Isaías 53:4 - Biblia Mixe de Quetzaltepec

⁴ Yë'ë ojts tmënaxy tyajnaxy ja n'ëyo'on'ajtëmë, ojts tmë''ëyoy yë mpëjkën'ajtëmë, ëëtsajtëm jëtu'un ojts nma'ayëm ntajëm ko Tios yë'ë yajtsëtyujtëp ets yë'ë o'ktëy tuunëp.

Biblia Dc en Mixe de Quetzaltepec

⁴ Yë'ë ojts tmënaxy tyajnaxy ja n'ëyo'on'ajtëmë, ojts tmë''ëyoy yë mpëjkën'ajtëmë, ëëtsajtëm jëtu'un ojts nma'ayëm ntajëm ko Dios yë'ë yajtsëtyujtëp ets yë'ë o'ktëy tuunëp.

Isaías 53:4 ပူးပေါင်းရင်းမြစ်များ

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Mateo 8:17

Paaty ya'atë jëtu'un tyuunë jyajtë ets y'atëwëty ko ja Tios ja kyäjpxynyajxpë Jeséas ojts y'ënä'äny: Yë'ë yajnëjkxtaay tu'kë'ëyë ëëts ja mpa'am'ajtëm ets ja n'ëyo'on'ajt njotmay'ajtëm.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Juan 19:7

Ets ja jutiis ja'ayëty y'ëtsoowtë: Tap ëëts tu'uk ja n'ënä'ämën nmëët'atë mëti'ipë ënaanpën ko y'ookëty ja ja'ay mëti'ipë nätyijëpën Tios U'unk.

Salmos 69:26

Jä'ä ko yë'ëjëty je'eyë t'ixjëtit tpajëtitë mëti'ipë mijts mon tuk të xypyëjktä'äkyën, ets të tnëxi'ik të tukxi'iktë ja pyëjkën y'ato'onënëty mëti'ipë të xyajtsëtyuty të xyajwintëkoyën.

Mateo 26:37

Yë'ë wyoow ja Pedro mëët ja Zebedeo myaankëty nimäjtsk, ënät tyëjkëy moonpë tujkpë, jëtu'un yaj'ixy ya'axaanp yowë.

Romanos 4:25

Jesús, ojts yajkë'ëyäky ets y'ookëty mëët ko ënäty ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Levitico 16:10

Ja tsajppax mëti'ipë tuka'ajëpën ja Azazel, jëtu'unyë juuky tmo'ojëty ja Tios ets tpaatëty ja pokymyä'kxën, ok tnajtsmatsëty ets nyëjkxëty jam wintë'ëtstum ma ja Azazel yajpaatyën.

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Números 7:15

ëpëky tjaakyäjky tu'uk yë tsajpkaayä'äy ayääkë, tu'uk yë kupixyny yä'äy mëti'ipë tëë yä'kpetyën ets tu'uk yë kupixyny ayääkë tu'kjëmëjt petypë mëti'ipë yajnino'okëpën,

Salmos 69:8

jëtu'unës të nyajpëjktä'äky maas yë njëëky nmëku'ukën tä tu'uk yë jaaypyaat jaaypyo'kxyën mëti'ipë ka'ap pën y'ixy'ätyën.

Salmos 69:27

Mijts näjyëtu'un ëxëëk myajjatëp ijxtëm yë'ëjëty yë jyiiky myëku'uk ëxëëk të tun t'ënëëmëtën; yë'ëjëty ka'ap pyaatëtë pokymyä'kxën.