Jeremias 12:13 - Biblia Mixe de Quetzaltepec

¹³ Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Biblia Dc en Mixe de Quetzaltepec

¹³ Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Jeremias 12:13 ပူးပေါင်းရင်းမြစ်များ

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Miqueas 6:15

Mjani'ip mjakojëp, je'eyëp ko ka'ap nëjkx ja pëjktä'äky xyajpëtë'ëky; mjanijëtsëp yë aceitunas, je'eyëp ko ka'ap nëjkx yë y'on xyajtuunë; mjawintäänëp yë tsatsym, je'eyëp ko ka'ap nëjkx xy'ukë yë nyëë.

Deuteronomio 28:38

Janty may yë mtëëmpt xyjyani'ipëty, ja mpëjktä'äky wäänë nëjkx xyajwinmujknë. Jä'äkyëjxm ko maymyu'u nëjkx tyajpa'amtëjkëtyä'äy.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Levitico 26:16

Ëjts wiinkës jëtu'un njawëja'any, nëjkxëp ntukjoot'anpëktë. Nëjkxëp ntuknikäxtë mëti'ipë atsë'ëk ajawën, pa'am ëyo'on mëti'ipë yaj'o'kp yajtëkoopyën, tä yë mëkjëënpa'amën, wiinpa'amën ets ma ni'kx kopk pyiky y'atonyën. Oy mjani'ip mjaakkojtëty, yë mëtsiptëjkëty yë'ë nëjkx tjë'kxtë tpëktë ja mpëjktä'äkyëty.

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.

Jeremias 4:26

Ojts n'ixyës ja pëjykyamjot, aanë'ëk tëëtsë'ëk të y'awinpijta'atë, tu'kë'ëyë ja naax kajpn xit ko'ow ënäty të jyajta'atë. Ja Tios ja tsyip y'äkë ënäty jëtu'un winë të tyajjajta'ay.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Levitico 26:20

Natëkë miits yë mëjaaw xyaj'ixtuntëty jam mkamwinm mtu'uwinmëty. Nitii jam kyamuxëty ets aay kepy ka'ap nëjkx tyëëmpätë.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Salmos 78:62

Yajxon ojts tukjoot'anpëky ja nyaax kyajpn, ets tkë'ëyäjky ma ja myëtsiptëjkëtyën ets kyupujxtaayëtë.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Hageo 1:9

Miitsëty may winë xytsyoktë ets wäänë xypyaatë; mëti'ipë jap mtëkoty mjapëjkë'ktëpën, tu'kxejyës je'eyë nyajkëjxta'ay. ¿Wi'ix jëtää ko jyëtu'unëty? Jä'äkyëjxm koos yë njëën ntëjk axit ako'owë yajpaaty, e miitsëty yi'iyë mëmaay mëët'ajtëp wi'ix mjëën mtëjk xyaj'utstëtyën. Ëjts Wintsën, ëjts ënaanp.