Jeremias 10:20 - Biblia Mixe de Quetzaltepec

²⁰ Tëë mya'ta'ay ja wit tëjk maajës ja nmëtsip na'ityën; tëë pyojta'ay ja nyitejpxy mëti'ipë kyutsum'ajtypyën. Ja n'u'unk n'ëna'kës tëë xynyikäkta'atës, ka'ap maajëtynyë. Ka'ap ma pën mëti'ipë jeexyë ja nwittëjkës jatëkok kyoj'o'oyëpën, mëti'ipë jatëkok wyitnijuuxëpën.

Biblia Dc en Mixe de Quetzaltepec

²⁰ Tëë mya'ta'ay ja wit tëjk maajës ja nmëtsip na'ityën; tëë pyojta'ay ja nyitejpxy mëti'ipë kyutsum'ajtypyën. Ja n'u'unk n'ëna'kës tëë xynyikäkta'atës, ka'ap maajëtynyë. Ka'ap ma pën mëti'ipë jeexyë ja nwittëjkës jatëkok kyoj'o'oyëpën, mëti'ipë jatëkok wyitnijuuxëpën.

Jeremias 10:20 ပူးပေါင်းရင်းမြစ်များ

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Jeremias 31:15

Jëtu'un yë Wintsën y'ënä'äny: Jam tu'uk mëto'owën të tsyoony Ramá, ja'ay jam jëëpy yaxp mon tuk. Yë Raquel jam nyiyäxyp yë y'u'unk y'ëna'k ets ka'ap të tsoky pën yaj'ëmonëtëty, jä'ä ko tëë ja y'u'unk y'ëna'k y'o'kta'ay.

Isaías 54:2

Yajmëjë yë m'ijtakn, yajkëjääjë yë mtsënaaytyakn; jëjptsumë yë mtejpxy, ta'tspëky nikupë,

Lamentaciones 1:5

Yë'ë myëtsip mëtaktëp, yë myëtsip winpäjtëp. Yë Wintsën yajmoon yajtujkëp mëët ko të pyokytyuny. Tsumy matsy yë y'u'unk y'ëna'k të yajnëjkxëtë myëtsip wiink naax wiink kajpn.

Isaías 51:16

ëjts ojts nwijtstëy yë tsajp ets ojts nyajta'tspëkyës yë naaxwiinyëtë. Ëjts mijts n'ayukmooy, ëjts mijts të nkuwa'any mëëtës yë nkë'ë. Täätsës të n'ënëëmë yë Sión kajpn: Mijts nkajpn'ajtyp.

Proverbios 12:7

Yë ëxëëkja'aytyëjk mëët nëjkx tu'kë'ëyë y'u'unk y'ëna'k y'o'kta'atë; e yë wa'ats ja'aytyëjk nëjkxëp yë y'u'unk y'ok jeky jyuuky'atë.

Job 7:8

Ka'apës nëjkx nijëna'a pën xy'ëk'ijxnë; ookyës nëjkx xytyuk'ijxpety koos ënäty mijts xy'ixy.

Isaías 51:18

Nitu'uk ja m'u'unk m'ëna'k oy mkatu'uwinwowëtëty; oy jënu'un jyanimay'atë, janty nimay ja m'u'unk m'ëna'k të xyjyapaatë, nitu'uk tkamëët'aty ja oyajtën ets jeexyë mpawitsyë ko muum mnëjkxy.

Miqueas 2:9

Yë tyo'oxytyëjkëty jëtu'unyë jam xykyëxjëpijpëtë ma myaapäjnëtyën ets ja y'u'unk y'ëna'këty tëë ja xypyëjkëtë ja myëk'ajtën ets ja y'oyajtënëty.

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.