Isaías 51:4 - Biblia Mixe de Quetzaltepec

⁴ Naax kajpnëty, mëtoow'itë n'aaw n'ayukës: N'ijxpëjkënës yam nyakäämpy, ets ja ntëyajtënës yë'ë kyutë'kxäämpy kyujajäämpy ja naax kajpn.

Biblia Dc en Mixe de Quetzaltepec

⁴ Naax kajpnëty, mëtoow'itë n'aaw n'ayukës: N'ijxpëjkënës yam nyakäämpy, ets ja ntëyajtënës yë'ë kyutë'kxäämpy kyujajäämpy ja naax kajpn.

Isaías 51:4 ပူးပေါင်းရင်းမြစ်များ

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

1 Corintios 9:21

Jatu'kpëky etsës nmëmëta'aktë mëti'ipë ja Moisés ka'ap ja y'ënä'ämën tpatuunëtën, näjyëtu'unës të näpyëjktä'äkyë ijxtëm yë'ëjëtyën, oyës ëjts ja Tios njamëtuny ets ja Kristë ja y'ënä'ämën njapa'ap'ijtëyë.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Tios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 42:6

Ëjts, mëti'ipës Wintsën'ajtpën, tëë nmëkäjpxy ets të nmatsy mkë'ëkëjxy, ets mijts mwa'anëty yaj'ëwaatsëpëtsëëmpë. Ëjts mijts të nyajkojy, yë'ë ntsojkpyës ets mijts m'ijxpäjtën'atëty maas mëët ja nnaax nkajpn ja käjpxytyu'unën të ntunyën ets mtë'kxëty mjajëty.

Miqueas 4:2

may jam yë naax kajpn myina'antë ets y'ëna'ana'antë: Mintë, tsojk jam mpa'tëjkëmë ma Wintsën yë kyopkën, jam ma Tios yë tsyajptëjkën mëti'ipë Jacob y'ëwtajtën ets xytyukni''ijxëmëty yë nyë'ë tyu'u ets mëtëy nye'eymyëty nnajxmëty. Jä'ä ko jam Sión jam ja Wintsën ja y'ijxpëjkën tsyoona'any, jamtsow Jerusalén myina'any yë y'aaw y'ayuk.

Salmos 78:1

Naax kajpn mëti'ipës njä'ä'ajtypyën, mëtoow'it yë n'ijxpëjkënës; tuk'akonëtë yë mkopk mtatskëty mëti'ipës yam nikajpxäämpyën.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Isaías 26:2

Yaj'ëwa'atstë ja tëjk'aaw, wä'än tnaxtë ja naax kajpn mëti'ipë mëtëy winë tyuuntëpën ets mëti'ipë ka'ap pën nyätyukwin'ëënëtën.

Proverbios 6:23

Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Salmos 147:20

Ka'ap ojts maa wiink naax wiink kajpn jëtu'unpë tuny, ja ja'ayëty ja wiink naax wiink kajpnëpë ka'ap ojts ma tnijawë'atë ja y'ënä'ämën tyiyajtën. Tukxoontä'äky mëjjawë Tios yë xyëëw nyaxëty.

Salmos 106:5

etsës n'ixëty wi'ix ënäty jyuuky'atën ja mja'ay mëti'ipë të xywyin'ixyën, etsës jotkujk nnäjyawëtëty ets ntukxoonta'akëtyës ja naax kajpn mëti'ipë mijts mjä'ä'ajtypyën.

Salmos 50:7

Mëtoow'itë, miitsëty Israel ja'ayëty, mëti'ipës nnaax'ajtyp nkajpn'ajtypyën, tyam mijts yajxon nmëkajpxa'any. Ëjts jëtu'un Tios, ëjts mijts xyTyios'ajtp.

Salmos 33:12

Jotkujk yë naax kajpn yajpaaty mëti'ipë yë Tios Wyintsën'ajtypyën, ja naax kajpn mëti'ipë Tios të twin'ixyën ets yë'ë nyätyukjä'ätijyë.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Éxodo 19:6

Miitsëty aakjëtu'un nëjkx mja'ay'atë tä yë teetytyëjkëtyën ma Wintsën yë kyutujktaknën, jëtu'un nëjkx njawëtë tä tu'uk yë kajpnën mëti'ipës të natyuknikënu'kxëtyën. Tukmëmëtyakta'a ya'atë aaw ayuk yë Israel ja'ayëty.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënäty ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.

Isaías 1:27

Mëëtës ja ntëyajtën ets ja oypyë ja ntu'unënës nkajpxënës, nyajtso'okäänpyës jatëkok yë Jerusalén ja'ayëty, ets xynyimintëtyës.

Isaías 26:8

Ëëtsëty akujk jotkujkës näjyawëtë koos yë'ë npanëjkxtë ja në'ë tu'u mëti'ipë ja ënä'ämën tëyajtën nyi'ënä'ämëpën. Yë njot nwinma'anyëtyës jam xëmë myäy tyäjy ma mijtsën.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 42:21

Yë Wintsën mëti'ipë yaj'ëwaatsëpëtsëëmpën, mëjwiin këjää ja oyajtën të tjayaka'any ma ja y'ijxpëjkënën;

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Isaías 63:8

Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky