Isaías 5:16 - Biblia Mixe de Quetzaltepec

¹⁶ Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënäty winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënäty mëtëy winë tuny.

Biblia Dc en Mixe de Quetzaltepec

¹⁶ Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënety winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënety mëtëy winë tuny.

Isaías 5:16 ပူးပေါင်းရင်းမြစ်များ

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

Isaías 12:4

nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

1 Crónicas 29:11

Wintsën, mijts mjä'ä'ajtyp ja mëj'ajtën kutujkën, ja mëj'ajt oyajtën, ja ënä'ämën kutujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kutujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

1 Pedro 2:15

Jä'ä ko Tios yë'ë tsyojkpy ets miits xytyuntëty ja oypyë, këtiipë yë tsuuja'aytyëjk ets kupojtëjk tëkatsy mnimëtya'akëtëty.

Ezequiel 36:23

Yë'ë yam ntuk'ixäämpyës yë naax kajpn wi'ixës yë nxëëw wya'atsëtyën, mëti'ipë miitsëty të xynyi'ojëtën ma tääpë naax kajpnëtyën; koos ënäty ntuny ja nmëj'ajtënës ënät nëjkx tnijawëtë ko ëjts Wintsën. Ëjts Wintsën, ëjts ënaanp.

Isaías 29:23

Ko ënäty ja y'u'unk y'ok t'ixtë wi'ixës winë të ntunyën ma ja nyaax kyajpnëtyën, ënät nëjkx t'ijxpaatë ja nwa'ats'ajtënës ets nëjkxëpës xywyinkutsë'ëkëtë, maas ëjts nxëëwatyën Tios mëti'ipë Israel ja'ayëty kyënu'kxyjya'awëtëpën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Isaías 33:5

Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Ezequiel 38:23

Jëtu'un may yë naax kajpn ntuk'ixa'anyës ko ëjts mëjës ets wa'atsës. Ëjts näynyikëxë'ëkanëpës ma yë'ëjëtyën ets nëjkxëp tnijawëtë ko ëjts Wintsën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Apocalipsis 4:8

Aak tëtujk ja kyäkn tmëët'atë nitu'ukjaty. Nëkëjxy'tsyow ets käkn pa'tkë'ppaat ja wyiin tmëët'atë. Xëëny koots ja Tios tja'amyätstë ets y'ëna'antë: Wa'ats, wa'ats, wa'ats ja Wintsën, Tios Mëti'ipë Maaytyääyëpën Winë; tëëpë y'ityën, mëti'ipë tää'ajtpën ets mëti'ipë itaanpën.

Isaías 61:8

Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Isaías 28:17

Tääpë potsy yë'ë nëjkx mëët yajtuk'ijxtë ja mëtëypyë ja nipaye'eyën. Ja tsoktakn mëti'ipë ënäty të xyjya'ixta'atën mëët ja win'ë'ënën antakën yë'ë nëjkx yaj'atëkoyë ja tëtsn tuu, ets mëti'ipë ënäty mnätyuk'apëjktujkëtëpën, jëtu'unyë nëjkx jam komnëë yajwinpajë'ëtyë.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Salmos 21:13

Paaty mijts Wintsën, amëjaaw pëtë'ëk mëët yë mëk'ajtën. Tsojk nixëëwtu'unëm mëët yë ëy yä'äxy ko mijts të mëtä'äky.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Tios.

Isaías 2:11

Ja mëti'ipë ënäty amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

1 Pedro 1:16

Jëtu'un ja Tios ja y'aaw y'ayuk këxja'aypyë y'ënä'äny: näjyëtu'un miits wa'ats itë ijxtëmës ëjts nwa'atsëtyën.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënäty ja Tios tyajnikëxe'eka'anyën ja jyoot'an ko ja paye'eyën tunëty,

Ezequiel 28:22

Jëtu'un xy'ënëëmëty: Ya'atë yë Wintsën të tkäjpxy: Ëjts mmëtsipës yam n'awinpity ma mijtsën Sidón kajpn; ëjts mëj'äämpyës naxa'any ma mijtsën. Ko ënäty mijts myajnitëkë maas nyaj'ixa'anyën ja nmëj'ajtënës ets nwa'ats'ajtënës, ënät nëjkx yajnijawë ko ëjts Wintsën.

1 Pedro 3:15

Je'eyëm mjootjoty mwinma'anyjoty xymyëjjaw xyjyääntyjyawëtëty ja Kristë mëti'ipë nWintsën'ajtëmën. Jëjp'ixy xëmë m'ittëty wi'ix xy'ëtsowtëtyën ja mëti'ipë myajtëëwëtëpën tii ko ja a'ijxën jëjp'ijxën xymyëët'atë.

Isaías 33:10

Ënät ja Wintsën y'ënä'äny: Ëjts yam ntuktëkëjäämpy tääpë jotmay, tyamës nyaj'ixa'anyë ja nmëk'ajtën n'oyajtën.

Ezequiel 20:41

Ko ënäty nwoowmujkta'atës ets nyatso'onta'atës maajaty tyam yajpaatën wiink kë'ëy wiink kajpn, nëjkxëpës nyajnikëxë'ëkëty wi'ixës mëtëy tii ntunyën ma miitsëtyën ets ma wiinkëtypë naax kajpnën, ënät nkupëkëtyës ja mwintsë'kënëty oypyë xyuuky jyokyën.

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Números 20:13

Tääpë nëë mëti'ipë tsaajoty pëtsëëmën, yë'ë Meribá yajtijy ma ja Israel ja'ayëty ojts mëktä'äky t'amëtowtën ja nëë, yë Tios ojts yë myëj'ajt y'oyajtën jyänty tyuk'ixëtë.

Isaías 2:9

Naxym të nyäpyëjkta'akëtë, ni'ik o'ktëy të nyäyajjatëtë. Paaty yam n'ënëëmë këtii xypyokymyä'kxëty.

Ezequiel 28:25

Ëjts Wintsën, jëtu'unës n'ëna'any: Nyajmujjkta'ajäämpyës yë Israel ja'ayëty jënu'un yajpaatën axit ako'owë wiink naax wiink kajpn ets jëtu'un nyaj'ixa'anyës ja nwa'ats'ajtënës ma ja naax kajpnën. Yë Israel kajpn nëjkxëp jatëkok yë nyaax kyajpn tniwä'äky ma ja naax kajpnën mëti'ipë ojts yë ntuunpës Jacob ntukumayën.