Jeremias 11:10 - Biblia Mixe de Quetzaltepec

¹⁰ Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Biblia Dc en Mixe de Quetzaltepec

¹⁰ Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Jeremias 11:10 ပူးပေါင်းရင်းမြစ်များ

Deuteronomio 31:16

Ënät yë Wintsën t'ënëmaay yë Moisés: Wäänë y'itëty tääts m'o'knëty. E ya'atë naax kajpn ënätyë yë jyot wyinma'any tyajtëkoya'antë ets wiink wintsën ënätyë pyanëjkxantëp pën jëtu'unyë y'itë, ko ja Wintsën t'ëwtatëty mëti'ipë jam yajpatëpën ma ja naax kajpnën, mëti'ipë nyiwa'akantëpën. Ëjts nëjkxëpës xyjyä'äytyëkooynyëtë ets ja käjpxytyu'unën ka'ap nëjkx t'ëktuunëtë këwentë.

Ezequiel 16:59

Ëjts Wintsën, jëtu'unës n'ëna'any: Ko nmo'ojäämpy yam ja tëytyu'unën ijxtëm mnitëkëtyën, jä'ä ko ka'ap të xypyatuny ja m'aaw m'ayuk mëti'ipë käjpxytyu'unën'ajtpën.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.

Jueces 2:19

E ko ja ja'ay y'o'knë mëti'ipë ënäty tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënäty tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

Jueces 2:17

E ja Israel ja'ayëty ka'ap ojts tuntë këwentë ya'atë ja'ayëty mëti'ipë tsiptuuntën, je'eyëm ojts ja wiink tios tpanëjkxtëkëtë ets t'ëwtatë, t'ixtijtë jëtu'un mëti'ipë juuky Tiosën ets mëtëyën. Ja y'ap y'okëty oy ojts ja Wintsën oy tjamëtuntë, yë'ëjëty ka'ap ja y'ënä'ämën tyiyajtën ojts tuntë këwentë.

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Sofonías 1:6

Nyajkutëkoyäämpyës näjyëtu'un mëti'ipës xynyawa'ktutpën, mëti'ipës ka'ap xy'ixta'ayën ets mëti'ipës ka'ap tii xyajtëyën.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Ezequiel 44:7

Miitsëty je'eyës yë ntsajptëjk xyaj'ëxëëkëtë ko jap xyajnaxtë jaaypyaat jaaypyo'kxy, ja ja'ay mëti'ipë ka'ap tmëët'atyën ja nkäjpxytyu'unënës ma jyot wyinma'anyën ets ma jyot nyini'kxën.

Salmos 78:57

Tä näjyëtu'un y'ëtëtstë tä ja tyeety y'apetyën, ojts t'ëxmajtsnëtë ets ka'ap ojts oy t'ëkmëmëtoownëtë, je'eyë ojts yë jyot nyini'kx twiitë tä yë kepyën ka'apë oy yaj'uuyën.

Deuteronomio 9:7

Këtii xyjyä'äytyëkoytyëty nijëna'a, ko miitsëty ojts yë Tios xyajjoot'anpëktë jam të'ëts'itjotm. Tyimtso'ontäky ko jap mtso'ontë Egiptë ets Yaapaat je'eyëm mkäjpxykyumëtoownaxtë.

Levitico 26:15

Ets ka'ap xy'ëkmëjpëjktaknëtë ja n'ënä'ämënës ntëyajtënës ets ka'ap xy'ëkpatuunëtëty ja n'aaw n'ayukës, xyjyä'äytyëkooynyëtëty jëtu'unyë ja käjpxytyu'unën, mëti'ipës të njatunyën mëët miitsëty.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.

Oseas 7:16

Yë'ë ojts tninëjkxtë wiink tios, jëtu'un tä ti'pxnën ka'apë kyujkye'eyën, ka'apë jyä'tyën ma jyayajtukni''ixën. Mëët ko kyajpxtë myëtya'aktë amëj akëjxm, yë kyopktëjkëty kupuxy nëjkx y'o'kta'atë ets jap Egiptë je'eyë nëjkx yajnëxi'ik yajtukxi'iktë.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënäty ëjts Wintsën xyatijtë. Ëjts Wintsën, ëjts ënaanp.

Jueces 2:11

Ja yu'unënëty kyajpxënëty ja Israel ja'ayëty wiink ojts ja Tios t'ixy, jä'ä ko ojts wiink ja tios tpanëjkxtëjkënyëtë mëti'ipë tyijtëpën Baal.

Jeremias 7:28

Ënëëmë: Ya'atë jëtu'un naax'ajtp kajpn'ajtp mëti'ipë ka'ap tmëmëtoyën ja Wyintsën Tios ets ka'ap tsoky tii yajtuk'ënëëmëty. Ka'ap tii mëtëy t'ëknimëtyaknë.

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 17:23

E yë'ëjëty ka'ap ojts tmëjpëjkta'aktë n'aaw n'ayukës ets ka'apës xymyëmëtoowtë, je'eyë ojts kyujuunta'aktë, ka'ap jëtu'un tunantë ets nän ka'ap tkupëjktë ets yajtuk'ënëëmëtëty ja nyëë pyokyëty.

Jeremias 44:5

E miitsëty ka'apës xymyëmëtoowtë ets ka'apës xymyëj'ijxtë. Ni'ikyënëm ojts ja wiink tios ja wyintsë'kën xymyo'otë ijxtëm jeexyë ja m'ëxëëk juukyajtën xy'ëxmatstën.

Jeremias 44:16

Ëëtsëty ka'apës nmëjpëjkta'aka'antë tääpë aaw ayuk mëti'ipë Wintsën të mmo'oyën.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Zacarías 7:11

E yë naax kajpn kyäjpxyjyä'äykyujkëy, uum nat nyäpyëjktakë ets wiinktsow nyajts'ijxëtyë.

Zacarías 7:13

ets y'ënäny: Jëtu'un ijxtëm yë'ëjëtyën ka'ap xymyëtoow'ijtës koos ojts njamëkajpxtë, näjyëtu'unës ëjts ka'apës nmëtoow'ita'any koos ënäty xyjyamëkajpxtë.

Isaías 24:5

Jä'ä ko ja ja'ayëty tëë tyaj'ëxëëkëtë ja naaxwiinyëtë, ka'ap të tpatuntë ja ënä'ämën tëyajtën ijxtëm jyapaatyën, tëë tkumëtoownaxtë ja ënä'ämën tëyajtën ets ka'ap të tuntë ijxtëm ojts tnikajpxtën.

Jeremias 22:9

Ets nëjkx y'ëtsowtë: Jä'ä ko ka'ap ojts jëtu'un t'ëktuunëtë tä ënäty të tkäjpxy tyuntën mëët yë'ë, wiink tios ojts tpanëjkxtëjkënëtë ets ojts yë'ë twintsë'kënëtë.