Isaías 66:3 - Biblia Mixe de Quetzaltepec

³ E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Biblia Dc en Mixe de Quetzaltepec

³ E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Isaías 66:3 ပူးပေါင်းရင်းမြစ်များ

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Isaías 66:17

Jëtu'un yë Wintsën y'ënä'äny: Mëti'ipë näyaj'ëmaay'ijtëpën ets näpyujëpën ko t'ëwtata'any ja wiink tios jampë pëjykyamjotm yajpaatyën, mëti'ipë pyaye'epyën ja tu'u itkujkpyë nyijkxyën, mëti'ipë tsyu'typyën ëtsëmtsu'utsy, tsuk tsu'utsy ets wiinkëtypë jëyujk ka'apë yajtsu'utyën, tu'ktonyë nëjkx kyutëkooytya'atë, jä'ä ko nija'apës wi'ix myäytyën tyajtën ets wi'ix tii tuntën.

Isaías 65:12

Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Levitico 2:2

Ënät tukninëjkxëty ja Aarón ja y'u'unk y'ëna'k mëti'ipë teety'ajtëpën ets nitu'uk tu'kkë'ëjaaxy tja'axpëtsëmëty ja tsajpmokway mëët ja nyi'on ets ja nyipoom, jam tkëxpëkëty ma ja wintsë'këntyaknën ets jam tnino'okëty, mëët ko ja ja'amyäjtsën tuny ets ja Tios jä'ä tukwintsë'ëkëty ja oypyë ja xyu'kën jyojkën.

Proverbios 21:27

Tios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Deuteronomio 23:18

Këtii xykyupëktëty ets jap ma ja Wintsën ja tsyajptëjkën pën tkëpätëty ja y'ayajk y'ako'onën ëkë ja wyaantakën mëët ja meeny mëti'ipë ënäty jam pyätypyën ma ja jyot nyini'kx tookyën. Jä'ä ko tääpë tu'unën kajpxën y'ëxëëk'ijxyp yë Wintsën.

Deuteronomio 14:8

E ëtsëm näjyëtu'un jyamëët'ajtyp axeeny yë tyekyxyooky, je'eyëp ko ka'ap y'apu'uyë, këtii xytsyu'utstëty. Tääpë jëyujk ëxëëkjëyujk mëpaat xyajnaxtë ets këtii yë nyi'kx kyopk xytsyoonëtëty ko ënäty muum të y'ooky.

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Jueces 5:8

Ka'ap ojts tyëkoy'äty ja ja'ay mëti'ipë wyinkoxtënaayën ja wiink tios, ma ënäty ja tsip jam tyunyën kajpnpë'am ma kajpn yajnitëkën, je'eyëp ko ka'ap yaj'ijxy ja y'akëëytyuk ets ja ku'umën, yi'iyë këxë'ktëp ja Israel ja'ayëty ja niwëxtyikxy milpë.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Isaías 65:2

Xëmës ja nkë'ë të nnajtsxajë ets jeexyë myintë ja naax kajpn mëti'ipë käjpxy kyumëtoownajxtëpën, mëti'ipë wiink tu'u të tmatstën ets ja jyot wyinma'any jä'ä të nyätyuktu'uwinwowëtë;

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Jueces 21:25

Jä'ä xëëw jä'ä jëmëjt ka'anëm ënäty ma ja yajkutujkpë. Ja ja'ayëty jëtu'un ijty winë tuntë ijxtëm wyinma'anypyaatën.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Hageo 2:14

Ënät ja Hageo y'ënäny: Jëtu'un yë Wintsën y'ënä'äny: Ko nän timjëtu'un jyäty kyëpety ma ya'atë ja'ayëtyën, tëkokyë mëti'ipë tyuuntëpën ets mëti'ipë wyintsë'kën'ajtëpën aak ëxëëk yë'ë.