Isaías 6:1 - Biblia Mixe de Quetzaltepec

¹ Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Biblia Dc en Mixe de Quetzaltepec

¹ Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Isaías 6:1 ပူးပေါင်းရင်းမြစ်များ

Juan 12:41

Paaty ja Jeséas jëtu'un y'ënäny jä'ä ko tëë ënäty t'ixy ja Jesús ja myëj'ajt jyääntyajtën, ets yë'ë nyikajpx nyimëtyak.

Apocalipsis 15:8

Ets y'ujtstaay ja Tios ja tyëjk mëët ja jok, jä'ä ja Tios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.

Daniel 7:9

Tamës ënäty jëtu'un njaak ixynyëm, koos të n'ixy yajkëëytyä'äky yë kutujktakn, ënyääytyakn ets jam tu'uk yë Mëjja'ay të nyaaxweetsy. Poopëm yë wyit yaj'ixy tä tsajp o'pykyën ets wyääy jëtu'un kyëxë'ëky tä kupixyny nyijëmkën. Ja ënyääpyäjn ets ja nyiye'eypyäjn mëti'ipë tëkäämpën jëënën yaj'ixy,

Salmos 113:5

Ni pën tkamëpaaty yë nwintsën'ajtëm Tios, mëti'ipë jam këjxm ënä'ämpën.

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Juan 1:18

Ka'ap pën nijëna'a ja Tios të t'ixy; yë'ë tu'ukyë Tios U'unk, mëti'ipë Tios Teety mëët y'ityën, yë'ë të xytyuk'ijx të xytyuknija'awëmë wi'ix ja Tios.

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Salmos 108:5

Tios, mëti'ipës nTios'ajtypyën tsajpkëjxy myajpaaty; yë naaxwiinyëtë jä'ä yajpaaty nituky mëët yë mmëj'ajt m'oyajtën.

Apocalipsis 4:2

Tääts tim pojën ja Kënu'kxymyëkajtën xytyuktëjkëyës ets n'ijxpatyës tu'uk ja kutujktakn jam tsajpjotm. Jamts tu'uk y'u'unyë ja juuky'ajtpë.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

Apocalipsis 5:1

Ënät tu'uk ja noky apëtity n'ijxyës tmëëtëty ma ja y'a'oykyë'ëjën mëti'ipë u'unyääpyën jam ma kutujktaknën. Nëkëjxy ets jootjoty ja noky wyinja'ayëty ets wëxtujkpëky tsyä'äyëty.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kutujkën. Oy jyëtu'un'atëty.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënäty yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Números 12:8

Wiinxë jëjpxës mëët nmëtyä'äky, jëtu'un tä mëpaat yajwinjawën. ¿Pën yë'ë wa'ats xytyim'ixyës wiinxë jëjpxë, tii ko miitsëty xynyi'ojëtë?

Apocalipsis 4:10

Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Ezequiel 10:1

Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Ezequiel 1:1

Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënäty yajpaatën ja ja'ayëty mëti'ipë tsumy matsy të yajmënëjkxtën. Ënät ja tsajp y'ëwatsy ets nwin'ijxyës yë Tios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënäty mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënät ja Wintsën ojts xykyë'ë nnixajyës.

Isaías 12:4

nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Apocalipsis 6:16

ets nëëmëtë ja tun kopk ets ja tsaakopk: Nija'apäjtëk ets yu'tstëk ëëtsëty, këtiipës xy'ixtëty mëti'ipë u'unyääpyën jam ma kutujktaknën, këtiipës xypyaatëty ja tyiytyu'unën mëti'ipë yajtijpën Kupixyny U'unk.

2 Reyes 15:7

Ko yë Azarías y'o'ky, jam tyajnaaxtëjkëtyë ma ja David ja kyajpnën, ma nyaaxtëjkëtyën mëti'ipë yajkutujktën. Yë'ë kutëjkëyë ja myaank Jotam.

Apocalipsis 5:7

Tääts ja mëti'ipë yajtijpën Kupixyny U'unk t'ëxajëy ja noky apëtity mëti'ipë y'a'oytsyow myëët'ajtypyën mëti'ipë u'unyääpyën jam ma kutujktaknën.

Apocalipsis 4:3

Mëti'ipë jam u'unyääpyën, jëtu'un kyëxë'ëky ijxtëm ja poop tsaajën, mëti'ipë ajajp atë'kxpën, mëti'ipë xyëëwajtyp jaspe ets cornalina ets ja i'ty na'ëwtity tmëëtëty ijxtëm ja esmeraldë tsaa y'ajajy y'ate'kxyën.

Apocalipsis 4:9

Ko ja nimajktaxkpë ja juuky'ajtpë tmëjjaw tjaantyjawëtë, twintsë'ëkëtë ets tkukajpxëtë ja mëti'ipë u'unyääpyën jam kutujktaknjotm ets mëti'ipë juukyajtpën xëmëkyëjxm,

Apocalipsis 20:11

Ënät n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

2 Crónicas 18:18

Ja Micaías jyaak nikajpxëy ja aaw ayuk ets y'ënäny: Ya'atë aaw ayuk mëti'ipës yam nnikäjpxypën Wintsën yë y'aaw y'ayuk; mëtoow'it wi'ix y'ënä'änyën: Tëës n'ixy ja Wintsën jam pyo'kxy pyiky ma y'ënyääypyäjnën, ma yajkutukyën ets ja tyuunpëtëjk tsajpkëjxmëpë tam myäyajpaatë ma yë'ëjën anajny aka'any.

Ezequiel 10:4

Ënät ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

Daniel 10:17

¿Wi'ix ënät nnamëëtmëtya'akëty, ëjts ka'apës näjyawëty nmëkëty, tëëjës nxejykyukëxë?

Éxodo 24:9

Tä ojts ja Moisés pyety jam kopkkëjxm mëët ja Aarón, Nadab ets Abihú ets mëët näjyëtu'un nitëkë'px majk ja mëjja'aytyëjkëty mëti'ipë nyimëjja'ay'ajtëpën ja Israel ja'ayëty.

Job 42:5

Ëjts je'eyës të nmëtoy ko mijts mjääjëty, tyamnëm ënät n'ixy mëëtës yë nwiin.