Jeremias 1:2 - Biblia Mixe de Quetzaltepec

² Yë Jeremías jää ojts yë Wintsën myëkäjpxyë ma ënäty yë Josías, yë Amón yë myaank, mëmajk tëkëëk jëmëjt yajkutukyën jam Judá.

Biblia Dc en Mixe de Quetzaltepec

² Yë Jeremías jää ojts yë Wintsën myëkäjpxyë ma ënety yë Josías, yë Amón yë myaank, mëmajk tëkëëk jëmëjt yajkutukyën jam Judá.

Jeremias 1:2 ပူးပေါင်းရင်းမြစ်များ

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënäty yajkutuktë ja Jotam, Ahaz ets Ezequías jam Judá.

Jonás 1:1

Ënät ja Wintsën ojts tmëkäjpxy yë Jonás, yë Amitai myaank ets t'ënëmaay:

Oseas 1:1

Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënäty yajkutuktë yë Ozías, Jotam, Ahaz ets Ezequías jam Judá ets ma ënäty yajkutukyën yë Jeroboam, yë Joás yë myaank, jam Israel.

Jeremias 1:11

Ënät ja Wintsën ojts xymyëkäjpxyës ets xy'ënëmaayës: Jeremías, ¿tii xim m'ijxyp? Tääjës n'ëtsooy: Yë'ë tu'uk almendrë xe'enty n'ijxypyës.

Jeremias 1:4

Ënät yë Wintsën ojts xymyëkäjpxyës ets xy'ënëmaayës:

1 Reyes 13:20

E tamtsën ënäty jëtu'un kyäytyë kaaypyäjn wintum, ko ja Wintsën ojts tmëkäjpxy ja tyuunpë mëti'ipë mëj ja'ayën, mëti'ipë ënäty të tyajwinpityën ja käjpxynyajxpë mëti'ipë jam tso'onpën Judá,

Jeremias 36:2

Ix tu'uk yë noky apity ma xykyëxjaaytya'ajëtyën tëkokyë mëti'ipë të ntuk'ëwaanën mëëtpë yë Israel ja'ayëty, Judá ja'ayëty ets wiinkëtypë naax kajpn, wa'ats xykyëxjaaytya'ajëty maju'unëm nikajpxtsoonyënës ets tyampaat.

Jeremias 25:3

Ma ënäty majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

2 Reyes 21:24

Je'eyëp ko ja kajpn ojts tmatstë ja yajja'ay'o'kpëty ets tyaj'o'ktë mëti'ipë ënäty ja Amón të tyaj'ooktën, tääts nikajpxpäjtë ja Amón ja myaank, mëti'ipë xyëëwajtypyën Josías ets yë'ë yajkutukëty.

1 Reyes 13:2

Mëët ja Wintsën ja kyutujkën, mëk ojts yajxon kyäjpxy, jä'ä nyi'ojëp ja wintsë'këntyakn, jëtu'un y'ënäny: Wintsë'këntyakn, wintsë'këntyakn, jëtu'un yë Wintsën y'ënä'äny: Jam ma David yë jyä'äyën jam tu'uk yë ja'ay myëxu'unk'ata'any, jä'ä txëëwata'any Josías, yë'ë nëjkx tyaj'o'kta'ay ja teetytyëjk mëti'ipë jam tuuntëpën ma ja nyitsajptëjkën ja awinax ka'apë Wyintsënëtyën, ma xëmë xykyë'ëyäkyën yë poom ets jam xyajtoy; e mijts mnëkëjxm nëjkx tno'oktë txamtë ja wyääy pyajkëty ja teetytyëjkëty.

2 Reyes 21:18

Ko y'o'ky, jam tyajnaaxtëjkëtyë ma ja pëjykyamën, jampë yajpaatyën ma ja akujktëjk tëja'awën, mëti'ipë tyijtëpën ja pëjykyam Uza. Ko y'o'ky yë'ë ojts kyutëkëty ja myaank Amón, ma ja kutujktaknën.

2 Reyes 22:3

Ma ënäty myajkmokx tëkëëk jëmëjtpetyën ma ja Josías yajkutukyën, ënät yë yajkutujkpë ojts tkexy yë jyääpyë jam ma ja tsajptëjkën, ja jyääpyë jä'ä txëëwajtyp Safán, yë'ë myaank yë Asalías ets yë'ë y'ok'u'unk yë Mesulam ets t'ënëmaay:

Jeremias 3:6

Ma ënäty yë Josías y'ëne'emyën, jääjës ojts yë Wintsën xymyëkäjpxy ets xy'ënëmaayës: ¿Tëë xy'ixy wi'ix yë Israel kajpn y'ëti'itsyën mëti'ipë käjpxy kyumëtoownajxpën? Yë'ë wiink tios të tpanëjkxtëkë jam muum ma kopkën, ma kepypya'tkën y'ëti'itsy y'ënä'äny, tä tu'uk to'oxytyëjkën xim yampë ye'etyëjk tmëët'atyën.

Jeremias 28:12

Kom ok, tëë ënäty ja Hananías tukyo'kpojtu'uty ja Jeremías ja tsajpkaakukë'ë mëti'ipë yo'ktëy'äjtypyën, ënät ojts ja Wintsën tmëkäjpxy ja Jeremías ets t'ënëmaay:

Joel 1:1

Ya'atë ja aaw ayuk mëti'ipë Wintsën tyuknikäjxën yë Joel, Betuel yë myaank.

Sofonías 1:1

Ya'atë aaw ayuk ojts yë Wintsën tuknikexy yë Sofonías, ma ënäty yajkutukyën yë Josías, yë Amón yë myaank, mëti'ipë jam Judá ënä'ämpën. Yë Sofonías yë'ë yë Cusi yë myaank, e yë Cusi yë'ë Guedalías yë myaank, e yë Guedalías yë'ë Amarías yë myaank, e yë Amarías yë'ë Ezequías yë myaank.