Isaías 2:10 - Biblia Mixe de Quetzaltepec

¹⁰ Tsaajoty nëjkx muum kyukääkëtë; nëjkxëp yu'utsy me'ty jyaak kä'äktë ko ënäty ja Wintsën ja tyiytyu'unën tyajnaxy.

Biblia Dc en Mixe de Quetzaltepec

¹⁰ Tsaajoty nëjkx muum kyukääkëtë; nëjkxëp yu'utsy me'ty jyaak kä'äktë ko ënety ja Wintsën ja tyiytyu'unën tyajnaxy.

Isaías 2:10 ပူးပေါင်းရင်းမြစ်များ

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Lucas 23:30

Ënät nëëmëja'antë ja kopk: Tukkëtaawpäjtëkës ets nëëmëja'antë ja tun: Yu'tstëkës.

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Tios. Ko ënäty tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Oseas 10:8

Kutëkooytya'ajaanp yë awinax yë tsyajptëjk ma Israel ja'ay ijty pyokytyuntën. Jam ma y'awinaxëtyën äpny ets aay ujts nëjkx jam yony ets nëjkx yë ja'ay yë'ëpaat tjatsoktë ets jeexyë y'ujts nyiyoontëkoytyë ets nëjkxëp jya'ëna'antë ets jeexyë kopk nyija'awpätëtë.

Jeremias 10:10

Yë Wintsën yë'ë Tios'ajtp mëtëy, yë Tios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Isaías 42:22

e ya'atë naax kajpn je'eyë xëmë të yajmeetsy, je'eyë xëmë të yajnitëkë ets ëxëëk të yajtuny yaj'ënëëmë, jap të yajpëjktakta'atë tsaatëjkjoty ets pujxn tëkoty. Jëtu'un të nyajxnë mä'tstaknën ets ka'ap pën të kyuwa'anyë; ko të yajmëke'eky, ka'ap pën të nyiwaantu'utyë.

Isaías 10:3

¿Tii mtuunta'akantëp ko ënäty pën myajtëwëtë mëti'ipë mtuuntëkooytyëpën, ets ko ënäty mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Job 31:23

Ëjts tëëjës ntsë'ëkë Tios yë tyiytyu'unën; ka'apës ijty nmëmëta'aka'any yë myëj'ajt y'oyajtën.

Job 40:13

Naaxnitajta'a, jap tsuumta'a majtsta'a ma o'kpëtëjk tsumy matsy y'itën.

Salmos 145:12

Wä'än tëkokyë yë naaxwiinyëtë ja'ay yajtuknija'awëtya'atë yë mmëjajtën ets tyë'kxën jyajjën yë m'ënä'ämtakn.

Isaías 25:11

Jëtu'un ja Moab yë kyë'ë tyajyu'kxa'any tä ja'ay nyëëyunyën je'eyëp ko ko kyë'ë tnajtsxajë ni'ikyë kyiny.

Jeremias 13:9

etsës xy'ënëmaay: Timjëtu'un yë Judá ja'ayëty ets Jerusalén ja'ayëty nyajjata'antës.

Nahúm 3:11

Näyjyëtu'un mijts, nëjkxëp myaj'a'uukë ets muktëkoyëtëty; tsuu poj nëjkx mnäyu'utsyë, jam xy'ixta'aja'any yë tsoktakn ma mmëtsipën.