Jeremias 10:10 - Biblia Mixe de Quetzaltepec

¹⁰ Yë Wintsën yë'ë Tios'ajtp mëtëy, yë Tios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Biblia Dc en Mixe de Quetzaltepec

¹⁰ Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 10:10 ပူးပေါင်းရင်းမြစ်များ

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

1 Reyes 18:39

Ko ja mayjyä'äy jëtu'un t'ijxtë, ënät ni'ëmukë nyäkyoxtënaaytyääyëtë ets wyintak nyaaxkoowtë, y'ënantë: Yë Wintsën, yë jëtu'un Wintsën, yë Wintsën yë'ë jëtu'un Wintsën.

1 Reyes 8:60

jëtu'un ja wiinkëtypë ja naax kajpn nijawëtëty ko yë'ë tu'ukyë Wintsënajtp ets ka'ap maa wiinkpë.

1 Crónicas 29:11

Wintsën, mijts mjä'ä'ajtyp ja mëj'ajtën kutujkën, ja mëj'ajt oyajtën, ja ënä'ämën kutujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kutujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

2 Crónicas 15:3

Yë Israel jeky jëtu'unyë të y'ity, ka'ap tnijawë pën Wyintsën'ajtyp, pën mëtëy tyeety'ätyp mëti'ipë yaj'ijxpëjkpën ets tukn'ijxëyëpën winë.

Job 9:6

Yë'ë yaj'yu'kxyp yë naaxwiinyëtë ets yë'ë yajtsëtyuupy ma naaxwiinyëtë kyëxmëtä'äkyën.

Salmos 10:16

Yë Wintsën yë'ë tu'uk mëj ënä'ämpë xëmëkyëjxmëpë. Yë ja'ayëty mëti'ipë ka'ap myëjjawëtyën yajkäjxpëtsëmantëp kyajpnjoty.

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Salmos 104:32

Ko t'ixy yë naaxwiinyëtë, ënätyë yu'kxpëky; jëënjok ënätyë tim napëtsëëmp tunkëjxm kopkëjxm ko tmëyu'kxë.

Salmos 114:7

Tsëtyuy mijts naaxwiinyëtë Tios wintum, mëti'ipë Jacob y'ëwtajtypyën.

Salmos 145:13

Yë mkutujkën, yë'ë mëti'ipë winë xëëw winë jëmëjt ijtpën, yë m'ënä'ämën yë'ë mëti'ipë xëmëkyëjxm yajpatpën.

Salmos 146:6

Yë'ë yajkoj ja tsajp ets naax, yë mejy ets tu'kë'ëyë mëti'ipë yajpatp ma yë'ëjëtyën, mëti'ipë nyikäjpxypën, jä'ä tyuunpy.

Salmos 18:7

Ënät ojts yë naaxwiinyëtë mëk yu'kxy. Ojts yë tun kopk yu'kxtë, kopk ëjxypyaat; ojts yajwijtsyu'kxtë mëët ja Tios ja tsyip y'äkë.

Salmos 29:10

Yë Wintsën yë'ë y'ëne'empy yë nëë tuu; yë Wintsën yë'ë tu'uk ënä'ämpë, mëti'ipë yajkutujkpën winë xëëw winë jëmëjt.

Salmos 31:5

Mijts nkë'ëmoopy yë njot nja'awënës; Yaj'ëwaatsëpëtsëëmkës, Wintsën, mëtëypyë Tios'atyën.

Salmos 42:2

Ëjts nyajmëyäjtypyës yë Tios yë näpyutëkë, Tios juukpyë. ¿Jëna'ajës jëtää jatëkok jam nëjkxëty Tios wintum?

Salmos 68:11

Ojts yë Tios tu'uk yë ayuk tkäjpxy, ets kanaak ojts yë to'oxytyëjktëjk y'itë mëti'ipë kyajpxnajxtën:

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Tios wyintuuy, ma ja Israel ja'ay Tyiosëtyën.

Salmos 74:12

Ko pya'tkë'p'ajty ets tyampaat, mijts jëtu'un n'ënä'ämpë'ajtyp. Mijts Tios, ojts kanaak ok mmëtä'äky tsipjoty yaa naaxwiiny naaxkëjxy.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 76:8

Jam tsajpjotm jampaat xyajnikëxë'ëky wi'ix winë xynyipaye'eyën; yë naaxwiinyëtë tsë'këp ja'awëp yë'ë paaty tu'k'ityë y'ity.

Salmos 77:18

Yajmëtoop ja m'ënääw ma pojxujtykyën; ets ja wëtsuk tyukjajëtyääpy ja naaxwiinyëtë, ënät ja naaxwiinyëtë të tyëkëtë yu'kxpë mëët ja ujx.

Salmos 84:2

Janty itaanpës ets janty nëjkxaanpës ma mtsajptëjkën, winë aaw winëjot nkuuy'iy nkuuyä'äxyës mëti'ipë juukyajtën yäjkpyën.

Salmos 9:8

Yë'ë pyaye'eyäämpy ja ja'ay ja nyëë pyoky ijxtëm pyaat'atyën, mëët ja tëyajtën tyajnitukëja'any ja naax kajpn.

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Salmos 90:2

Tyimtso'ontäky jëtu'un ma ënäty ka'ap ja tun kopk kyojynyëmën, ets ma ënäty ka'ap ja naaxwiinyëtë jyää'atynyëmën, ko jyeky'äjty ets tyampaat mijts jëtu'un mTios'ajtp.

Salmos 93:2

Wintsën, yë mkutujktakn tëëyëp yë ta'tspëky yajpaaty ets tyampaat je'eyëm y'ity. Mijts Wintsën winë xëëw winë jëmëjt myajpaaty.

Salmos 97:4

Ko tyajwëtsuky tëkokyë tyajtukjajëtyä'äy yë naaxwiinyëtë, ets naaxwiinyëtë yu'kxy ko jëtu'un t'ixy.

Isaías 37:17

Wintsën, tun mëyajtën, mëtoow'it ya'atë aaw ayuk, ja'akyukë mëti'ipës yam nikajpxäämpyën. Yaj'ëwa'ats yë mwiin ets xy'ixëty. Mëtoow'it wi'ix ja Senaquerib mnikäjpxy mnimëtyä'äkyën, tsaatsy ma'at ja aaw ayuk të mtuknipëtsëmyë, mijts Tios mëti'ipë juukyën.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Tios juukpyë ets tëytyunëty ijxtëm pyaat'atyën, yë'ë Wintsën, Tios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Isaías 40:15

Yë'ë, jëtu'un yë mëj naax mëj kajpn t'ixy tä nëë tu'ktsunyën, tä tu'uk naaxwayën jap kijpxënjoty; yë kajpn mëti'ipë nëë'itkujky yajpatëpën jëtu'un t'ixy tä tu'uk yë jinën.

Isaías 40:28

¿Tii këtii ënäty xynyijawë? ¿Këtii të xymyëtoyë? Yë Wintsën, yë'ë Tios xëmëpë y'ijtëyën, mëti'ipë yajkojën yë naaxwiinyëtë, ka'ap nijëna'a y'ënu'kxë ets myëjaawkëxy; yë wyijy'ajtën xëmëkyëjxm yë y'ity.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 65:16

Ko ënäty pën ma naax kajpnën t'amëtoy ja näkyënu'kxë, Tios y'amëtowëp, mëti'ipë tëyajtën winë tyuunpyën; ko ënäty pën tii tnikajpxa'any ëkë tnikajpxpäta'any, Tios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënäty të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Jeremias 23:36

Këtii pën jatëkok tyajtunëty yë ayuk mëti'ipë ënaanpën yë Wintsën yë y'akäjpxy. Ko pën jëtu'un y'ëna'anëty, nyajkutukäämpyës ets yä'än tyiytyunëtëty. Miitsëty tëkatsy yë juukpyë Wintsën yë y'aaw y'ayuk të xyajtuunkpatëtë, mëti'ipë miitsëty mTiosajtëpën, yë Wintsën mëti'ipë maaytyääyëpën winë.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënäty tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Jeremias 4:24

Ojts n'ixyës yë kopk ko yu'kxtë, aakjëtu'un ja tun kopk aak tsëtyuuytyëp.

Jeremias 50:46

Ko ënäty ja Babilonyë o'ktëy jyäty kyëpety, nëkooyë mëk y'ëna'ananë; nëjkxëp ja naaxwiinyëtë yu'kxypëky ets yajxon nëjkx ja'ay yaxnëtë jyojknëtë, jampaat yajmëtoownë ma wiink naax wiink kajpnën jëkämpë yajpaatën.

Jeremias 51:29

Yu'kxp ets tsëtyuupy yë naaxwiinyëtë, jä'ä ko yë Wintsën yë'ë pyatunäämpy mëti'ipë të tuknipëjktaakën ko yë Babilonyë kajpn tyaj'awinpita'any aanë'ëk tëëtsë'ëk.

Daniel 4:3

Tëë yë myëj'ajtën tyaj'ixyë mëjwiin këjää. Xëmëkyëjxm y'ita'any yë kyutujkën ets y'ënä'ämën ijtëwaanp yë tu'kjuuky tu'kkä'äx.

Daniel 4:34

Ko ojts ja kyäjpxy ja xëëw jëmëjt jënu'un ënäty të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Tios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Tios mëti'ipë Daniel y'ëwtajtypyën. Jä'ä ko juuky Tios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Daniel 6:27

Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Daniel 7:14

Ënät yajmooy ja kutujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Nahúm 1:5

Ma yë'ëjën tsëtyuuypyëjktääpy yë tun kopk; jëtu'unyë jyiiytyakta'ay yë tun kopk yë'ë wyintuuy. Tu'kë'ëyë it naaxwiinyëtë tim yu'kxtääpy ko y'ixyë ets tu'kë'ëyë jënu'un winë y'ity yajpaatyën ets jyuuky'ätyën ma yë'ëjën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Habacuc 3:10

Tim yu'kxtakp yë tun kopk ko m'ixyë; jam tsajpjotm mëk komtuu jam të tsyoony ets y'iitsy kyomy yë nëë o'pyky, mejyjoty ko nëkooyë jyänty pyëti'iky.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.

Malaquías 3:2

Je'eyëp, ko ¿pën y'ëkwintänëp ko ënäty myiny? ¿Pën y'ëkmëtänëp ja myëk'ajtën? Jä'ä ko yë'ë jëtu'un myina'any tä mëk jëënën ets xyajtooywya'atsa'anëmë; jëtu'un myiny tä xëtsën mëti'ipë nyëpujäämpyën ja ëxëëkajtën.

Mateo 16:16

Tääts ja Simón Pedro y'ëtsooy: MKristë mijts, ja juuky Tios ja y'U'unk.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Tios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Tios ja y'U'unk.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Tios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Deuteronomio 5:26

¿Tyaapë jëtu'unpë yaj'ixyën pën naaxwiinyëtë ja'ay y'ëkwintänëp, ma Tios kyäjpxy myëtyä'äkyën ets ka'ap niwi'ix jyatëty kyëpätëty, jëtu'un tä ëëts Tyam të nmëtowtën?.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Tios juukpyë mëtëypyë

1 Timoteo 1:17

Mëjjaw jaantyjawë ja Tios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Tios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

Hebreos 10:31

Mëj ëyo'on yë'ë ko Tios Juukpyë xytyiytyu'unmëty.

Josue 3:10

Ya'atë jëtu'un yajtuk'ixëp ko yë Tios juukpyë tyaa yajpaaty mëët miitsëty, ma ënäty mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

1 Juan 5:20

Nnija'awëm näjyëtu'un ko paaty ja Tios U'unk të xynyimi'inëmë ets nnija'awëmëty ja Tios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Tios, mëti'ipë yäjkpyën ja juukyajtën xëmëkyëjxmëpë.

Apocalipsis 20:11

Ënät n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Jueces 5:4

Ko mijts, Wintsën mtso'ony jam Seir; ko ojts mnëjkxy jam Edom, ojts naaxwiinyëtë yu'kxy, ojts tsajp kyootsë, ets ojts tyu'uy.

1 Samuel 17:26

Ënät yë David tyajtëëy yë ja'ay jampë ënäty winkon tyänëtën: ¿Tii jëtää yajmo'ojëp ja ja'ay mëti'ipë ënäty yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Tios yë tsyiptuunpëtëjk.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.