Jeremias 10:6 - Biblia Mixe de Quetzaltepec

⁶ Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Biblia Dc en Mixe de Quetzaltepec

⁶ Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Jeremias 10:6 ပူးပေါင်းရင်းမြစ်များ

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Salmos 96:4

Yë Wintsën mëj yë'ë ets patëp yajmëjpëjkta'akëty. Ni'ik yë kyutsë'ëkëty këtiinëm wiinkëtypë tios.

Salmos 48:1

Yë Wintsën myëët'ajtyp mëj'ajtën; yë nTios'ajtëm patëp ets nwin'ë'ëw nwinyaxmëty ma kyajpnën ets ma tyun kyopkën wa'atspë.

Deuteronomio 33:26

Ni pën tkamëpaatëty yë Tios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Salmos 145:3

Yë Wintsën janty mëj yë'ë ets patëp yajmëjpëjkta'akëty. Yë myëj'ajtën tsip nja'akyujkëmëty.

Daniel 4:3

Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Salmos 147:5

Mëj yë nTios'ajtëm ets näjyëtu'un yë myëk'ajtën; tsip yë wyij'ajt kyujk'ajtën nnija'awëmëty mapaat jyëjpkëxyën.

2 Samuel 7:22

paatyës njanty y'ënä'äny, ko mijts Wintsën mëj këjää winë xytyuny xykyäjpxy, ka'ap maa wiinkpë jëtu'unpë tä mijtsën; ka'ap maa jëtu'unpë Wintsën tä mijts mWintsën'atyën, mëti'ipës kë'ëm të n'ixtën ets të nnijawëtën.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Tios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Isaías 40:25

Jëtu'un ja Wintsën Wa'atspë tyajtëy tyam: ¿Tiis mëët xy'ijxkijpxa'antë? ¿Pën xy'ëkmëpaatëpës?

Éxodo 8:10

Oy jopy, jëtu'un ja mëj'ënä'ämpë y'ëtsooy. Tä ja Moisés y'ëtsoowëmpijty: Tyam jëtu'un yajtunëty ets xynyijawëty, ko ka'ap maa wiinkpë jëtu'unpë tä nWintsën'ajtëm Tiosën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Daniel 4:34

Ko ojts ja kyäjpxy ja xëëw jëmëjt jënu'un ënäty të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Tios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Isaías 46:5

¿Pën mëët xy'ëk'ijxkijpxtëtyës? ¿Pën maaytyëp mtajtëp jëtu'un y'ixëty tä ëjtsën?

Isaías 40:18

¿Tii mëët xy'ëk'ijxkijpxtëty yë Tios? ¿Wi'ix ja y'awinax xy'ëkyajkojëtëty?

Salmos 35:10

Täätsës n'ëna'ana'any ëmuumtu'ukjot: ¿Pën jëtu'un tä mijtsën Wintsën? Myaj'ëwaatsëpëtsëëmpy yë ëyoopëja'ay ets mëti'ipë winë yajmëyäjtypyën ma ëxëëk yajtun yaj'ënëëmëtën, ma ja jotmëktëjkëtyën.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.

Deuteronomio 32:31

Yë mëtsip wa'ats tnijawëtë, ko yë kyuwaanpëty, ka'ap jyëtu'unëty tä nkuwaanpë'ajtëmën.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

1 Corintios 8:6

Mëët ëëts'ajtëmë, tu'ukyë je'eyë ja Tios, ja Tios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

1 Crónicas 16:25

Jä'ä ko yë Wintsën mëj'äämpy yë y'ity ets nitëjkëyëp nwin'ë'ëw nwinyaxmëty, jä'ä ko ni'ik kutsë'ëkë yë'ë këtiinëm jyëtu'unëty wiinkëtypë tiosëty.