Isaías 26:5 - Biblia Mixe de Quetzaltepec

⁵ Yë'ë yajkuka'anajxyp yë ja'ay mëti'ipë amëj akëjxm ja'ay'ajtëpën, yajnaxymyëp ja kajpn mëti'ipë mëj'äämpy näyajnajxëpën,

Biblia Dc en Mixe de Quetzaltepec

⁵ Yë'ë yajkuka'anajxyp yë ja'ay mëti'ipë amëj akëjxm ja'ay'ajtëpën, yajnaxymyëp ja kajpn mëti'ipë mëj'äämpy näyajnajxëpën,

Isaías 26:5 ပူးပေါင်းရင်းမြစ်များ

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

Jeremias 51:37

jëtu'un jyata'any tä ja'ay naaxmaj muum tniko'owpetyën, wax jam ya'axaanp jokaanp, ni pën jam kyatsëënëja'any, aak tsë'ëkëjaanp jam yë ja'ay.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Isaías 32:19

oy ënäty muum ja ja'ay tëë ja tun kopk twinpujxtutaaynyëtë ets aanë'ëk tëëtsë'ëk ja naax kajpn yajpatnë.

Isaías 14:13

Mijts, ojts jëtää mjamay mjatajy: Ëjts koonëmës nja'ta'any tsajpkëjxm; etsës jam npëjkta'aka'any yë nkutujktakn ma Wintsën tyaj'ityën myëtsa'a; jam anëkëjxmtsow jamës ntsëënëja'any, jam ma y'itën yë wintsëntëjkëty mëti'ipë ja'ay y'ëwtajtëpën.

Isaías 2:12

jä'ä xëëw ma ënäty winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënäty mëj jaanty të nyäyajnaxëtën, pa'tkë'p nëjkx kyëtakta'atë,

Salmos 79:8

Këtiis xytyukkëpätëty ja nyëë pyokyëty ja n'ap n'okëtyës; wä'änës tsojk tminy ja myu'unkjot myu'unk winma'any, jä'ä ko ëëtsëty tëë nmëjaawkëjxta'atës.

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënäty ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Ezequiel 26:11

nëjkxëp yë mnë'ë mtu'u tyuktujkta'ay mëët yë maykyëwaay. Kupuxy y'ooka'antë yë ja'ay mëti'ipë tsënaaytyëpën ma mnaax mkajpnën ets nyaaxkujitëja'any yë mpotsy mëti'ipë tëjk pya'atënääpyën.

Isaías 24:10

Ja naax kajpn ma ijty ka'ap jyotkujk'atyën, axit ako'owë tyam yajpatnë, ka'ap ma ja tëjknë ma ja'ay tsyëënëtyën.

Ezequiel 28:17

Mëët ko ënäty m'oyëty mtsujëty yë'ë ojts amëj akëjxm myaj'awinpityë ets ko ënäty mëj jaanty mnäjyawëty ënät ojts tyëkooytyä'äy ja m'ixpëkyajtën. Ojts njaamteeny nnaaxteeny ets nëxi'iky tukxi'iky ojts nyajwë'ëmy ma wiinkëtypë yajkutujkpëtëjkën.