Jeremias 13:25 - Biblia Mixe de Quetzaltepec

²⁵ Mijts Israel jëtu'un mjata'any mkëpäta'any, mnitëjkëyëp jëtu'un mjatëty. Ëjts Wintsën, ëjts ënaanp. Mijts ojtsës xyjyä'äytyëkoy, ja awinax mëti'ipë ka'ap myëtëyëtyën yë'ë të xytyuk'ijxpety.

Biblia Dc en Mixe de Quetzaltepec

²⁵ Mijts Israel jëtu'un mjata'any mkëpäta'any, mnitëjkëyëp jëtu'un mjatëty. Ëjts Wintsën, ëjts ënaanp. Mijts ojtsës xyjyä'äytyëkoy, ja awinax mëti'ipë ka'ap myëtëyëtyën yë'ë të xytyuk'ijxpety.

Jeremias 13:25 ပူးပေါင်းရင်းမြစ်များ

Job 20:29

Yë'ë ya'atë Tios të tuknipëjktaakë yë ëxëëkja'aytyëjk; jëtu'un jyata'any kyëpäta'any.

Mateo 24:51

tääts nëjkx tyiytyunyë ets pyëjktä'äkyë ma ja ja'ayëtyën mëti'ipë wiinkë'ëy akë'ëy oyjyä'äy'ajtëpën. Ënät myina'any ja ëyo'on jotmay ma y'ityën ja jë'ëyën yaxën ets ma ja ja'ay ka'ap jeky ja ëyo'on tmëmëtä'äkyën.

Jeremias 2:32

¿Wä'än jëtää tu'uk to'oxytyëjk tja'atyëkoyëty yë nyantsëm, tyatsktëyë ets kyë'ëjiits mëti'ipë të tmëpëkyënë? Ka'ap yowë. Näyjyëtu'un jeexyë yë nnaax nkajpnës nän ka'apës jeexyë xyjyä'äytyëkoy, e yë'ë tëëyëpës xyjyä'äytyëkooynyë.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Salmos 9:17

Yë ëxëëkja'aytyëjk ets ja ja'ayëty mëti'ipë ka'ap yë Tios t'ëwtatën, mëti'ipë tu'ukyë yë Tios të tja'atyëkooynyëtën, jam kyëxa'antë ma o'kën yajkutukyën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Tios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Tios yë'ë yajpatp mëët ëëtsajtëm; tii xynyajajtmëp.

Jeremias 10:14

Aak tsuu aak nëpap yë naaxwiinyëtë ja'ay yajpaaty. Yë awinax ëxëëk o'ktëy yë jyä'äy tyajjaty mëti'ipë të yyajkojyën: nëkoo ja'ay nyätyukwin'ëënëtë, ka'ap tii juukyajtën tmëëtëty;

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënäty ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Isaías 28:15

Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.

Isaías 17:4

Jä'ä xëëw ja Samaria nëjkx myëjaawkukëxë ma ënäty ja Jacob ja jyotkujk'ajtën të tpaatyën, ja jyotkujk'ajtën jëtu'unyë nëjkx kyixy nyäxy.

Romanos 1:25

Ka'ap ja Tios ja tyiyajtën të tmëjpëjktakëtë, ni'ikyë ja ënëëmëtyä'äky të tyajmëjtëkëtë ets të twintsë'ëkëtë, të t'ëwtatë mëti'ipë ja Tios të tyajkojyën; ka'ap ja Tios të twintsë'ëkëtë, mëti'ipë ja paat'ajtëpën ets jeexyë tmëjjaw tjaantyjyawëtë.

Isaías 34:17

Nitu'ukjaty tëë tmooytyä'äy y'ijtakn ets tëë tukni''ijxëtyä'äy maajaty y'itëtyën, ets jam yajpaata'antë winë xëëw winë kyëjxm.

Isaías 65:7

mëti'ipë të yajja'ay'ooktën ets ja tyeety tyaakëty ma näjyëtu'un të yajja'ay'ooktën. Yë'ëjëty tim no'k tim xaamtëp ijty jam tunkëjxm kopkëjxm ets ni'ikyë xyajjoot'anpëktës. Paatyës ntuknipëjktakënë ko yam winë npaye'eyä'änyës, ets ntukumëtowa'antës ijxtëm pyaat'atëtën. Yë Wintsën jëtu'un ënaanp.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Jeremias 18:15

Yë nnaax nkajpnës tëëjës xyjyä'äytyëkooynyë, wiink tios tyukwintsë'kënëp yë poom jok. Tëë t'ëxmajtsnë ja ap tu'u ets jä'ä pyanëjkxnëp mëti'ipë ka'ap t'ixy'ätyën,

Ezequiel 23:35

Paaty ëjts maas nWintsën'atyën, jëtu'unës n'ëna'any: Mëët koos tëë xyjyä'äytyëkooynyë ets ja mjëxk të xytyuk'akëëynyës, kopkpëky ko xykyumëtowëty ko xim yam ja ye'etyëjk të xymyëët'aty ets ko mijts je'eyë të mpëyë'ëk'ëwtity.