Jeremias 10:18 - Biblia Mixe de Quetzaltepec

¹⁸ Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Biblia Dc en Mixe de Quetzaltepec

¹⁸ Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Jeremias 10:18 ပူးပေါင်းရင်းမြစ်များ

1 Samuel 25:29

Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënäty kë'ëm Tios tyimkëwen'ajtyp. E yë'ë ënät ja mëtsip jëtu'unyë nëjkx ja Tios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.

Zacarías 1:6

E yë n'ayukës ets n'ënä'ämënës, mëti'ipës ënäty të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënäty o'ktëy të nyajjat të nyajkëpätë jä'ä ko jëtu'unëtën ënäty nyitëkëtë ja y'ëxëëktu'un y'ëxëëkkajpxënëty, ko ka'ap ënäty tii oy të tuntë.

Ezequiel 6:10

Ënät nëjkx xy'ixkaptës ko ëjts jëtu'un Wintsënajtp ets ko ojts njatuk'ëwaanëtës ya'atë ëyo'on jotmay, ka'ap nyëkoopëty ojts nikäjpxyës.

Jeremias 23:20

Jäänëm yë Wintsën yë tsyip y'äkë nyaxa'any ko ënäty tuny tkäjpxy mëti'ipë të tuknipëjktaakën. Yë'ënëm nëjkx tpaaty nyixëëw nyipo'o täänëm ya'atë xyjyä'äkyukëtëty.

Jeremias 16:13

Paaty miitsëty ntimy'ixkäxa'antë ma ya'atë kajpnën ets jam najtswopëja'antë ma tu'uk kajpnën mëti'ipë yë m'ap m'ok ets miitsëty ka'ap të xy'ixy'atën, jam nëjkx xëëny koots xymyëtuntë ja wiink tios, ka'ap n'ëkpa'ëyowanëtë nijëna'a.

Deuteronomio 28:52

Ja mnaax mkajpn wa'ats nëjkx tyajnatujkta'atë, koonëm ja nyipotsy tjijtë'kta'atëty; ja potsy oy ënäty jënu'un jyata'tspëkyëty ets jyakëjxmëty, mijts ka'ap tjëkyepy xytyukjotkujk'atëty. E jëtu'un jyata'any kyëpäta'any ja naax kajpn mëti'ipë ënäty ja mWintsën të mjamo'oyën, ja mmëtsip nëjkx tjä'ä'ajnë.

Jeremias 22:26

Ets jam nnajtswopëja'antë atsip mëët yë mtaak ma ja it naaxwiinyëtën ma ka'ap ojts mmëxu'unk'atën, jam nëjkx nimäjtsk m'ooktë.

Sofonías 1:17

Jëtu'un yë Wintsën y'ënä'äny: Jotmayjyotyës yë ja'ay nyaj'ita'any. Jëtu'un yaj'ixa'antë wiints yowëty, jä'ä ko tëëjës xymyëtëkoytyë. Tä naaxwayën yaj'ixa'any ja nye'pnyëty ets tä tsajpkaatë'ënyën yaj'ixa'any ja xyixyëty pyajkëty.

Isaías 22:17

Jëkäm yë Wintsën mnajtsjëpipëja'anyë, jëtu'un tä tu'uk mëkja'ay t'ixjëpipyën yë myëku'uk. Amëjaaw matsa'anyë ets mwinxita'anyë, jëtu'un tä ja'ay wit twinxityën mëti'ipë pixk mëëtën.