Isaías 26:7 - Biblia Mixe de Quetzaltepec

⁷ Ja wa'ats ja'aytyëjk ja nyë'ë tyu'ujëty tëyë nyijkxy; mijts Wintsën, mijts kë'ëm ja nyë'ë tyu'u myaj'o'oyëyëp.

Biblia Dc en Mixe de Quetzaltepec

⁷ Ja wa'ats ja'aytyëjk ja nyë'ë tyu'ujëty tëyë nyijkxy; mijts Wintsën, mijts kë'ëm ja nyë'ë tyu'u myaj'o'oyëyëp.

Isaías 26:7 ပူးပေါင်းရင်းမြစ်များ

Efesios 2:10

Tios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

1 Juan 3:7

Miits, u'unk maayëty, këtii pën mnätyukwin'ëënëtëty; pën ja nipaye'eyën oypyë tyuunpy, wa'ats ja yajpaaty ijxtëm ja Jesukristë wya'atsëtyën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Tios yë mëyajtën të tuny etsës oy njuuky'atëty.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

1 Juan 3:10

Nikëxë'kp ja ja'ay mëti'ipë ja Tios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Tios y'u'unk'atyë.

Proverbios 20:7

Jotkujk yë ja'ay yë y'u'unk y'ëna'k yajpaatë mëti'ipë të jyuuky'ätyën tëy tëtä'äky.

Salmos 11:7

Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Tios wiinxë jëjpxë.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Tios myo'ojëtëty ja oyajtën wi'ix nitu'ukjaty pyaat'atyën.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënäty ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Salmos 1:6

Yë Tios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Job 31:6

Wä'än yë Tios xy'akijpxnaxyës ma kyijpxnën ets tmëpëkëty ko ëjts ka'apës tii poky të ntuuntëkoy.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Salmos 11:4

Yë Wintsën xëmë jam yajpaaty ma tsyajptëjkën. Yë Wintsën jam yë kyutujktakn tmëët'aty tsajpjotm ets kë'ëm t'ijx'ity yë naaxwiinyëtë ja'ay.

Salmos 25:4

Wintsën, tukni''ijxëkës yë mnë'ë mtu'u ets winwoow winwijtskës ma mnajxtaknën.

Salmos 25:5

Tu'uwinwoowkës ets tukni''ijxëkës ja mtëyajtën. Jä'ä ko mijts nTios'ajtyp ets mijts xyajnitsokpës. Mijts ntuk'ijxpejtyp oyjyëna'ajëty.

Salmos 27:11

Wintsën, tukni''ijxëkës yë mnë'ë mtu'u; winwoow winwijtskës ma ja oypyë ja në'ë tu'ujën etsës yë nmëtsip t'ixtëty;

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Isaías 52:12

Je'eyëp ko këtii janty jëtu'un mtimy'ëtë'ëts mtimy'ëna'antëty jëtu'un tä ja'ay kye'ekyën, jä'ä ko yë Wintsën yë'ë mmajts'itanëtëp oy muum mnëjkxtëty.

Isaías 57:2

ets po'kxpë nyëjkxnëtë. Oy të nyëye'ey të tyu'uye'eytyë, tyam po'kxnëtëp jap je'eyë o'kpëjutjoty.

Jeremias 10:23

Wintsën, ëjts nnija'apës ko yë naaxwiinyëtë ja'ay ka'ap kyë'ëmëty nyäyajjuuky'ätyë ets ka'ap yë'ëjëty t'awitsy jënu'un jyuuky'ata'any ets wi'ix jyuuky'ata'any.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Salmos 5:9

Yë'ëjëty nijëna'a winë tëyajtën tkakajpxtë; tëj joow yë jyot wyinma'any yajpaatë ma yë'ëjëtyën. Yë y'aaw yo'knëty, jëtu'un tä o'kpëjutën ëwa'atspë; aakyë'ë kyajpxtëp ka'apë myëtëyëtyën.

Proverbios 3:6

Tios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Proverbios 11:5

Ko jyää'aty ja oypyë nipaye'eyën, ja wa'ats ja'aytyëjk o'oyëtëp ja tyu'ujëty; e ja ëxëëk ja'ay ëxëëk tmëjaty ja y'ëxëëktu'unën.

Proverbios 21:8

Mëti'ipë tyuunpyën yë ëxëëk ja'ay ka'ap y'oyëty ets ka'ap tyukjotkujk'ajnëty; mëti'ipë yë oyjyä'äy tyuunpyën wa'ats yë'ë ets jyëkyejpy yajtukjotkujk'atëty.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Tios.