Jeremias 11:7 - Biblia Mixe de Quetzaltepec

⁷ Maju'unëmës nyajpëtsëmyën yë m'ap m'okëty jap Egiptë, kanaak'ok të n'ënëëmëtë etsës xymyëmëtowtëty, jëtu'un ma tsyo'ontäkyën ets tyampaat je'eyëmës jëtu'un n'ënaan'ëtë'ëtsy.

Biblia Dc en Mixe de Quetzaltepec

⁷ Maju'unëmës nyajpëtsëmyën yë m'ap m'okëty jap Egiptë, kanaak'ok të n'ënëëmëtë etsës xymyëmëtowtëty, jëtu'un ma tsyo'ontäkyën ets tyampaat je'eyëmës jëtu'un n'ënaan'ëtë'ëtsy.

Jeremias 11:7 ပူးပေါင်းရင်းမြစ်များ

2 Crónicas 36:15

Ja Wintsën mëti'ipë y'ëwtajtën ja y'ap y'okëty, ojts kanaak'ok jya'ënë'ëmxëtë ets tyaj'oyëtëty ja jyot wyinma'any jä'ä ko ja tsojkëtëp ets ja pa'ëyoowëtëp, ma jam yajpaatyën ja y'ijtakn.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Tios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

1 Samuel 8:9

Paaty n'ënëëmë ko kupëk je'eyë ijxtëm y'ëna'atën; je'eyëp ko tuk'ëwaanë wi'ix nëjkx ja yajkutujkpë jyä'äy'ätyën ets ijxtëm nëjkx winë tunyën ma yë'ëjëtyën mëti'ipë ënäty ënä'ämëtëpën.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënäty xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

2 Tesalonicenses 3:12

Jëtu'unpë ja'ayëty jëtu'unës yam n'ënä'ämtë ets ntuknipëktës ma Wintsën Jesukristë xyëëwën wä'än tuntë amëk jotmëk ets tpaatëty kyä'äyën y'ukënëty.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 25:4

E oy yë Wintsën kanaak ok të mjatuknikäxëtë yë käjpxnyajxpëtëjk, miitsëty nijënu'un mëj të xykyajawëtë, ka'ap të mja'akyukëtë ets ka'ap të mmëtowtë.

Jeremias 11:4

Yë'ë ja käjpxytyu'unën mëti'ipës mëët ntuunyën ja y'ap y'okëty koos jap nyajpëtsëëmtë Egiptë, ma ënäty yajpaatën jëtu'un tä jeexyë jyuuky'atën ma jëëntooytyaknën ma pujxn wyin'ëëtsyën. Ojtsës n'ënëëmëtë: Mëmëtoowtëkës, tuntë tu'kë'ëyë mëti'ipës ni'ënä'ämëpën ets jëtu'un nkajpnniwa'antëty etsës miitsëty xyTyios'atëty.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 8:6

Paaty yë'ë kuuytyuntë ja Wintsën ja y'ënä'ämën kyutujkën, yë'ë mëjjaw kënu'kxyjyawëtë ets mëjpëjktakëtë ja y'aaw y'ayuk.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënäty yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

Jeremias 25:3

Ma ënäty majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënäty ëjts Wintsën xyatijtë. Ëjts Wintsën, ëjts ënaanp.

Jeremias 35:14

Yë Jonadab yë y'u'unk y'ok, yë Recab yë myaank, yë'ë pyatuuntëp ja ënä'ämën mëti'ipë ënaanpën ko ka'ap mëpaat yë tsatym nyëë t'uuktë mëti'ipë tëë nyimaanaxyën, jä'ä ko jëtu'un ja y'aptëjk ojts tni'ënä'ämë. Ëjts nän tëë miitsëty yë ënä'ämën njamo'otë kanaak ok, je'eyëp ko ka'ap të xypyatuntë.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.

2 Reyes 17:13

Tëë ënäty ja Wintsën ja jyot wyinma'any tjaakmëktuny, ko tkejxy ja kyäjpxynyajxpëtëjk ets ja wyijyjyä'äytyëjk ko t'ënëmaay ja naax kajpn ets jeexyë jyootwinpitë, tyaj'oyëtë ja jyot wyinma'any, ja nyë'ë tyu'ujëty; tuntë jeexyë jëtu'un winë tä ja ënä'ämën tëyajtën myinyën, mëti'ipë ojts tjatukmëwë'ëmyën ja y'apëty y'okëty ko ja Wintsën ja kyäjpxynyajxpë ojts tjakajpxwa'kxtë ja oypyë ja aaw ayuk.

Jeremias 32:23

E ko jyajtë jam ma ja it naaxwiinyëtën mëti'ipë ënäty të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënäty të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Jeremias 34:14

ets kom wëxtujk jëmëjt tyaj'ëwaatsëpëtsëmtëty tu'uk ja hebreo ja'ay mëti'ipë të myëtunëtën tëtujk jëmëjt ma jyëën tyëjkëtyën ko tii të tyajmëyäty. Je'eyëp ko yë y'ap y'okëty ka'ap jëtu'un tuuntë ets ka'apës xymyëmëtoowtë.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kutujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,