Isaías 53:1 - Biblia Mixe de Quetzaltepec

¹ ¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Biblia Dc en Mixe de Quetzaltepec

¹ ¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Isaías 53:1 ပူးပေါင်းရင်းမြစ်များ

Juan 12:38

Paaty jëtu'un tyuunë jyajtë ets y'atëwëty ja Jeséas ja y'aaw y'ayuk, Tios käjpxynyajxpë: Wintsën, ¿pën jëtää y'ëkmëpëjkpy ja n'aaw'ajt n'ayuk'ajtëmë? ¿Pën jëtää ja Wintsën të tuknijawë ja kyutujkën?

1 Corintios 1:18

Ko yajnikäjpxy yajnimëtyä'äky ko tëë ja Kristë y'ooky kruutskëjxm, ja ja'ayëty mëti'ipë nitëyë nëjkxtëpën ëyo'ontum jëtu'un tmëtowtë nanëkoo yowë tsuu mëtya'ak kupoj mëtyä'äky yajnikäjpxy; e ëëtsajtëm jënu'un ja nitsokën të npatëmë, nija'awëm ko Tios yë myëk'ajtën.

Juan 1:12

E mëti'ipë kupëjkën ets myëpëjkë, yë'ë ojts ja kutujkën tmo'oy ets Tios y'u'unk'atëtëty.

Mateo 16:17

Ënät ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Tios Teety tsajpjotmëpë yë'ë të mmo'oyë jëtu'unpë winma'any.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

1 Corintios 1:24

e mëti'ipë ja Tios të wyin'ixëtën, wä'än tjutiisëty tkajutiisëty, ya'atë Kristë, yë'ë Tios yë myëk'ajtën ets wyijy'ajtën.

Isaías 40:5

Jëtu'un ja Wintsën tyaj'ixa'anyë ja myëj'ajt y'oyajtën, ets tu'kë'ëyë ja'ay t'ijxta'aja'antë. Wintsën kë'ëm të tnikäjpxy.

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënäty jëtu'unën tä tu'uk mëj jëyujkën nëëjotypë.

Juan 1:7

Ijxpë tuunpë ojts myiny ets tnikajpx tnimëtya'akëty mëti'ipë ijtpën ijxtëm ja kutë'kxnën, jëtu'unts ni'ëmukë ja ja'ay myëpëkëtëty.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Lucas 18:31

Tääts ja Jesús ja y'ijxpëjkpëtëjk nimajkmäjtskpë tyaxëy ëpëky ets t'ënëmaay: Ja'amtë jam Jerusalén, ma tu'kë'ëyë tyuna'any jyata'anyën ijxtëm ja Tios ja kyäjpxynyajxpëtëjk ojts t'akajpxtën jyata'any ja naaxwiinyëtë ja'ay ja y'U'unk.

Isaías 59:16

Yë Wintsën wiink të t'ixy ko ni pën tkayaj'oyë ya'atë jotmay; ënät kë'ëm yë myëk'ajtën të tpëjktä'äky ets të tuny ijxtëm tsokyën ets tëë myëtä'äky.