Isaías 41:5 - Biblia Mixe de Quetzaltepec

⁵ Ja naax kajpn mëti'ipë yajpatëpën mejypyë'aay, ojts t'ixtë ets tsyë'ëkëtë; yu'kxtaay ja naaxwiinyëtë oy tyimmaajëty. Tää ja wyinkontë, tää ja myintë.

Biblia Dc en Mixe de Quetzaltepec

⁵ Ja naax kajpn mëti'ipë yajpatëpën mejypyë'aay, ojts t'ixtë ets tsyë'ëkëtë; yu'kxtaay ja naaxwiinyëtë oy tyimmaajëty. Tää ja wyinkontë, tää ja myintë.

Isaías 41:5 ပူးပေါင်းရင်းမြစ်များ

Salmos 67:7

Tios xykyënu'kxmëp. Wä'än tëkokyë yë naaxwiinyëtë ja'ay tukxoonta'aktë yë Wintsën.

Salmos 66:3

Jëtu'un yë Tios ënëëmëtë: Tios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Salmos 65:8

oy yë'ëpaatëty mëti'ipë muum jëkäm tsënaaytyëpën kwanë ko tsyë'ëkëtë ko t'ixtë wi'ix mijts winë mëj këjää xytyunyën. Aakmijts yë ja'ay mtukxoontakëp oymyaajëty, jëtu'un maatsow yë xëëw pyëtsimyën ets maatsow kyëtä'äkyën.

Josue 5:1

Tëkokyë yë yajkutujkpëtëjk mëti'ipë ënäty jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënäty ja Tios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Éxodo 15:14

Yë naax kajpn yajxon nëjkx tsyë'ëkëtë jyawëtë, ko jëtu'un nijawëtëty. Yë filistejë ja'ayëty jëtu'unyë nëjkx nyäwyiit nyäxyaatsëtë, mëët ja pëjkën ato'onën.

Génesis 10:5

Ya'atë ojts t'u'unk'aty t'ok'aty yë Jafed mëti'ipë tyajwintuktën ja nëëpa'a, nitu'ukjaty ja naax kajpnëty myëët'ajtëp ja nyaaxëty kyamëty ets kyë'ëm ayuk kyajpxtëp.

Isaías 41:1

Amoonta'atë miitsëty, naax kajpnëty nëëpë'aaypyë yajpaatën. Naax kajpnëty amëk jotmëk itë. Mintë ets nikajpx nimëtyakmëty ya'atë winma'any; tsojk ntu'ukmujkëmë ets ntukxo'on ntuk'ijtëmë.

Isaías 41:6

Tu'kë'ëyë ja'ay mëti'ipë tsäjtspën ëkë mëti'ipë kojpën jyotmëkmoopy yë myëku'uk.

Ezequiel 26:18

Tyam ma të m'atëkoyën, tsë'këtyëp ja naax kajpn nëë'akujkpyë yajpaatën. Tyam ma të myaj'ijxtëkoyën ja të'ëtsnaax mejyjotypë tsë'ëkëjantëp jä'äjëty.

Salmos 65:9

Mijts yë naaxwiinyëtë mkëwent'ajtyp; mijts yë nëë tuu mkejxyp ma yë'ëjën ets winë myuxëty yonëty; mijts myajyoompy myajji'tsyp yë tsajpmok mëët yë mëk tuu mëknëëkom. Jëtu'un ja naax kam xytyukni'oytyunë yajxon.