Isaías 57:4 - Biblia Mixe de Quetzaltepec

⁴ ¿Pën mtukxiktëp? ¿Pën m'ëxwa'an m'ixtijtëp? ¿Pën mwiin m'aaw mtuk'ijxtëp? Miitsëty poky të xytyukmin të xytyukkä'äxëtë, yë'ë m'u'unk'ajtëtëp mëti'ipë je'eyë win'ë'ënpën,

Biblia Dc en Mixe de Quetzaltepec

⁴ ¿Pën mtukxiktëp? ¿Pën m'ëxwa'an m'ixtijtëp? ¿Pën mwiin m'aaw mtuk'ijxtëp? Miitsëty poky të xytyukmin të xytyukkä'äxëtë, yë'ë m'u'unk'ajtëtëp mëti'ipë je'eyë win'ë'ënpën,

Isaías 57:4 ပူးပေါင်းရင်းမြစ်များ

2 Pedro 2:13

Tukupätëtëp ja Tios ijxtëm ja myëku'uktëjk tmëtëkoytyën, akujk jotkujk nyätyijëtë ko ja y'ëxëëk winma'any tyajnikëxë'ëktë. Je'eyë yajtsëtyuntë ko jam yajpaatë ma miits mxëëtuntën ets y'ëtë'ëtstë y'ëna'antë wiinkjaty.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Tios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Salmos 35:21

Nëkooyë xynyi'ëwë'ëktës ets y'ëna'antë: Ix tii n'ëkjaak'ijxënëp.

Éxodo 9:17

E oy jyajëtu'unëty, mijts je'eyë yowë nëkoo mtimjäntykyujuun'o'knë, oy xyjya'ixy ko yë ëyo'on jyatuny jyajatyë.

Colosenses 3:6

Jä'äkyëjxm ja Tios tkäxa'any ja ëyo'on ma ja ja'ayëtyën mëti'ipë ka'ap myëmëtoyën,

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Tios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Lucas 10:16

Ënät ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënäty xymyëtoow'ijtëp; pën kyamëtoow'ijtyp mëti'ipë ënäty miits mnimëtyaktëpën, nän ëjts ënäty xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Mateo 27:29

ets taktë tu'uk ja äpnykyujan jëtu'unpë tä kujänën ets tukujääntë ja Jesús, ets tukë'ëkajpëtyë tu'uk ja kepy mëti'ipë ijty ja yajkutujkpëtëjk kyë'ëkap'ajtëpën. Ënät twinkuxtënaaytyë ets nëxik tukxiktë, t'ënëëmëtë: Mëjpë yajkutujkpë, jutiis ja'ay yajkutujkpë.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kutujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Oseas 10:9

Jëtu'un yë Wintsën y'ënä'äny: Yë Israel ninu'un pyoky tka'ëxmatsy, tyajtso'ontäky jam Guibeá. Ni'ikyë pyokytyuun'ëtë'ëtsy. Paatykyëjxm yë tsip pyaata'anëtë yë ëxëëkja'aytyëjk jampë yajpaatën Guibeá.

Ezequiel 2:4

Näyjyëtu'un yë y'u'unk y'ëna'këty ka'ap kyäjpxyjyä'äkyukëtë ets kujuun oyëty. Paatykyëjxm yam mijts nkäxa'any ma yë'ëjëtyën ets xy'ënëëmëty: Jëtu'un yë Wintsën y'ënä'äny.

Isaías 37:29

Tëës nijawë ja mjoot'an ets mmëj'ajt mkëjxm'ajtën, jëtu'un yam npëjkta'aka'anyës mjëjp tunkëjxm tä jeexyë pujxn jam nkëxjëëpyënës, tä jeexyë pujxn ntuk'atijën ets yë'ë ntukwo'onwinpita'anyë ma të mtsoonyën.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Tios, Wa'atspë yajpaatyën ma Israel kajpnën.

Isaías 30:9

Ya'atë naax kajpn je'eyë kyäjpxykyutëjy, ka'ap wyintsë'ëkë, ka'ap nijënu'un tmëtowa'any ja Wintsën ja y'ijxpëjkën.

Isaías 30:1

Jëtu'un ja Wintsën y'ënä'äny: Janty mon janty tuk yajpaatë ja u'unk ëna'k mëti'ipë ka'ap jyä'äkyukëtën, mëti'ipë winë tyuknipëjktakëtyëpën ets ka'apës xyajtëwtë, mëti'ipë tii tyuuntëpën ets ka'apës y'ëjtsëty nwinma'anymyo'otë, jëtu'un ni'ikyë ja pyoky tyajmayëtë.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Salmos 69:12

Aak ëjts yë ja'ay xy'ëëwpat xykyajpxpatp oymyaajëty, ets ëmu'ukyë ja'ay tëës xyaj'ëypyëtsëëmnëtë.

Salmos 22:17

Jyëkyäjpnëp nmëtsyowëtyës yë npajkës. Yë nmëtsipës ninu'unës xykya'ijxtëkoytyë.

Salmos 22:13

Jëtu'un myu'utë kaajën ets ko y'ëwë'ëktë ëjts xynyi'ëwë'ktëp.

Salmos 22:7

Koos pën xy'ixy je'eyës xynyëxi'ik xytyukxi'iktë; je'eyë kyuwëjpxtë ets wyiin y'aaw tuntë

Josue 10:21

Ja Israel ja'ayëty oy mëk ojts wyimpitë jam Maquedá ma ja y'ijtakn yajpaatën, e jam ja Josué ënäty yajpaaty. Ja Israel ja'ayëty ni pën wiink kyanimëtyä'äkyë ets ëxaty kya'ënë'ëmxëtë.

Números 16:11

Yë Aarón nitii mëj'ajtën tkamëëtëty ets miitsëty wiinkjaty xynyi'ëw xynyikajpxtëty; yë Wintsën yë'ë jëtu'un të xykyäjpxy kumëtoownaxtë mijts ets mëët yë mëku'uktëjk.

Isaías 48:8

Mijts ka'ap ënäty ni ma jëtu'unpë xymyëtoynyëm ets ka'ap ënäty xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Isaías 57:5

je'eyë xy'ixta'atë kepypya'tk mëjëtypë tääts jam m'ëtë'ëtstë m'ëna'antë tëkatsy, jap muum wokjoty m'u'unk mmëxu'unkpë xykyujëpijpnaxtë, jap muum tsaajutjoty xy'atijëtë.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

Jeremias 20:8

Koos nkäjpxy, tsipës xëmë nikäjpxyp ets o'kën tëko'oyën; je'eyës xëmë nyaj'ojy nyajyä'äxy ets nyajnëxi'iky nyajtukxi'iky, paaty jyëtu'unëty jä'äs ko nikäjpxy mijts yë m'aaw m'ayuk.