Isaías 7:1 - Biblia Mixe de Quetzaltepec

¹ Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënäty yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

Biblia Dc en Mixe de Quetzaltepec

¹ Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënety yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

Isaías 7:1 ပူးပေါင်းရင်းမြစ်များ

2 Reyes 15:25

E jamts ënäty tu'uk ja tyuunpë mëti'ipë xyëëwajtypyën Peka, yë myaank yë Remalías, yë'ë ojts nyikäjpxytyunëty ets mëët nyäpyëjk nyämyajtsë yë Galaad ja'ayëty; ënät tukja'ajtë ma ja kutujkëntëjkën, jä'ä nyimay'atë niwëxtyikxymyajk. Ko tyaj'o'ky yë'ë ojts tkutëkë ma ja kutujktaknën.

2 Reyes 15:27

Ma wëxtyikxy myajkmäjtsk jëmëjt y'apetyën, ma yajkutukyën ja Azarías, jam Judá; jää ojts tyëkë yajkutujkpë yë Peka, yë Remalías yë myaank, jam Israel ets i'px jëmëjt ojts y'ëne'emy jam Samaria.

2 Reyes 15:37

Jä'ä xëëw jä'ä jëmëjt ojts yë Wintsën kë'ëm tkexy yë Rezin mëti'ipë ënä'ämpën ma Siria ja'ayëtyën ets ja Peka Remalías yë myaank ets tsyiptuna'antë mëët yë Judá.

2 Reyes 16:1

Ma ënäty majkmokx mäjtsk jëmëjt yajkutukyën yë Peka, yë Remalías myaank, jää ojts tyëkë yajkutujkpë yë Acaz, yë myaank yë Jotam, jam Judá.

2 Reyes 16:5

Jä'ä xëëw jä'ä jëmëjt, yë Rezin, mëti'ipë jam yajkutujkpën Sirië ets Peka, yë myaank yë Remalías, jampë yajkutukyën Israel, ojts jam nyëjkxtë Jerusalén ets tniwaka'antë. Jëtu'un tyajnatujktë ja Acaz, je'eyëp ko ka'ap ojts tjëkyepy tnitëkëtëty.

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënäty yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Isaías 8:6

Mëët ko ja naax kajpn ka'ap ja nëë të tkupëky mëti'ipë jam najxpën Siloé, mëti'ipë ja kajpn tyukye'eynyäjxypyën, jä'ä të t'oyjyawë ja Rezin ets ja myaank ja Remalías.

Isaías 9:11

Yë Wintsën të tuknipëjktaakë ets mmëtsip ëxëëk mtunëtëty ets myaj'ook myajtëkoyëtëty.

Ezequiel 27:16

Yë Edom ajuuy ato'kp ijty mëët mijts, jä'ä ko kanaakpëky winë xymyëëtëty: Yë'ë ijty mooyëp yë oyëtypë uky tsaa ets wit oyëtypë mëti'ipë jo'okyën; mëti'ipë linë witën ets myëët'ajtyp yë nëëtsaa ets tsapts tsaa.

Oseas 1:1

Ya'atë ja Wintsën y'aaw'ajtyp y'ayuk'ajtyp mëti'ipë yajmooyën ja Oseas, yë Beerí yë myaank, ma ënäty yajkutuktë yë Ozías, Jotam, Ahaz ets Ezequías jam Judá ets ma ënäty yajkutukyën yë Jeroboam, yë Joás yë myaank, jam Israel.

Miqueas 1:1

Ya'atë aaw'ajtp ayuk'ajtp, mëti'ipë ojts yë Wintsën tuknikexyën yë Miqueas mëti'ipë jam Moréset kukajpn'ajtpën ets mëti'ipë ojts tuknijawën kuma'ayjoty wi'ix jyata'any kyëpäta'anyën yë Samaria kajpn ets Jerusalén kajpn, ma ënäty yajkutuktë ja Jotam, Ahaz ets Ezequías jam Judá.