Isaías 2:6 - Biblia Mixe de Quetzaltepec

⁶ Tëë ja mnaax mkajpn xy'ixmajtsnë ma tsyëënëtën ja Jacob ja jyä'äy, jä'ä ko ujts yajpaaty mëët ja najtsja'apëtëjk ets ja tsuu mëkajpxpë poj mëkajpxpë, jëtu'un tä ja filistejë ja'ayëtyën ma mëët oy nyäyaj'itëtën ja jaaypyo'kxyjyä'äyëty.

Biblia Dc en Mixe de Quetzaltepec

⁶ Tëë ja mnaax mkajpn xy'ixmajtsnë ma tsyëënëtën ja Jacob ja jyä'äy, jä'ä ko ujts yajpaaty mëët ja najtsja'apëtëjk ets ja tsuu mëkajpxpë poj mëkajpxpë, jëtu'un tä ja filistejë ja'ayëtyën ma mëët oy nyäyaj'itëtën ja jaaypyo'kxyjyä'äyëty.

Isaías 2:6 ပူးပေါင်းရင်းမြစ်များ

Romanos 11:20

Tëy jëtu'un. Ojts jyänty yajkatspuxy je'eyëp ko yë'ë ko ka'ap myëpëjktë, e mijts paaty jam myajpaaty jä'ä ko mmëët'ajtyp ja mëpëjkën. E paaty mijts këtii mnämyëjjawëtëty, këtiipë näjyëtu'un myajkatspuxëty.

2 Reyes 1:2

Ko yë Ocozías jam kyënajxy ma ja tyëjkwiinën ma jam yajkutukyën jam Samaria, tsëtyujtaay yajxon, ënät t'ënëmaay ja tyuunpë ets jam nëjkx tyajnitëwëtë ma ja Baal-zebub jam yajpaatyën, tu'uk yë awinax mëti'ipë jamën Ecrón, tääts nijawëtëty pën tso'okjaanp ëkë pën ookaanp,

Lamentaciones 5:20

¿Wi'ixës ko xëmë xyjyä'äytyëkoytyë? ¿Wi'ixës ko jeky xy'ëxmatstë?

Jeremias 10:2

Jëtu'un yë Wintsën y'ënä'äny: Këtii jëtu'un tii xytyunëty tä wiinkëtypë naax kajpnën.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Proverbios 6:1

U'unk maay, pën mtuk'ënu'kxyp tii yë mjëëky mmëku'uk ëkë mtukwinwa'anëp pën nëkoo tii,

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Tios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

Nehemías 13:23

Ojts näjyëtu'un yajnijawë ko tam ja jutië ja'ayëty mëti'ipë ënäty të pyëktën mëët ja to'oxytyëjkëty jampë kyukajpn'atën Asdod, Amón ets Moab;

2 Crónicas 24:20

Ënät ja Zacarías, yë teety Joiadá myaank, tyuktëjkëyë ja Wintsën ja myëk'ajtën y'oyajtën ets jam këjxm kyuwa'këy, jamts t'ënëmaay ja naax kajpn: Jëtu'un ja Wintsën y'ënä'äny: ¿Tii ko miits yë Wintsën xykyapatuntë ja y'ënä'ämën tyiyajtën? ¿Wi'ix ko miitsëty ni'ikyë ja m'ëyo'on mjotmay xy'ëxkukëtë? Mëët ko miitsëty kë'ëm të xy'ëxmatstës, ëjts näjyëtu'unës yam n'ëna'any ko miitsëty n'ëxmatsa'antë.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

1 Crónicas 10:13

Jëtu'un ojts ja Saúl y'ooky tyëkoy, mëët ko ënäty ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

Números 23:7

Ënät ja Balaam ojts ya'atë aaw ayuk t'akäjpxy: Jam tunjotm matsow yë xëëw pyëtsimyën, jam Aram, maas të ntsoonyën etsës Balac yaa xyajminy mëti'ipë yajkutujkpën yaa ma Moab tnitänën. Tëë xy'ënëëmës min ets xypyokëty yë Israel ja'ayëty. Tuknikajpx yë ëxëëkpë yë Jacob yë nyaax kyajpn.

Levitico 20:6

Pën myëkäjpxypën yë poj ënääw, ëkë nyinëjkxypyën yë najtsja'apë ets ja jyot wyinma'any tyajma'aty ko yë'ë tninëjkxy. Ëjts nän ntëytyunëpës tääpë ja'ay ets nëjkxëpës nyaj'ooky ma ja nyaax kyajpnën.

Levitico 19:31

Këtii xynyinëjkxëty oy natiipoj natii ënääw ets mëti'ipë nasja'apën. Këtii xy'ëxëëktuntëty yë mjuukyajtënëty, ko yë'ë tii xyajtëëwpëtëty. Ëjts jëtu'un Wintsën mëti'ipë miits mTiosajtëpën.

Éxodo 34:16

Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënäty tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Éxodo 22:18

Këtii xyajwë'ëmëty juuky yë to'oxytyëjk, mëti'ipë kajpxpojkpën, myaj'ookëp ënätyë.

1 Samuel 6:2

Ets ja filistejë ja'ayëty tyaxmujktaaytyë ja teetytyëjkëty, xëëwmääpyëtëjkëty ets tyajtëëwtë: ¿Tii mëpaat n'ëktu'unëmë mëët ja Wintsën ja kyaaxë? Tuk'ëwa'anëtëkës wi'ixës mëpaat jatëkok nyajwinpitë.

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Jeremias 12:7

Tëës ja nnaax nkajpn n'ëxmajtsnë, tëëjës n'ëxwanë mëti'ipës ijty njä'ä'ajtypyën. Tëës nkë'ëyajknë ma myëtsipën ja naax kajpn mëti'ipës ijty ntsojkpy nja'apën.

Miqueas 5:12

Nyajkëxäämpyës yë kajpxpojkpëtëjk ets jëtu'unyës nyajwë'ëma'any nasja'apëtuk.

Sofonías 1:8

Jëtu'un yë Wintsën y'ënä'äny: Ma ënäty ja wintsë'kën yajyäkyën jääjës ntëytyuna'any ja wintsëntëjk, yë yajkutujkpë y'u'unk y'ëna'k ets tëkokyë mëti'ipë tëkatsyjyäty yë wyit pyëjktaktëpën

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

Miqueas 5:11

Aak potsykyutukës nyajwë'ëmäämpy ma mnaax mkajpnën ets nyajijta'aja'anyës yë mnaax mkajpn mëti'ipë këwent'aty ets ta'tspëky yajpatpën.