Isaías 2:9 - Biblia Mixe de Quetzaltepec

⁹ Naxym të nyäpyëjkta'akëtë, ni'ik o'ktëy të nyäyajjatëtë. Paaty yam n'ënëëmë këtii xypyokymyä'kxëty.

Biblia Dc en Mixe de Quetzaltepec

⁹ Naxym të nyäpyëjkta'akëtë, ni'ik o'ktëy të nyäyajjatëtë. Paaty yam n'ënëëmë këtii xypyokymyä'kxëty.

Isaías 2:9 ပူးပေါင်းရင်းမြစ်များ

Isaías 5:15

O'ktëy nëjkx ja ja'ay jyatë, mëti'ipë ënäty mëj këjxm të nyäjyawëtën, naax'ix naaxkow nëjkx jyaak jëtitë.

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Tios ja myëj'ajt y'oyajtën.

Marcos 3:29

je'eyëp ko nijëna'a kyayajpokymyä'kxëty pën ja Tios ja myëjaaw myëk'ajtën myëkajpxtëkooyëp.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Nehemías 4:5

Këtii nijëna'a xypyokymyä'kxëty ets këtii nijëna'a xyjyä'äytyëkoyëty ijxtëm ëxëëk y'ëtë'ëtstën y'ëna'antën, jä'ä ko yë'ë mëj këjää jëtu'un tyëkoytyë ko t'akajpxtuktë ets ja naax kajpn ja pyoty yajkoj'oyëty.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Tios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

Colosenses 2:23

Jëtu'un ya'atë ënä'ämën yajmëtoy mëtëy yowë, jä'ä ko jëtu'un tni'ënä'ämëtë ijxtëm jeexyë ja Tios yajmëjjaw yajjaantyjäwën, yujy tëtä'äky nyäpyëjkta'akëtë ko tëytyun tsaatyuntë ja nyi'kx kyopkëty, je'eyëp ko nimaa kyatuny jëtu'unpë ets yajmëmëta'akëty ja ëxëëk atsojkën mëti'ipë yajtuunpën mëët ja kë'ëmwinma'any.

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Isaías 57:9

Pëyi'ikyë ojts xynyinëjkxy ja tios Mélec ets oyjätyëty ja pa'akxu'kpë tsooy të xymyënëjkxy; jëkämpaat xykyejxy yë mtuunpë ets xynyikäjxëy ets myinëty, koonëm xyajkuka'anajxy jap ma o'kën yajkutukyën.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

Salmos 49:2

jëtu'un mëti'ipë kuwit kumeenyëtyën ets mëti'ipë ëyoow jotëkooytyëpën, näjyëtu'un mëti'ipë mëj'äämpy ijtëpën ets mëti'ipë yu'unk naxym ja'ay'ajtëpën.

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

Salmos 59:5

Mijts Wintsën, Tios mëti'ipë maaytyääyëpën winë, yë Israel yë Tyios, ëkma'aypyëtë'ëk ets tukumëtow tääpë ja'ayëty mëti'ipë oynatii y'ëwtajtëpën; këtii xypya'ëyoy tääpë ëxëëkja'aytyëjk mëti'ipë jyiiky myëku'uk kyë'ëyajktëpën.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënäty winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënäty mëtëy winë tuny.