Isaías 61:8 - Biblia Mixe de Quetzaltepec

⁸ Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Biblia Dc en Mixe de Quetzaltepec

⁸ Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Isaías 61:8 ပူးပေါင်းရင်းမြစ်များ

Salmos 11:7

Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Tios wiinxë jëjpxë.

Jeremias 9:24

Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Génesis 17:7

Yë käjpxytyu'unën mëti'ipës ntuunpyën mëët mijts ets mëët yë m'u'unk m'ok. Yë'ë koos jëtu'un mijts xyTios'ataanpës ets tu'kë'ëyë m'u'unk m'ok ets ja y'u'unk y'okëty näjyëtu'un.

Proverbios 8:20

Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Proverbios 3:6

Tios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Tios të mwin'ixyë, yë Tios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Salmos 33:5

Yë Wintsën tsyojkpy jya'ap tëkokyë mëti'ipë oyën ets mëti'ipë tëyajtënën. Ujts yë naaxwiinyëtë yajpaaty mëët yë tsyojkën jya'awën.

2 Samuel 23:5

Paatykyëjxmës ja n'u'unk n'okës amëk jotmëk yajpaatë ets akujk jotkujk yajpaatë ma Wintsënën, yë'ë ojts mëët tuny tu'uk ja ëëwtu'un käjpxytyu'unën mëët ëjts xëmëkyëjxm, tuknima'kxë yajxon y'ijty, kopkpëky ets oytyuny. Yë'ë xëmë të xyajmëtä'äkyës ets jëtu'un winë tyajtuny tyajjatyë tääjës ntimy tsyokyën.

2 Tesalonicenses 3:5

Ja Wintsën mputëkëtëp ets xymyëët'atëty ja nitsokën ijxtëm ja Tios tsokyën ets xymyëët'atëty ja jotmëk'ajtën mëti'ipë Kristë mmooyëtëpën.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënäty winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënäty mëtëy winë tuny.

Salmos 50:5

Niye'eypyätë miitsëty ninu'un winë oy xytyuntën, mëti'ipë yë käjpxytyu'unën të tyajwintu'upëktën mëët ëjts, ets tyaktë xëmë ja wintsë'kën ma ëjtsën.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kutujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Salmos 105:10

ets ojts tyajwë'ëmy tä tu'uk yë ënä'ämënën ma Jacob, tä tu'uk käjpxytyu'unën xëmëpë y'ityën ma Israel ja'ayëtyën,

Isaías 28:17

Tääpë potsy yë'ë nëjkx mëët yajtuk'ijxtë ja mëtëypyë ja nipaye'eyën. Ja tsoktakn mëti'ipë ënäty të xyjya'ixta'atën mëët ja win'ë'ënën antakën yë'ë nëjkx yaj'atëkoyë ja tëtsn tuu, ets mëti'ipë ënäty mnätyuk'apëjktujkëtëpën, jëtu'unyë nëjkx jam komnëë yajwinpajë'ëtyë.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Tios.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Isaías 56:1

Jëtu'un ja Wintsën y'ënä'äny: Tuntë ja mëtëypyë ja nipaye'eyën, ja mëti'ipë tëy jaantyën, jä'ä ko tsojkës nyaj'ëwaatsëpëtsëma'any ja naaxwiinyëtë ja'ay; yë'ëjës nyaj'ixanëp koos xymyääpyës wi'ixës ja'ay nyaj'ëwaatsëpëtsëmëtyën.

Isaías 66:22

Näyjyëtu'un yë Wintsën të y'ënä'äny: Jëtu'un tä jempyë tsajpën ets jempyë naaxën mëti'ipës nyajkojäämpyën, xëmëkyëjxmëpë y'ita'anyën, jëtu'un nëjkx xëmëkyëjxm y'itë yë m'u'unk m'okëty ets mxëëw.

Malaquías 1:13

Miitsëty jëtu'un m'ëna'antë: Tëës nmëtsipkä'äxnëtë tu'kë'ëyë ya'atë. Xy'ixtijnëtëpës. Ets ni'ikyë mmaytyë mtajtë ko ntukxoontäkpyës ko xymyëmintë ja kupixyny ëkë ja tsajpkaa mëti'ipë meetsyën ëkë tekymya'atën ets jä'ä xytyukwintsë'ëkëja'antës

Ezequiel 16:60

Ëjts tëy wa'atsës nja'amyätsa'any ja käjpxytyu'unën mëti'ipës ntuunën mëët mijts ma m'ëna'k'ajtyën ets ntunäämpyës yë käjpxytyu'unën mëti'ipë xëmë ijtëwaanpën.

Ezequiel 34:25

Ntunäämpyës tu'uk yë käjpxytyu'unën mëët yë'ëjëty ets jeky jyuuky'atëty jotkujk. Nyajkutëkoyäämpyës yë jëyujk ma naax kajpnën, jëtu'un yë nkupixynyës jotkujk jyuuky'atëty mëjwintuuy ëwaatsëtuuy ets jotkujk mya'atëty pyo'kxtëty aayjoty kepyjoty.