Isaías 5:11 - Biblia Mixe de Quetzaltepec

¹¹ Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

Biblia Dc en Mixe de Quetzaltepec

¹¹ Janty mon janty tuk miitsëty myajpaatë, tsojk mpëtë'kojtë ko m'uuktë mmu'ukëtë, ets jëtu'un mkutsu'ujëtë.

Isaías 5:11 ပူးပေါင်းရင်းမြစ်များ

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Isaías 5:22

Janty mon janty tuk miitsëty myajpaatë, jä'ä ko je'eyë m'uuktë mjë'kxtë ets jëtu'un mnäyjyawëtë mëtaktëp yowë, tëë xyjyajnëtë wi'ix xyëpintëtyën ja uuky ets ka'ap pën m'ëkmëëpatënëtë.

Proverbios 20:1

Yë nëë mëti'ipë mukpën yajtëkooyëp yë ja'ay; yë nëë mëkpë ëxëëk yë ja'ay tyaj'ëtë'ëtsy tyaj'ëna'any;; ko ja'ay myu'ukyë tëkoopy yë jot winma'any ets ka'ap tii oy tuny.

Gálatas 5:21

tyukmëtsip'ajtëp oytyiijëty ja myëku'uk, uktëp mukëtëp, ajëën akax jyä'äy'atë ets kanaakpëky tii ëxëëk tuntë. Tyam miits jatëkok ntukja'amyätstë ijxtëm të ntuk'ëwaanëtën, pën ya'atë tyuuntëp kyajpxtëp, ka'ap tyëkëja'antë ma ja Tios ja kyutujktaknën.

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Isaías 28:1

Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Habacuc 2:15

Janty mon janty tuk mijts myajpaaty, jä'ä ko yë'ë mtuk'a'ukëp yë mëj jëën mëtëjk yë nëë mëti'ipë xëpinyën mëët yë tsooy mëti'ipë yajwinma'anytyëkoopyën ets xynyëxi'ika'any xytyukxi'ika'any ko ënäty niwa'ats ëxwa'ats yajpaaty.

Proverbios 23:32

E jääts ko yaj'uktaaynyë jëtu'un yaj'ijxnë tëë yowë ja'ay tsyä'äny tsyu'utsyë ets mëk yowë pyëjkënë.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënäty jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

2 Samuel 19:35

majkta'pxës yë njëmëjtnë; ka'apës nitii n'ëkxu'kxja'awënë mëti'ipës njajë'kxypyën ets mëti'ipës nja'ukpyën; nän ka'apës n'ëkmëtoownë pën wi'ix ja ëëpë jya'ëwtë. ¿Ëjts tiijës yë Wintsën n'ëktukmëtunëp?

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Isaías 24:9

Ka'ap pën y'ëk'uk y'ëkjë'kxnë ma äjtsën xoontakën y'ityën; ja ja'ayëty mëti'ipë uktëpën, ta'am tja'awënëtë ja tsatym nyëë.

Isaías 28:3

Mëët ja tyeky tä'änëtita'any, mëti'ipë ënäty amëj akëjxm yajpatpën, ma Efraín kajpnën mëti'ipë xëmë amu'ukyë yajpatpën.

Isaías 56:12

ets y'ëna'antë: Ja'am nëë n'ixta'ayëmë ets aakyë'ë mëknëë mëti'ipë mukpën, yajxon nmuktëko'oyëmëty. Näyjyëtu'un jëpom jatëkok tä tyamën, ëkë wä'än jaakni'ik.

Habacuc 2:5

Yë ja'ayëty mëti'ipë nämyëjja'aw näjyääntyjya'awëtëpën yë'ë tyäty tsyojkën'ajtëp wi'ix y'ënä'ämtëtyën; yajxon tjanty xy'ixta'atë ets ka'ap pyo'kxtë, ni'ikyë tpa'o'kta'aktë, oy tjanijawëtë ko ëxëëk ja'ay tmëjaty tmëkëpety yë kutujkën ets ënä'ämën. Jëtu'un yë y'aaw tyajwa'kxtë o'kpëjutën; jëtu'un ka'ap kyu'uxëtë tä o'kënën, paaty tpajëtitë ja naax kajpn ets tjä'äniwa'ana'antë.