Isaías 51:1 - Biblia Mixe de Quetzaltepec

¹ Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Biblia Dc en Mixe de Quetzaltepec

¹ Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Isaías 51:1 ပူးပေါင်းရင်းမြစ်များ

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Salmos 94:15

Ja nänyipaye'eyën oy yajxon jatëkok tyu'uye'eyä'äny ets tëkokyë yë ja'ayëty mëti'ipë mëët jyuuky'atën yë'ë pyanëjkxantëp.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Tios nëjkx t'ixy.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Isaías 48:12

Ëkmëtoowkës, mijts Israel, miitsëty Israel ja'ayëty mëti'ipë Jacob nyaax'ajtyp kyajpn'ajtypyën, mëti'ipës kë'ëm të nmëkäjpxyën: Ëjts jëtu'un tu'uk Tios'ajtp, ëjts jëtu'un jekyëp tso'ontakp ets tyampaat ëjtsyëm ijtp.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Amós 5:6

Yë'ë Wintsën ninëjkxtë ets mjuuky'atëty; pën ka'ap yë'ë xynyinëjkxtë kyäxäämpy yë jëën ma Israel kajpnën ets ka'ap jam Betel pën myäyëtëty wi'ix tyajpi'itsëty.

Proverbios 21:21

Mëti'ipë y'ixtääpyën ja tëy'ajtën ets mëtëypyë, pyätyp ja juuky'ajtën ets mëj'ajtën.

Proverbios 15:9

Tios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.

1 Timoteo 6:11

E mijts Timoteo, Tios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

Filipenses 3:13

Mëku'uktëjkëty, ka'apës n'ëna'any ko tëëjës winë nmëmëtakta'ay; je'eyës winë të nja'atyëkooytyä'äy mëti'ipë nyäxyën ets nämyëjaaw'ixyës ets npaata'anyës ja kuma'ayën mëti'ipë miimp wiinkoonpën,

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kutujkën ets xytyuntëty mëti'ipë Tios tsyojkpy ets xy'ëxajëtëty tëkokyë ya'atë jotkujk'ajtën.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Salmos 24:6

Jëtu'un ja ja'ay jyä'äy'atë mëti'ipë y'ijxtaaytyëpën ja Wintsën, mëti'ipë y'ijxtaaytyëpën ja Tios, mëti'ipë Jacob Tiosajtën.

Sofonías 2:3

Yë'ë Wintsën ixta'atë, miitsëty ninu'un yu'unk naxym mjuuky'atën ets ninu'un xymyëmëtowtën yë y'ënä'ämën kyutujkën. Tëyajtën winë xytyuntëty ets yu'unk naxym, wä'änxyëp yë tsoktakn xypyaatëty ko ënäty ja Wintsën jyoot'anpëky.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Isaías 51:4

Naax kajpnëty, mëtoow'itë n'aaw n'ayukës: N'ijxpëjkënës yam nyakäämpy, ets ja ntëyajtënës yë'ë kyutë'kxäämpy kyujajäämpy ja naax kajpn.

Romanos 10:3

Jä'ä ko ka'ap tja'akyyukëtë ko Tios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Tios tmëmëtowa'antë.

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

2 Crónicas 15:4

E ko të t'ixta'ay yë Wyintsën ëmuumtu'ukjot ko amay jotmay tpaaty ets ko winë aaw winëjot t'ëwtaty mëti'ipë yë Israel ja'ayëty y'ëwtajtëpën ets mëktä'äky t'ixta'atë, yajpatp yë'ë.

Isaías 48:1

Mëtoow'it ya'atë aaw ayuk, miitsëty jënu'un yë Jacob t'u'unk'aty t'ok'atyën, mëti'ipë xyëëwajtëpën Israel, Judá y'u'unk y'ok. Mëti'ipë tii winë nyikajpxtëpën mëët yë Wintsën xyëëwkyëjxm, mëti'ipë y'ëwtajtëpën yë Tios, mëti'ipë yë Israel ja'ay Tyios'ajtëpën, wiinkë'ëy akë'ëy.