Jeremias 13:19 - Biblia Mixe de Quetzaltepec

¹⁹ Yë Négueb kajpn tëë ja myëtsip yajnatujkta'ayë; ka'ap ni pën jam nyäxy. Yë Judá ja'ayëty wa'ats të yajmënëjkxta'atë tsumy matsy wiink kë'ëy wiink kajpn, ni'ëmukë të yajmënëjkxta'atë.

Biblia Dc en Mixe de Quetzaltepec

¹⁹ Yë Négueb kajpn tëë ja myëtsip yajnatujkta'ayë; ka'ap ni pën jam nyäxy. Yë Judá ja'ayëty wa'ats të yajmënëjkxta'atë tsumy matsy wiink kë'ëy wiink kajpn, ni'ëmukë të yajmënëjkxta'atë.

Jeremias 13:19 ပူးပေါင်းရင်းမြစ်များ

Jeremias 52:30

ma ënäty i'px tëkëëk jëmëjt y'apetyën ma yajkutukyën yë Nabucodonosor, yë Nebuzaradán jä'ä ojts tyajnëjkxy tsumy matsy yë Judá ja'ay: wëxtujk mëko'px ja wëxtyikxy mëkoxk. Jä'ä nyiwinë'ajtë mëti'ipë ojts yajmënëjkxtën tsumy matsy: taxk mil ja tëtujk mëko'px.

Jeremias 39:9

Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënäty kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

Deuteronomio 28:52

Ja mnaax mkajpn wa'ats nëjkx tyajnatujkta'atë, koonëm ja nyipotsy tjijtë'kta'atëty; ja potsy oy ënäty jënu'un jyata'tspëkyëty ets jyakëjxmëty, mijts ka'ap tjëkyepy xytyukjotkujk'atëty. E jëtu'un jyata'any kyëpäta'any ja naax kajpn mëti'ipë ënäty ja mWintsën të mjamo'oyën, ja mmëtsip nëjkx tjä'ä'ajnë.

Jeremias 33:13

Ma ja kajpnëtyën mëti'ipë ets joyjyotm yajpatëpën, ma Négueb ets Benjamín y'itjotmën, jampaat ma Jerusalén ets Judá nyaaxjotmën, yonaanp jam jatëkok yë mëëy ets aay ujts mëti'ipë jyë'kxtëpën yë kupixyny, nëjkxëp jatëkok yë ja'ayëty jam tmëtyowtë yë kyupixynyëty mëti'ipë kyëwent'ajtëpën. Ëjts Wintsën, ëjts ënaanp.

Jeremias 20:4

Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënäty ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Jeremias 17:26

Minantëp yë ja'ayëty mëti'ipë tso'ontëpën ma Judá y'itjotmën, ma Jerusalén kajpnën, mëti'ipë yajpatëpën ma Benjamín y'itjotmën ets ma ja kopkjotmën mëti'ipë Négueb nyitënääpyën; myëminantëp yë tsyajppaxëty kyupixynyëty ma tsajptëjkën ets tukwintsë'ëkëja'antë ja Wintsën nino'oky nixämy, myëminantëp yë pyoomëty ets y'ääypyajk y'ujts pajkëty ets Wintsën tukmëyoxa'antë ma tyajnaxtën ja kukajpxën.

Job 12:14

Mëti'ipë Tios të tyajkutëkoyën, ka'ap tjëkyepy pën jatëkok t'akojëty; mëti'ipë Tios të tyajku'ëtukyën, ka'ap tjëkyepy pën tyajniku'ëwa'atsëty.

Josue 18:5

Ya'atë ja'ayëty nitëkëëkpë ënäty nkäjxtënës wëxtujkpëky nëjkx t'ijxwa'kxtë ja it naaxwiinyëtë, ëpëky ja Judá ja jyä'äy ja nyaaxëty mëti'ipë jam yajpatpën ëpa'tkë'ëmtsow ets ja José ja y'u'unk y'ok ja nyaaxjotëty jampë yajpaatyën anëkëjxmtsow.

Deuteronomio 28:15

E pën ka'ap xymyëmëtoy ja mWintsën, jëtu'unyë nëkoo xynyakumëtoownaxy ja y'aaw y'ayuk ets ja y'ënä'ämën tyiyajtën, mëti'ipë yam njatuk'ëne'empyën xytyunëty, ka'ap xyjyawëty wi'ix ja ëyo'on jotmay mtukëta'akëtëty ets wi'ix ja pojkën jam kyëtakta'ajëty ma mjuukyajtënën, mëti'ipë yam yajnikajpxpën.

Jeremias 32:44

Nëjkxëp yajjuy yajkëpety yë naax kam ets nëjkx yajxon yë nyinoky yaj'oytyuny tsa'ay pëky mëët ja mëti'ipë ijxp nija'apën. Ya'atë jam jëtu'un tyuna'any jyata'anyë ma Benjamín y'itjotmën, ma Jerusalén pya'a nyuxën ets Judá nyaax kyajpnën, jëtu'un mëti'ipë tunjoty kopkjotyën ets jëtu'un mëti'ipë joyjyotyën; näjyëtu'un mëti'ipë jam Négueb yajpatpën, jä'ä ko ëjts nyajkutukäämpyës ets nëjkx tëkatsy jyuuky'ajnëtë. Ëjts Wintsën, ëjts ënaanp.

Lamentaciones 1:3

Ëyoop mëtuunp Judá tyam, tsumy matsy yajpaaty wiink naax wiink kajpn. Mëti'ipë ijty naax kajpn y'ëne'empyën, tyam ka'ap pyo'kxy. Mëti'ipë të yajpapo'oyën tëë yajnajtspaatë ma y'axu'utstëkën.

Zacarías 7:7

¿Këtii näjyëtu'un yë Tios ojts yë y'aaw y'ayuk t'ëk kajpxpë mëët yë kyäjpxynyajxpëtëjkëty tëëyëpë jyuuky'atën, ma ënäty ja Jerusalén kajpn jotkujk yajpaatyën ets ma ënäty ja wiinkëtypë ja naax kajpn jotkujk yajpaatën ets Négueb y'itjot ets tu'kë'ëyë tampë joyjotmën?

1 Crónicas 9:1

Je'eyëp ko ja ja'ayëty mëti'ipë jyä'äyäjtypyën ja Judá, ojts ja jam tsyo'ontaaynyëtë ma nyaax kyajpnëtyën tsumy matsy, mëët ko ënäty ja tuuntëko'oy kajpxtëko'oyën tmëët'atë.

Jeremias 24:1

Tëë ënäty yë Nabucodonosor yajkutujkpë jam Babilonyë tyajnëjkxy tsumy ja Jeconías, yë Joaquim yë myaank mëti'ipë jam Judá yajkutujkpën, mëët yë kopktëjkëty mëti'ipë jam Judá mëj'äämpy ijtëpën ets ja'ayëty mëti'ipë kojtëpën taktëpën ets mëti'ipë pujxn atsaaymyujktëpën, ko ojts yë Wintsën xytyuk'ixyës mäjtsk yë katsy ujtsëty mëët yë higo tëëm, jam kyiiynyë tsajptëjk'ëkë'ëm.

Jeremias 28:4

Näyjyëtu'un wyimpita'any jatëkok yë Jeconías, yë Joaquim yë myaank, mëti'ipë jam yajkutujkpën Judá ets nitëkokyë ja'ayëty mëti'ipë ojts jam Babilonyë yajmënëjkxtën tsumy matsy. Jëtu'un tääjës n'ëna'anyën, ëjts nyajmëpotëjäämpy yë Babilonyë yajkutujkpë. Ëjts Wintsën, ëjts ënaanp.

Jeremias 52:28

Yë Nabucodonosor may ojts yë ja'ay tyajnëjkxy tsumy matsy: Ma ënäty mëwëxtujk jëmëjt ëka'any yajkutukyën, tëkëëk mil ja i'px tëkëëk ojts Judá ja'ay tyajnëjkxy tsumy matsy;