Isaías 48:9 - Biblia Mixe de Quetzaltepec

⁹ Je'eyëp ko mëkës të nmä'kxtuky yë'ëjës nkayajnipäxëtëkëjäämpy yë nxëëwës paatyës je'eyë të nkumä'kxë ets ka'ap të nyajkutëkoy.

Biblia Dc en Mixe de Quetzaltepec

⁹ Je'eyëp ko mëkës të nmä'kxtuky yë'ëjës nkayajnipäxëtëkëjäämpy yë nxëëwës paatyës je'eyë të nkumä'kxë ets ka'ap të nyajkutëkoy.

Isaías 48:9 ပူးပေါင်းရင်းမြစ်များ

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Salmos 143:11

Mëët mijts ja mxëëw, Wintsën, yajjuuky'ajtkës. Jä'ä ko mijts mwa'ats yë'ë, yajpëtsëëmkës ma monyë tukyën.

Salmos 106:8

E yë Tios ojts yajtso'okëtë, tyaj'ixyë jëtu'un yë myëk'ajtën ets tyajmëjnajxy yë xyëëw.

Salmos 79:9

Mijts Tios, mëti'ipë ëëtsëty xyajtsoktëpën, putëjkëtëkës, yaj'ëwaatsëpëtsëëmtëkës, ets pokywyinmä'kxtëkës mëët ja mxëëw ja myëj'ajt y'oyajtën.

Salmos 78:38

E yë Tios mëj këjää yë pa'ëyo'owën najts'ëyo'owën tmëët'aty, nyimä'kxëp ja pyoky ets ka'ap tyajkutëkooynyëpë; kanaak ok jëtu'unyë tyajninajxy ja tsyip y'äkë, ets ka'ap ojts nëkooyë tunyë këwentë ko jya'ëwa'antäky.

Ezequiel 20:44

Miitsëty Israel ja'ayëty, ko ënäty oy ntsoktë njawëtë, ma ka'ap nja'amyätsa'anyës wi'ix ëxëëk të mjuuky'atën, ma yi'iyë ja nxëëwës myëjnajxyën, ënät nëjkx xynyijawëtë ko ëjts Wintsën. Ëjts Wintsën, ëjts ënaanp.

Ezequiel 20:22

je'eyëp ko mëkës ojts nmä'kxtuky, këtiipës ja nxëëw nyipäxëtëkëty ma ja naax kajpnëtyën mëti'ipë y'ijxtën wi'ixës ënäty ja Israel kajpn të nyajpëtsëmyën jap Egiptë.

Ezequiel 20:14

e ëjts koos yë nxëëw nkayajnipäxëtëkëja'any ka'apës jëtu'un ntuuny, këtiipë tëkatsy nwë'ëmëtyës ma ja wiinkëtypë ja naax kajpnën mëti'ipë ënäty të t'ixtën koos jap Egiptë nyajpëtsëëmtë.

Jeremias 14:7

Wintsën, yë nnëë npokyëtyës ka'apës xyajjotkujk'atë. Mijts ko mëtëy winë xytyuny paaty yë mxëëw myëjnaxy. Ëëtsëty kanu'umpë npokytyuunëtës ets ko ka'ap myajmëj'ixy ets ka'ap myajwinkutsë'ëkë.

Isaías 48:11

Yë'ëkyëjxm koos ja nxëëw mëj'äämpy nyäxy, paatyës jëtu'un të ntuny, jä'ä ko yë nxëëwës ka'ap tjëkyepy nyipäxëtëkëty. Ka'apës nkupëka'any etsës ja nmëj'ajt n'oyajtënës wiinkpë yajmo'ojëty.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Tios.

Salmos 25:11

Wintsën, mëj këjääjës yë ntuuntëko'oy nkajpxtëko'oyën, pokymyä'kxkës, yajmëjnax yë mxëëw.

1 Samuel 12:22

Jä'ä ko yë Wintsën mëti'ipë ënäty m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënäty yë'ëjëty jyuuky'atën; jä'ä ko tëëjës ënäty ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Proverbios 19:11

Yë wijyajtën jam nyikëxë'ëky ko ja'ay myä'kxtuky oy jyoot'anpëky, ets mëj'äämpy ja'ay nyäxy ko ka'ap tmëjpëjktä'äky oy pën y'ëxëëkmëkäjpxyë.

Josue 7:9

Ja Canaán ja'ayëty mëti'ipë winkon tsënaaytyëpën ko ënät nijawëtëty koos ka'ap ja nmëtsip të xyajmëta'aktë, yë'ë nämyukëtëp ënätëty ets xyajkutëkoya'antëtyës. E ko ënäty ëëts të n'o'kta'atë, ¿pën ja mxëëw nyaja'amyätsëp?

Isaías 65:8

Yë Wintsën jëtu'un y'ënä'äny: Ko yë tsatsymtsya'am tëë yajxon tsyä'ämy ets tap yë nyëë jyätyë, ka'ap pën tyajma'aty yë tsatym nyëë. E näjyëtu'unës ntuknipëjktaakë ntuna'a mëët koos ntsoky njawë ja ntuunpëtëjkës, ja naax kajpn ka'apës nyajkutëkoyä'äny.

Ezequiel 36:21

Ënätës wiink nja'awëy, ko yë'ëkyëjxm ko ja Israel kajpn tkatukjaty wi'ix jyuuky'atëtyën, ja nxëëwës wa'atspë wiink ijty yajtijy ma ja kajpnën maajaty yë'ë jya'tën.