Isaías 27:3 - Biblia Mixe de Quetzaltepec

³ Ëjts Wintsën, ëjts nkëwent'ajtyp ets ëjts xëmë nyajxo'kpy. Xëëny kootsës nkëwent'aty këtiipë tsyë'ëtsëty wyintëkoyëty.

Biblia Dc en Mixe de Quetzaltepec

³ Ëjts Wintsën, ëjts nkëwent'ajtyp ets ëjts xëmë nyajxo'kpy. Xëëny kootsës nkëwent'aty këtiipë tsyë'ëtsëty wyintëkoyëty.

Isaías 27:3 ပူးပေါင်းရင်းမြစ်များ

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënäty muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.

Ezequiel 34:11

Ëjts Wintsën, jëtu'unës n'ëna'any: Ëjts yam kë'ëm nkëwent'atäämpy yë nkupixynyës.

Ezequiel 37:14

Ëjts miitsëty nmo'ojantëp yë xejy mëti'ipë yajjuuky'ajtpën ets mjuuky'ajtwinpitëty; ets nëjkx mpëjkta'aktë ma mkë'ëmnaax mkë'ëmkajpnëtyën. Ënät xynyijawëtëty ko ëjts Wintsën, tëëjës nikäjpxy ets tëëjës jëtu'un winë ntuny tääjës të nikäjpxyën. Ëjts Wintsën ëjts ënaanp.

Ezequiel 34:24

Ëjts Wintsën, ëjts nëjkx xyTyios'atë ets ntuunpës David yë'ë nëjkx nyikopk'atëtë. Ëjts Wintsën, ëjts ënaanp.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Isaías 46:4

ëjts je'eyëmës ënäty n'ixëty ko miitsëty nëjkx mëjja'ayëtë, ko ënäty miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:5

Tios yë'ë jam itkujky ijtp ets yë'ë kyuwäämpy; Tios yë'ë putëkëjanëp ko xëëw po'o tsyo'onta'akëty.

Génesis 6:17

Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Ezequiel 37:28

Ko ënäty yë ntsajptëjkës yajpaaty xëmë ma yë'ëjëtyën, nëjkxëp yë wiinkëtypë naax kajpn tnijawëtë ko yë Israel kajpn yë'ëjës të nwin'ixy etsës yë'ë nkajpn'ata'any.

Génesis 9:9

Ëk'ixtë yajxon; ëjts käjpxytyu'unën ntunäämpyës mëët miitsëty ets mëët yë m'u'unk m'okëty,

Isaías 31:5

Jëtu'un tä tu'uk yë joontaak tnike'eky tkuke'ekyën yë y'u'unk ko tii jëyujk myatsa'anyë, jëtu'un ja Wintsën mëti'ipë maaytyääyëpën winë tkuwa'ana'any yë Jerusalén kajpn, kyuwa'anäämpy, yajtso'okäämpy, nyiwaantu'utäämpy, ets ëwaatsëtuuy tpëjkta'aka'any.

Isaías 42:6

Ëjts, mëti'ipës Wintsën'ajtpën, tëë nmëkäjpxy ets të nmatsy mkë'ëkëjxy, ets mijts mwa'anëty yaj'ëwaatsëpëtsëëmpë. Ëjts mijts të nyajkojy, yë'ë ntsojkpyës ets mijts m'ijxpäjtën'atëty maas mëët ja nnaax nkajpn ja käjpxytyu'unën të ntunyën ets mtë'kxëty mjajëty.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënäty mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

1 Reyes 8:59

Ya'atë ja aaw ayuk mëti'ipës ja Wintsën të ntukmëtoyën xëmë tja'amyätsëty xëëny koots jëtu'unts tnipaye'eyëty ja tyuunpë ets ja Israel ja nyaax kyajpn, ko myëyatëty,

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.