Isaías 32:4 - Biblia Mixe de Quetzaltepec

⁴ Jëyëjp nëjkx winë tmëmay tmëtajtë, täänëm winë tuntëty. Ja aaw ayuk mëti'ipë ënäty kyajpxtëpën, nëjkxëp oy yajja'akyukë.

Biblia Dc en Mixe de Quetzaltepec

⁴ Jëyëjp nëjkx winë tmëmay tmëtajtë, täänëm winë tuntëty. Ja aaw ayuk mëti'ipë ënety kyajpxtëpën, nëjkxëp oy yajja'akyukë.

Isaías 32:4 ပူးပေါင်းရင်းမြစ်များ

Isaías 29:24

Mëti'ipë ënäty ka'ap tii oy tja'akyukëtën nëjkxëp wyijytya'aktë; ets mëti'ipë ënäty ka'ap tii oy tmëpëktën, nëjkxëp y'ijxpëktë.

Gálatas 1:23

Je'eyës ijty tmëtoy'atë: Ja mëti'ipë ijty y'ixjëtijty pyajëtijtypyën ja mëpëjkpëtëjk ets tyaj'ooka'any jä'ä tyam ja mëpëjkën kyajpxwä'kxyp.

Hechos 6:7

Ja Tios ja y'aaw y'ayuk ni'ikyë ënäty myëjwiinë kyëjääjë ets ja mëpëjkpëtëjkëty ni'ikyë myäyëtë jam Jerusalén, yë'ëpaat ja teetytyëjkëty ojts may myëpëjknëtë.

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënäty maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Mateo 16:17

Ënät ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Tios Teety tsajpjotmëpë yë'ë të mmo'oyë jëtu'unpë winma'any.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Éxodo 4:11

E yë Tios tyaa ojts y'ëtsoyë: ¿Pën yë ja'ay të myo'oyë yë y'aaw? ¿Tii këtii y'ëjtsëty yë ja'ay të nyajkojyësë, oy yë'ëjëty mëti'ipë uumën, mëti'ipë natën, mëti'ipë wiintsën ets mëti'ipë ijxpënë?

Isaías 35:4

ënëëmëtë ja mëti'ipë xëmë tsëyuuypyën: Jotmëk it, këtii mtsë'ëkë. Tyaa ja mTiosëty mëti'ipë myajtso'okanëtëpën, mëti'ipë tyiytyunäämpyën ja mëtsiptëjk ijxtëm pyaat'atyën.

Isaías 35:5

Ënät nëjkx y'ijxë'ëktë ja wiintstëjkëty ets myëtoowë'ëktë ja ja'ay mëti'ipë natëtyën