Isaías 20:3 - Biblia Mixe de Quetzaltepec

³ Tä ja Wintsën y'ënäny: Yë ntuunpës Jeséas niwa'ats tekywya'ats të yajpaaty tëkëëk jëmëjt, jëtyu'uxp të y'ity, jä'ä ko ja Egiptë ets Etiopíë o'ktëy jyata'antë.

Biblia Dc en Mixe de Quetzaltepec

³ Tä ja Wintsën y'ënäny: Yë ntuunpës Jeséas niwa'ats tekywya'ats të yajpaaty tëkëëk jëmëjt, jëtyu'uxp të y'ity, jä'ä ko ja Egiptë ets Etiopíë o'ktëy jyata'antë.

Isaías 20:3 ပူးပေါင်းရင်းမြစ်များ

Isaías 8:18

Ëjts ets mëëtës yë n'u'unk n'ëna'k mëti'ipës yë Wintsën të xymyo'oyën, jëtu'un ëëts nnaxtë tä tu'uk yë ijxpäjtënën mëti'ipë mëj'ajtën mëëtën ma Israel kajpnën, mëti'ipë yë Wintsën të tpëjktä'äkyën mëti'ipë maaytyääyëpën winë, mëti'ipë tsënääpyën ma ja Sión kopkën.

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Isaías 37:9

Ja Asiria yajkutujkpë ojts nijawë ko ja Tirhacá yajkutujkpë mëti'ipë Etiopíë ënä'ämpën, tëë ënäty tuknipëjktaakë ko mëët ja tsyiptuunpëtëjk nyipëtë'ëka'anyë. Ënät jatëkok tkäjpxynyikejxy ja Ezequías yajkutujkpë mëti'ipë Judá ënä'ämpën ets t'ënëmaay:

Números 14:34

Wëxytyikxy xyëëw jam m'ijtë joyjyotm ets xy'ijxtë xytyuuntë. E jëtu'un ënät wëxtyikxy jëmëjt xykyëpätëty ja mpokyëty: tu'kjëmëjt xykyukëpätëty ja tu'kxëëwpë mtuuntëkooytyën. Jëtu'un'äämpy xynyijawëtëty wi'ix ja ja'ay jyäty kyëpetyën mëti'ipës xykyamëjpëjktakpën.

Ezequiel 4:3

Tääts xykyiiyë'ëkëty tu'uk yë pujxn jam xynyajtskëyëty itkujky ma mijtsën ets ma ja kajpnën, jëtu'un tä jeexyë jää y'apojtstukyëtyën ets mwa'ak'oyëty ma ja kajpnën wintuuytsyow tä jeexyë xynyipëtë'ëkyën. Yë'ë ijxpäjn wë'ëmëp ma ja Israel ja'ayëtyën.

Ezequiel 12:6

E ko ënäty të tsyu'ujënë, tääts mnätyukejkyjyëpipëtëty mëti'ipë mëtsoonäämpyën, ijxnë kä'äxnë mtsoonëty. Këtii mwiin mjëjp xyajkëxë'ëkëty jëtu'un ka'ap ja naax kajpn xy'ixëty. Ntsojkpyës ets mijts ijxpäjtën mwa'anëty mëti'ipë nyikäjpxypën ja ëyo'on jotmay mëti'ipë miimp këtakpën ma ja Israel kajpnën.

Ezequiel 30:6

Jëtu'un yë Wintsën y'ënä'äny: Mëti'ipë pyutëjkëtëpën yë Egiptë kajpn, tsipjotm nëjkx y'o'kta'atë, tsyo'onta'akëty jam ma Migdol kajpnën ets jampaat ma Asuán kajpnën. Ja myëj'ajt kyëjxm'ajtën ja Egiptë o'ktëy nëjkx jyäty. Ëjts Wintsën ëjts ënaanp.

Zacarías 3:8

Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Isaías 19:4

E ëjts jamës yë Egiptë ja'ayëty nyajnëjkxa'any ma tu'uk ja yajkutujkpën mëti'ipë ka'ap nijënu'un kyäjpxyjyä'äkyukën, mëti'ipë ka'ap pën tpa'ëyoyën. Jëtu'un ja Wintsën y'ënä'äny mëti'ipë maaytyääyëpën winë.

Jeremias 13:1

Ënät ja Wintsën xy'ënëmaayës: Nëjkx tu'uk juy yë mwëën mëti'ipë linë witën ets mnäwyëënëtëty, je'eyëp ko këtii xyajxookëty.

Ezequiel 4:1

E mijts, ye'etyëjk, koonë'ëk tu'uk yë muutsy ets xykyoonta'akëty mijts mwintuuy, jam xyajnikojtu'utëty yë Jerusalén kajpn.

Ezequiel 30:4

Tsip itaanp ma Egiptë kajpnën, ko ënäty may ja ja'ay tyaj'ooktë ets tmä'tsta'atë ja wyit myeeny ets tyajkutëkoytyë ja Egiptë kajpn, ko ënäty tjijtë'ktaayëtë yë pyotsy ëjx, ënätyë nëjkx yë Etiopíë tsyë'këtyä'äky.

Sofonías 2:12

Näyjyëtu'un miitsëty Etiopíë ja'ayëty nän nëjkxëp yë mëj Wintsën myajtsëtyutëtë mëët yë tëypyujxn.