Jeremias 13:11 - Biblia Mixe de Quetzaltepec

¹¹ Jëtu'un tä tu'uk ja'ay nyäwyë'ënta'atsyën, jëtu'unës yë Judá ja'ayëty ets Jerusalén ja'ayëty të nmëët'aty, wë'ënta'atsy tu'ukmukyë të yajpaatë mëët ëjts ets yë'ë nnaax'at nkajpn'atëtyës, jëtu'un yë nxëëwës tyajmëjnaxtëty, tääts yë nmëj'ajt n'oyajtënës jam nyikëxë'ëkëty ma yë'ëjëtyën. E yë'ëjëty ka'ap të xymyëmëtowtës. Ëjts Wintsën, ëjts ënaanp.

Biblia Dc en Mixe de Quetzaltepec

¹¹ Jëtu'un tä tu'uk ja'ay nyäwyë'ënta'atsyën, jëtu'unës yë Judá ja'ayëty ets Jerusalén ja'ayëty të nmëët'aty, wë'ënta'atsy tu'ukmukyë të yajpaatë mëët ëjts ets yë'ë nnaax'at nkajpn'atëtyës, jëtu'un yë nxëëwës tyajmëjnaxtëty, tääts yë nmëj'ajt n'oyajtënës jam nyikëxë'ëkëty ma yë'ëjëtyën. E yë'ëjëty ka'ap të xymyëmëtowtës. Ëjts Wintsën, ëjts ënaanp.

Jeremias 13:11 ပူးပေါင်းရင်းမြစ်များ

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënäty tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Jeremias 32:20

Ojts jap Egiptë yë mmëjajtën mkutujkën xyaj'ixyë, tyampaat je'eyëm xyaj'ixyë ma Israel kajpnën ets ma nitëkokyë ja'ayëtyën, jëtu'un'äämpy yë mxëëw mëj yajëkyepy oymyaajëty.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Jeremias 6:17

Yë Wintsën ojts yë këwent'ajtpë tpëjktä'äky ets t'ënëmaay yë naax kajpn: Mëtowtëp ko ja pujxnxuxn yajtukxu'uxëty mëti'ipë nyikäjpxypën ko kutsë'ëkëpë myiny kyëtä'äky. E ja naax kajpn je'eyë y'ëtsooy: Tii tääpë, ka'ap yam yë'ë yajmëtowa'any.

Isaías 62:12

Ets Israel ja'ayëty yajtijanëtë Ja wa'atspë ja naax kajpn. Mëti'ipë yë Wintsën të yaj'ëwaatsëpëtsëmëtën, ets näjyëtu'un ja Jerusalén kajpn mëkpë yajtsokyën. Ja naax kajpn ka'apë yaj'ëxmatsyën nätyu'uk.

Salmos 147:20

Ka'ap ojts maa wiink naax wiink kajpn jëtu'unpë tuny, ja ja'ayëty ja wiink naax wiink kajpnëpë ka'ap ojts ma tnijawë'atë ja y'ënä'ämën tyiyajtën. Tukxoontä'äky mëjjawë Tios yë xyëëw nyaxëty.

Salmos 135:4

Yë'ë ojts twin'ixy yë Jacob mëti'ipë yajtijpën Israel, ets yë'ë jëtu'un tjawëja'any tä kyë'ëm wit kyë'ëm meenyën.

Deuteronomio 26:18

Yë Wintsën tëë näjyëtu'un tnikäjpxy ko mijts Israel kajpn, mijts yë mkajpn'ajtëp, jëtu'un tä ojts mtukwinwanëtyën tëëyëp, e paaty tyam kopkpëky ko yë y'ënä'ämën tyiyajtën xypyatuunëtëty.

Deuteronomio 4:7

Jä'ä ko ¿Ma jëtu'unpë n'ëkpatmëty wiinkpë kajpn mëti'ipë myëwinkon'ajtypyën Tios. Ets nWintsën'ajtëm Tios xëmë yajpaaty ma ëëtsajtëmën oy jëna'a ntimmyëkajpxa'anmëty tää'ajtp?

Lucas 10:11

Yë'ëpaat yë pu'uxm mëti'ipë jam ma ëëts yë ntekyëtyën nwinxitës ets xymyëwë'ëmtëty ja mpokyëty. E nijawëtë ko winkon ja Tios ja kyutujkën yajpaaty ma miitsëtyën.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Jeremias 13:1

Ënät ja Wintsën xy'ënëmaayës: Nëjkx tu'uk juy yë mwëën mëti'ipë linë witën ets mnäwyëënëtëty, je'eyëp ko këtii xyajxookëty.

Jeremias 13:12

Näyjyëtu'un xy'ënëëmëty: Yë Wintsën mëti'ipë yë Israel ja'ayëty Tyios'ajtëpën, jëtu'un y'ënä'äny: Oymyëti'ipë tu'tsëty jyëkyejpy n'atääm'ujtsmëty mëët yë tsatym nyëë mëti'ipë tëë nyimaanaxyën. Ets Israel ja'ayëty jëtu'un nëjkx m'ëtsoyë: ¿Yë'ëmës jëtää nkanija'awëtyëpë ko jyëkyejpy oymyëti'ipë tu'tsëty n'atääm'ujtsmëty mëët yë tsatym nyëë mëti'ipë tëë nyimaanaxyënë?

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën:

Deuteronomio 26:19

Yë Tios mëj myaj'awinpita'anyë mëët yë mëj'ajt oyajtën, akäjpxy nimëtyä'äky, mëjpëjktä'äky, ma ja wiinkëtypë ja kajpnën ets jëtu'un mkajpn'ata'anyë tä të tnikäjpxyën, tu'uk ja kajpn mëti'ipë të yajtuknikënu'kxën ja mWintsën Tios.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.