkupëkëp ko tëë mpokytyuny, ko yë mWintsën Tios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Ezequiel 29:16

yë Israel kajpn ka'ap jatëkok t'ëktuk'ijxpäjnëty yë Egiptë kajpn, nëjkxëp tja'akyukëtë ok ko ojtstëm tsyuu'atë ko näypyutëkë t'ixtaaytyë jap Egiptë. Ënät nëjkx nijawëtë ko ëjts Wintsën.

Oseas 7:2

Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Oseas 7:13

Mon tuk yajpaatë ko të jyëwa'aktë maas ëjtsën. Kutëkoyantëp yë'ëjëty jä'ä ko të xykyäjpxy kumëtoownaxtës. Ëjts njatsojkpyës ets jeexyë nyajtso'oktës e yë'ëjëty je'eyë xynyi'äntaakëtës.

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënäty të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Salmos 95:10

Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.