Jeremias 1:1 - Biblia Mixe de Quetzaltepec

¹ Ja Jeremías ja y'aaw y'ayuk ets mëti'ipë tyuunën kyajpxën, yë Hilquías yë myaank. Yë Jeremías yë'ë ijty jyiiky'äjtyp myëku'uk'ajtyp yë teetytyëjkëty mëti'ipë jam Anatot tsënaaytyëpën, ma Benjamín y'itjotmën.

Biblia Dc en Mixe de Quetzaltepec

¹ Ja Jeremías ja y'aaw y'ayuk ets mëti'ipë tyuunën kyajpxën, yë Hilquías yë myaank. Yë Jeremías yë'ë ijty jyiiky'äjtyp myëku'uk'ajtyp yë teetytyëjkëty mëti'ipë jam Anatot tsënaaytyëpën, ma Benjamín y'itjotmën.

Jeremias 1:1 ပူးပေါင်းရင်းမြစ်များ

1 Reyes 2:26

E ja teety Abiatar, ojts ja yajkutujkpë y'ënë'ëmxëty: Nëjkx jam Anatot, ma xymyëëtëtyën yë mnaax mkam. Mijts mjapatëp jeexyë m'ooky e tyam mpokymye'kxy, jä'ä ko tëë yë Wintsën yë kyaaxë xykyiiyjyëtity maas nteety David muum të jyëtityën ets mijts näjyëtu'un të xymyëj'ëyoowpety.

1 Crónicas 6:60

Ojts näjyëtu'un yajmo'otë kajpn mëti'ipë yë Benjamín ja'ayëty nyitënaaytyëpën, jä'ä ja kajpn yajtijtë: Gueba, Alémet ets Anatot, aakmëët ja nyinaax nyikam ma ja jëyujk tyänëtëtyën. Jä'ä ja kajpn wyinë'ajty majktëkëëk mëti'ipë ja Aarón ja myëku'uktëjk ojts tyuka'ajëtën.

2 Crónicas 35:25

Ojts yë Jeremías tu'uk yë ëy tyuknijayëty ko y'oky tyëkooy. Mëti'ipë tyampaat je'eyëm y'ëëwtëpën ko pën y'ooky mëti'ipë tyukja'amyäjtstëpën ja Josías. Ya'atë ëy xëmë t'ëwtë yë Israel ja'ayëty ets aak myëët'ajtëp yë ja'ayëty ma y'iynyokyëtyën.

2 Crónicas 36:12

Je'eyëp ko yë'ë ka'ap ojts oy winë tuny ma Wintsënën, ka'ap ja jyot wyinma'any tyaj'o'oyëy ma ja Tiosmëtuunkën, Jeremías kanaak'ok jya'ënëmaayë.

2 Crónicas 36:21

ets y'atëwëty ja aaw ayuk mëti'ipë ja Jeremías, Tios mëtuunpë kyajpxën. Jëtu'un ja naax kajpn ojts pyo'kxy. Jeky y'ijty winwa'atstuuy, ka'ap nimaa pën. Tëkë'px majk jëmëjt jëtu'un y'ijty.

Esdras 1:1

Ma ja Ciro mëtu'uk jëmëjt ëka'any y'ëne'emyën, jampë yajkutukyën Persië, jää ojts ja Wintsën ja y'aaw y'ayuk y'atëy; mëti'ipë ja Jeremías ojts tnikäjpxyën, Wintsën ojts kë'ëm t'ënëëmë yë Ciro ets tkajpxwa'kxëty ja aaw ayuk kajpn apëtsëmy, mëti'ipë ënaanpën:

Esdras 2:23

ja Anatot ja y'u'unk y'ok, jä'ä nyiwinë'ajtë mëko'px ja i'pxtuktujk;

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënäty yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Isaías 10:30

Ya'axtë joktë miitsëty Bat-galím ja'ayëty. Wä'än jampaat tyajmëtoy ja m'aaw myo'kn Laisa, oy njapa'ëyoy mijts Anatot.

Isaías 2:1

Ya'atë ojts yë Jeséas t'akäjpxy mëti'ipë yajtuk'ijxën, yë'ë nyikäjpxyp wi'ix jyata'anyën yë Judá kajpn ets Jerusalén kajpn. Yë Jeséas, Amós yë myaank.

Jeremias 11:21

Ets ja Anatot ja'ayëty, mëti'ipë ënäty myääytyëp tyajtëpën xyaj'ooka'antës ets mëti'ipë ënantën ets ka'ap ja Wintsën ja xyëëw nikajpx nimëtyakëtyës këtiipës xyaj'ooktëty,

Jeremias 29:27

¿Wi'ix ko të xykyatuk'ojy yë Jeremías, mëti'ipë jam Anatot tso'onpën, mëti'ipë mëtyakpën ma miitsëtyën jëtu'un tä jeexyë kyäjpxynyajxpë'atyën?

Jeremias 30:1

Ya'atë jëtu'un aaw'ajtp ayuk'ajtp mëti'ipë Wintsën tyukmëtoowën yë Jeremías. Jëtu'un t'ënëmaay:

Jeremias 37:12

Ënät ja Jeremías tsyo'ony jam kajpntum ets ojts nyijkxy ma ja Benjamín ja'ayëty y'itjotëtyën, paaty ojts jam nyijkxy jä'ä ko naax ënäty kyijpxwa'kxantëp ja ja'ayëty, e yë Jeremías tam ijty näjyëtu'un yë nyaax.

Daniel 9:2

Ma ënäty mëtu'uk jëmëjt yajkutukyën, ëjts Daniel, yë'ëjës ënäty jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënäty ja Wintsën jëtu'un të y'ënë'ëmxëtën.

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënäty tkapaaty ma ja mëk ujx nyaxa'anyën; jää xëëw jää jëmëjt ma ënäty yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Amós 7:10

Yë teety Amasías, mëti'ipë jam teety'ajtpën Betel, ojts tëkok tkäjpxynyikexy yë Israel yajkutujkpë ets t'ënëmaay: Tää yë Amós jyëtity ma Israel kajpnën, yë'ë nyipëtë'ëkäämpy yë yajkutujkpë. Yë naax kajpn ka'ap t'ëktsojknë ets ni'ikyë kyajpx'ëtë'ëtsëty.

Mateo 16:14

Ets y'ëtsoowtë: Tam mëti'ipë ënantëp ko mijts Juan Yajnëëpäjtpë, tam mëti'ipë ënantëp ko mijts mEliiësëty ets tam mëti'ipë ënantëpën ko mijts mJeremiiësëty ets wiinkpë y'ëna'antë ko Tios käjpxynyajxpë mijts.

Mateo 2:17

Jëtu'un y'atëëy ja aaw ayuk mëti'ipë ja Tios ja kyäjpxynyajxpë Jeremías ojts tnikäjpxyën:

Mateo 27:9

Jëtu'un ojts y'atëy mëti'ipë ja Tios ja kyäjpxynyajxpë Jeremías ojts tnikäjpyën, ko y'ënäny: ojts nixajëtë i'px majk ja poop pujxn meexy, jëtu'un tä ënäty ja Israelëtëja'ayëty të t'awitstën,