Isaías 7:14 - Biblia Mixe de Quetzaltepec

¹⁴ Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Biblia Dc en Mixe de Quetzaltepec

¹⁴ Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 7:14 ပူးပေါင်းရင်းမြစ်များ

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Tios ëëts mëët n'ijtëm.

Isaías 9:6

Jä'ä ko tëë tyam myiny jyä'ty tu'uk ja mëxu'unk ye'etyëjkpë, tëë tyäky ja Wintsën tu'uk ja u'unk maay mëti'ipë të yajmo'oyën ja mëk'ajtën kutujkën ets y'ënä'ämëty yajkutukëty, ets jä'ä nëjkx yajtijy: Kajpxwijpë mëti'ipë mëj këjää winë tyuunpy kyäjpxypën, mëk Tios, xëmëpë Tyeety'ätyën, mëti'ipë nyikopk'ajtypyën ja jotkujk'ajtën.

Lucas 1:31

U'unk mëët mwë'ëma'any, mpaatäämpy tu'uk ja maank mëti'ipë mtukxëëwatëpën Jesús.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Tios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Tios U'unk yë'ë.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Isaías 8:8

Jëtu'un jam Judá jya'ta'any, tyimku'tëty jëtu'un yo'kntuuy. Ets nyäwya'kxa'anyë ets tyajwintujktaja'any ja mnaax mkam, Emanuel.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënäty të tpëjktsoy.

1 Samuel 4:21

Ets tyajxëëwpejty ja myaank Icabod, jä'ä ko tyaa y'ënäny: Yë Israel jëtu'unyë të wyi'imy mëj'ajtëntuk, jä'ä ko tëë yajpëjkëtë ja Tios ja kyaaxë. Mëët ko jëtu'un y'ënäny, jä'ä ënäty tyijpy ko ja Tios ja kyaaxë wiink ja'ay të myënëjkxyë, ko ja tyeety myë't të y'ooky ets ko ja nyiye'etyëjk ënäty näjyëtu'un të y'ooky.

Génesis 30:8

tä yë Raquel y'ënäny: Ya'atë u'unk jä'ä txëëwatëty Neftalí, jä'ä ko tëëjës oy mëk nitsiptuny ma ntsë'ëjësën ets tëëjës nmëmëtä'äky.

Génesis 29:32

Ënät ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Génesis 30:6

Ënät yë Raquel y'ënäny: Ya'atë u'unk jä'ä txëëwatëty Dan, jä'ä ko Tios të tmëtoy yë nkajpxtä'äkyës ets të xynyi''ijxkëtä'äkyës, paatyës tu'uk yë u'unk maay të xymyo'oy.

Génesis 4:25

Ënät jatëkok ja Adán tpuwa'äkëy ja tyo'oxytyëjk ets ja tyo'oxytyëjk tyajmëxu'unk'ajty tu'uk ja y'u'unk myääy, mëti'ipë xyëëwajtën Set. Ets y'ënäny: Tiosës të xymyo'oy wiinkpë u'unk maay. Yë'ë kyutëkats yë Abel mëti'ipë Caín yaj'o'kën.

Génesis 16:11

Mijts u'unk maay mnëkëjxm'ajtyp, ko myinëty jya'tëty naaxwiiny jä'ä xyëëwmo'ojëty Ismael, jä'ä ko Tios tëë tmëtoow'ity yë mjë'ëyën myaxën.

Lucas 2:12

Yë'ë mtuk'ixkaptëp ko xy'ixtëty tu'uk ja mëxu'unk winmotsy winpity kyo'knë jëyujk ajë'kxënjoty.

Isaías 38:7

Ënät ja Jeséas y'ëtsooy: Ya'atë ja Wintsën yäjkpy ijxpäjtën ko yë'ë tyunäämpy mëti'ipë të tnikäjpxyën.

Jeremias 23:6

Ko ënäty yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Jeremias 44:29

Ëjts maas nxëëwatyën Wintsën, ya'atë ijxpäjtën nëjkx nmo'otë: ko ënäty ja ëyo'on tyunyë jyätyë mëti'ipës të nikäjpxyën ets koos ënäty ntëytyuntë ja ja'ayëty ma ya'atë naax kajpnën.

Jueces 6:36

E ja Gedeón jëtu'un ja Tios t'ënëmaay: Pën janty tëy koos tëë xywyin'ixy koos nnitsiptunëty yë Israel kajpn etsës nyajtso'okëty tä mijts kë'ëm të xynyikäjpxyën.

1 Reyes 13:3

Jä'ä xëëw ja käjpxynyajxpë ojts tu'uk ja mëj'ajtën tyaj'ixyë ets y'ënäny: Ya'atë mëj'ajtën jëtu'un yë Wintsën yaj'ijxëp: Ko ya'atë wintsë'këntyakn piw nuuk jyajta'ajëty ets ja nyijaam jëtu'unyë pyojwa'kxta'ajëty.

Salmos 46:8

Min ixtë mëti'ipë yë Wintsën të tunyën mëj këjää yaa naaxwiiny,

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Lucas 20:44

E wi'ixën ja Kristë yë'ë y'u'unk'aty y'ok'atyë ja David, e David jëtu'un ja Kristë tijy Wintsën.