Isaías 4:5 - Biblia Mixe de Quetzaltepec

⁵ Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,

Biblia Dc en Mixe de Quetzaltepec

⁵ Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,

Isaías 4:5 ပူးပေါင်းရင်းမြစ်များ

Nehemías 9:12

Ets ojts xywyinye'ey mëët ja yoots nëma'a ko xyiiny'äjty e ko kyoots'ajty mëët ja jëën ets ja nyë'ë tyu'u t'ixtë ko ënäty tyu'uye'eytyë.

Salmos 78:14

Ko xyiiny'äjty yoots ojts mëët tyu'uwinwowëtë, e ko kyoots'ajty jëënmëët tyu'uwinwoowëtë.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 33:20

Ixtë ja Sión kajpn, ma xëmë ja xëëw tyunyë jyätyën; najts'ixëtë jam Jerusalén, jam ma yajpaatyën ja jotkujk'ajtën, mëti'ipë mëkën, mëti'ipë ta'tspëkyën ma ja tsiptuunpëtëjk jyajta'aktën, mëti'ipë ta'tspëky nikupën ets ka'ap nijënu'un nyitejpxy pyoty.

Salmos 85:9

Janty tëyajtën jëtu'un, ko yë Tios winkon yajpaaty, ets tyajnitso'oka'any mëti'ipë mëjpëjktakëpën, ets myëj'ajt y'oyajtën yaa yajpaata'any ma naax'ajt nkajpn'ajtëmën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Salmos 89:7

Tios yë mëjpë ets kutsë'ëkëpë, itkujky ets natuky yajpaaty mëët tëkokyë jënu'un yajpaatën jam tsajpjotm.

Éxodo 14:24

E kujk ënäty ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Tios jap ënäty yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Isaías 32:18

Jam nëjkx ja nnaax nkajpnës jyuuky'äty ma ja naax kajpnën akujkpë jotkujkpë, jam nëjkx jyuuky'äty oy tsuj ets katii kyajjotmaytyunëtëty ma jyëën tyëjkën,

Salmos 111:1

Tukxoontä'äky mëjjawë yë Tios yë xyëëw nyaxëty. Nmëjpëjkta'akäämpyës yë Tios winë aaw winëjot ma ënäty tyu'ukmuktën yë ja'ay mëti'ipë oy juuky'ajtëpën, ets ma ënäty tëkokyë ja naax kajpn të nyiye'eypyetyën.

Éxodo 26:7

Oytyun näjyëtu'un majktu'uk yë po'o'atëëytyuk, aakyë'ë tsajppax nyipo'o myajtuunëp ets yë'ë xytyuknitëyëty ja tsajptëjk.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Mateo 18:20

Jä'ä ko ma nimäjtsk nitëkëëk ja'ay yajpaatyën ëjts nxëëwkyëjxmës, tamës ëjts itkujky nyajpaaty.

Éxodo 24:16

Yë Tios yë myëj'ajt y'oyajtën ojts jam kyëtä'äky ma ja Sinaí kopkën, tëtujk xëëw ojts jëtu'un y'ity. Ko wyëxtujkxëëwpejtyp täänëm ja Tios ojts tmëkäjpxy ja Moisés jap jokjoty yootsjoty.

Salmos 105:39

Tios ojts tkexy yë yoots nëma'a këtiipë yë Israel ja'ay nyi'antëty, ets ko kyoots'ajty jëën ojts mëët tu'uwinye'ey.

Isaías 60:2

Nituky ja naaxwiinyëtë y'ity mëët ja kootsajtën, nijuuxy ja naax kajpn y'ity ko kyootsëty; e yë Wintsën yë'ë mkutë'kxanëp ets ma mijtsën jam ja myëj'ajt y'oyajtën nyikëxë'ëka'any.