Isaías 47:4 - Biblia Mixe de Quetzaltepec

⁴ Mëti'ipë ëëts xyaj'ëwaatsëpëtsëëmpën ja Wintsën, wa'atspë yajpaatyën jam Israel, mëti'ipë xyëëwajtypyën Wintsën, mëti'ipë maaytyääyëpën winë, jëtu'un y'ënä'äny:

Biblia Dc en Mixe de Quetzaltepec

⁴ Mëti'ipë ëëts xyaj'ëwaatsëpëtsëëmpën ja Wintsën, wa'atspë yajpaatyën jam Israel, mëti'ipë xyëëwajtypyën Wintsën, mëti'ipë maaytyääyëpën winë, jëtu'un y'ënä'äny:

Isaías 47:4 ပူးပေါင်းရင်းမြစ်များ

Isaías 44:6

Yë Wintsën mëti'ipë yajtsokën yë Israel kajpn, yë Wintsën mëti'ipë maaytyääyëpën winë, jëtu'un y'ënä'äny: Ëjts jëtu'un tso'ontak ets ëjts jëjpkëjxp; ka'ap maa wiinkpë jëtu'unpë tä ëjtsën.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 43:14

Ja Wintsën, Wa'atspë yajpaatyën ma Israel kajpnën, mëti'ipë të mmo'ojëtën ja ëwaatsëtuuy'ajtën, jëtu'un y'ënä'äny: Ko ënäty miitsëty nyaj'ëwaatsë pëtsëmtë, nkäxäämpyës ja'ay jam Babilonyë, ets nyaj'ëwa'atsa'anyës ja tëjk'aaw, tääts ja Caldeo ja'ayëty nyaj'awinpitanës ja xyoontakënëty pëjkën ijxën.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Jeremias 31:11

Yë Wintsën tëë tyajtso'oky yë Jacob yë nyaax kyajpn, tëë tyajpëtsëmy jam ma ja mëkpë ja naax kajpnën.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Tios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Salmos 19:14

Kupëky nyaxëty mijts mwintum yë n'aaw n'ayukës ets njot nwinma'anyës. Wintsën, yajtsokpë ets yaj'ëwaatsëpëtsëëmpë.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Tios mëti'ipë maaytyääyëpën winë txëëwaty.

Isaías 43:15

Ëjts jëtu'un Wintsënajtp, mëti'ipë të tyajkojyën yë Israel kajpn, Tios wa'atspë, mëti'ipë yajkutujkpën ma miitsëtyën.

Isaías 51:15

Ëjts Wintsënajtp, mëti'ipë mTios'ajtypyën jä'äs nxëëwajtyp Wintsën mëti'ipë maaytyääyëpën winë; ëjts ojts nka'ap yu'kxy yë nëëmejy ets ojts y'ëëtstë kyomtë,