Jeremias 13:21 - Biblia Mixe de Quetzaltepec

²¹ Mijts Jerusalén, ¿wi'ix m'ëna'ana'any ko ënäty yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Biblia Dc en Mixe de Quetzaltepec

²¹ Mijts Jerusalén, ¿wi'ix m'ëna'ana'any ko ënety yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Jeremias 13:21 ပူးပေါင်းရင်းမြစ်များ

Isaías 13:8

Mëët ja mëktsë'ëkë wyë'ëma'antë. Mon tuk yajpaata'antë mëët ja pëjkën ijxën mëjwiin këjää jëtu'un nyäwyiita'an nyäxyaatsa'anëtë tä tu'uk yë to'oxytyëjkën mëti'ipë ja pëjkën ijxën myëët'ajtypyën ko u'unk maay tyajja'ty naaxwiiny. Nitu'ukjaty je'eyë nëjkx nyäwyintë'kxëtë wintsëtyu'un jëjptsëtyu'un.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Jeremias 38:22

tu'kë'ëyë ja to'oxytyëjktëjkëty mëti'ipë ënäty të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënäty mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënäty ja jëtu'unpë kyixy nyäxy?

Isaías 10:3

¿Tii mtuunta'akantëp ko ënäty pën myajtëwëtë mëti'ipë mtuuntëkooytyëpën, ets ko ënäty mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Ezequiel 28:9

¿Jëtu'un je'eyëm m'ëna'ana'any ko mijts mjëtu'unëty tä tu'uk tiosën ko ënäty jam ma mëtsipën myajpatnë?. Ko ënäty myajpatnë ma ja'ayëtyën mëti'ipë myaj'ookanëpën mijts nitii mëk'ajtën xykyamëët'ata'any ma mnaaxwinyëtë ja'ay'ätyën.

Jeremias 48:41

Oy jënu'un myëjkajpnëty ets oy jënu'un kyëwent'atyëty, ko ja myëtsip nyiminëtëty, o'ktëy tyuna'anyë. Jä'ä xëëw ja Moab ja tsyiptuunpëtëjk nëjkxëp yë tsë'ëkë tyajnaxy tä tu'uk yë to'oxytyëjk tsyë'ëkën ko u'unk maay tyajmina'any naaxwiiny.

Jeremias 30:6

Yajtëwtë pën jyëkyejpy tu'uk ye'etyëjk y'u'unk'ixëty. ¿E tiixë ko jëtu'un nyäwyiit nyäxyaatsëtë yë ye'etyëjktëjk tä jeexyë y'u'unk'ixa'antën? ¿Wi'ix ko tsuxk wi'ixnë të jyajta'atë?

Jeremias 22:23

Jotkujk tyam myajpaaty, jëtu'un tä joon jëyujkën pyä'änjoty y'ityën, ajë kepy itkujky mtsëënë mëti'ipë ja'ay yajtso'ontëpën jam Líbano, je'eyëp ko pyätyp ja xëëw po'o jëna'a mijts ja pëjkën ijxën xyajnaxa'anyën mëti'ipë jëtu'un pëjkp atoonpën tä to'oxytyëjk u'unk maay tyajja'ta'anyën naaxwiiny.

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Isaías 21:3

Pëjk atoonpës njawë njot nini'kx, jëtu'unës näjyawëty mpëky n'atonyë tä to'oxytyëjk jyot nyini'kx pyiky y'atonyën ko y'u'unk myääy myëxu'unk'ata'any, nitiijës nka'ëkmëtowanë mëët ja monyëtukyë, ets nitiijës nka'ëk'ixanë mëët ja tsë'ëkë jawë.

2 Reyes 16:7

Ënät yë Acaz tkejxy yë kyukäjpxy jam ma Tiglat-piléser, jampë yajkujkyën Asiria ets t'ënëëmëty: Ya'atë mtuunpë jëtu'un yë'ë tä jeexyë xy'u'unk'atyën. E paaty yam npëjktsoyë ets minëty poj'am, minës nitsiptuunk maas yam yë yajkutujkpë Sirië ëxëëk xytyunyën.

Mateo 24:8

Ko jëtu'un tyunëtëty jyatëtëty, je'eyë ënäty ja ëyo'on tsyo'ontä'äkynyëm.

Jeremias 2:25

Israel, këtii nëkoo tekywya'ats mjëtity, ijxkëm yë mteky xyajtsëtyuty, këtii nëkoo myo'ktsum mnätyukyo'ktsukyë. Mijts je'eyë m'ëtsooy: Ka'ap, ka'apës tii xyjäty; ëjts jaaypyaat jaaypyo'kxy n'oyjya'apës ets yë'ëjës ninëjkxäämpy.

Jeremias 4:30

E mijts naax kajpn, xit ko'owpë myajpaatyën, ¿tii nyawa'anëty oy uky tsyapts mjanäxyoxyë? ¿Tii nyawa'anëty oy jam ma mwiin mjëjpën xyjyapëjktä'äky pu'ts pujxn? ¿Tii nyawa'anëty oy mwiin yëk xyjyakoy? Nëkoopë janty'oy mnäkyoyë, ja mëti'ipë määpy mtäjpyën mtsojkëp mja'awëyëp, ka'ap m'ëk tsojkënë, mijts o'kën yi'iyë mjëjp'ijxnëp.