Isaías 40:1 - Biblia Mixe de Quetzaltepec

¹ Jëtu'un ja Wintsën y'ënä'äny, mëti'ipë miits mTiosajtëpën: Yajjotkujk'atë, yajjotkujk'atë ja nnaax nkajpnës.

Biblia Dc en Mixe de Quetzaltepec

¹ Jëtu'un ja Wintsën y'ënä'äny, mëti'ipë miits mTiosajtëpën: Yajjotkujk'atë, yajjotkujk'atë ja nnaax nkajpnës.

Isaías 40:1 ပူးပေါင်းရင်းမြစ်များ

2 Corintios 1:4

Yë'ë xyjyotmëkmo'oyëm ko nyajpatmëty ëyo'onjoty ets jëtu'un nyajjotkujk'ajtmëty näjyëtu'un mëti'ipë ëyoowtëpën ijxtëm ja Tios Teety të xyajjotkujk'ajtëmën.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

1 Tesalonicenses 4:18

Näjyotmëkmo'ojëtë nixim niyam mëët ya'atë aaw ayuk.

Zacarías 1:13

Ënät ja Wintsën t'ëtsooy mëët tu'uk yë aaw ayuk oypyë mëti'ipë yajjotkujkëpën, ja tsajpjotmëtë kukäjpxy mëti'ipës ënäty xymyëmëtyakpën,

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Isaías 41:27

Ëjts tëy, ojtsës winë ntuk'ëwaanëtë yë Sión ja'ayëty, ojtsës nja'ay nkexy ets nikajpxëty ko tsojk jatëkok jyä'äy wyimpita'antë.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Tios tukjotkujk'atë.

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Salmos 85:8

Nmëtoow'itäämpyës yam wi'ix yë Tios y'ënä'änyën; jä'ä ko yë'ë nyikajpxäämpy wi'ix mëpaat yë nyaax kyajpn jotkujk y'ityën, ets ja'ayëty mëti'ipë oy mëtuunëpën, këtiipë t'ëktuunëtëty ka'apë tyuunëtyën.

Nehemías 8:10

Ets ja Esdras y'ënëmaayëtë: Nëjkx mkaytyë m'uuktë akujk jotkujk, uuktë pëktë mpa'aknëëjëty, wowtë witstë mëti'ipë ka'ap tii të tnipëjktaakën ma jyëën tyëjkën jä'ä tyampë xëëw tëë yajtuknipëjktaakë ets Wintsën tjä'ä'atëty. Këtiimës yë mmontë mtuktë jä'ä ko ja Wintsën ja jyotkujk'ajtën yë'ë nwa'anëm tsoktakn.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Ezequiel 16:42

Jëtu'un nëjkx xyeemy ja ntsip n'äkës ets jotkujkës nëjkx nwë'ëmy; nëjkxëpës ntukjotkëtä'äky ets ka'apës nëjkx jëtu'un ja tsip äkë n'ëkmëët'ajnë.

Salmos 85:3

tëë mjotxeemy jatëkok ets tëë mjoot'an xyajnaxy.

Eclesiastés 3:4

Nyixëëw nyijëmëjt pyätyp ko jyi'iy yä'äxy ets ko pën xyi'iky y'ëwë'ëky. Ko pën o'kpë tnimony tnituky ets ko pën xyëëwtuny.

Zacarías 1:17

Ojtsës näjyëtu'un ja tsajpjotmëtë kukäjpxy xy'ënëëmë: Nikajpx ya'atë aaw ayuk: Yë Wintsën mëti'ipë maaytyääyëpën winë, jëtu'un y'ënä'äny: Ëjts nyajkutukäämpyës ets nnaax nkajpnës jyotkujkta'akëty jatëkok; njotmëkmo'ojäämpyës jatëkok yë Sión kajpn etsës nikajpxa'any ma ja naax kajpnën ko yë Jerusalén kajpn yë'ëjës jatëkok të nwin'ixy.