Isaías 39:4 - Biblia Mixe de Quetzaltepec

⁴ Ënät ja Jeséas jatëkok tyajtëëy: ¿Tiijaty të t'ixtë ma m'akujktëjkën? Tääts ja Ezequías y'ëtsooy: Tëë t'ijxta'atë winë. Ni tu'ukës të nkayajninaxy, wa'atsës winë të ntuk'ijxta'ay.

Biblia Dc en Mixe de Quetzaltepec

⁴ Ënet ja Jeséas jatëkok tyajtëëy: ¿Tiijaty të t'ixtë ma m'akujktëjkën? Tääts ja Ezequías y'ëtsooy: Tëë t'ijxta'atë winë. Ni tu'ukës të nkayajninaxy, wa'atsës winë të ntuk'ijxta'ay.

Isaías 39:4 ပူးပေါင်းရင်းမြစ်များ

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Tios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Proverbios 23:5

Pën jap yë mjot mwinma'any mja'akyukëp yë'ë ko kumeeny'ajtk nëkoopë yë'ë, yë wit meeny poj'am yë kyixy, jëtu'un tä yë witsn kyääkjëtityën tu'ktsojkyë.

Job 31:33

Ka'apës yë npoky nijëna'a të nyu'utsy, jëtu'un tä wiinkpë y'ëtë'ëtstën ets ka'apës nijëna'a yu'utsy të nmëët'aty

Josue 7:19

Ënät ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

Isaías 39:3

Ënät ja käjpxynyajxpë Jeséas ojts tninëjkxy ja Ezequías yajkutujkpë ets tyajtëëy: ¿Ma tääpë ja'ay tsyoontë, wi'ix të y'ëna'antë? Tääts ja Ezequías y'ëtsooy: Jëkäm tsyoontë, jam Babilonyë.

Isaías 39:5

Tä ja Jeséas t'ënëmaay ja Ezequías: Mëtoow'it ya'atë aaw ayuk mëti'ipë yë Wintsën kyäjpxypën, mëti'ipë maaytyääyëpën winë:

Jeremias 17:3

ets jam muum aayjyotm ujtsjotm. Mëët ja nëë poky mëti'ipë të xytyunyën, mijts mniminanëp yë mä'tspë ets tyajnëjkxta'aja'any ja mwit mmeeny ets mëti'ipë pëjkë'ëky myaj'ijtypyën, wa'ats tyajnëjkxta'aja'any, ja mpëjktä'äky mëti'ipë jam muum myaj'ijtypyën tunkëjxm kopkëjxm ets ma tëkokyë ja m'itjot mnaaxjotmën.