Isaías 18:4 - Biblia Mixe de Quetzaltepec

⁴ Ëjts jëtu'unës yë Wintsën të xy'ënëëmë: Ëjts wa'atsës n'ixy ntuny winë jam maas nyajpaatyën, jëtu'un tä jëënën ko pyotm'aty, jëtu'un tä myaanikyën ko xyëkopk'aty, ma ja pëjktä'äky pyëti'ikyën.

Biblia Dc en Mixe de Quetzaltepec

⁴ Ëjts jëtu'unës yë Wintsën të xy'ënëëmë: Ëjts wa'atsës n'ixy ntuny winë jam maas nyajpaatyën, jëtu'un tä jëënën ko pyotm'aty, jëtu'un tä myaanikyën ko xyëkopk'aty, ma ja pëjktä'äky pyëti'ikyën.

Isaías 18:4 ပူးပေါင်းရင်းမြစ်များ

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënäty jë'ë ya'ax yajpaatën, jamës nëjkx xy'ixta'atë.

Isaías 26:21

Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënäty të y'ookyën.

Isaías 18:7

Jä'ä xëëw nëjkx ja ja'ayëty tuknimintë ja wintsë'kën ja Wintsën mëti'ipë maaytyääyëpën winë, ja ja'ayëty mëti'ipë yenyëtyën ets mëti'ipë wyääy kyopk të'kxtëpën jajtëpën, mëti'ipë kutsë'ëkëtyën oymyaajëty, ja jotmëk kajpn ets mëjpë, mëti'ipë nëë'itkujky yajpatpën. Nëjkxëp yajwoowmintë jam Sión. Ma yaj'ëwtatyën ja Wintsën mëti'ipë maaytyääyëpën winë.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

2 Samuel 23:4

jëtu'un ja tyi'kxy jyäjy tä xëëw jyäjyën, jëtu'un tä janty'oy y'aantä'äkyën ko winwa'ats ja tsajp kyuxëënyë, mëti'ipë yajyoompy yaji'tsypyën ja aay ujts ko tyuukëtä'äky.

Oseas 14:5

Jëtu'unës yam ëjts naxy ma Israel kajpnën tä myaanikyën ets lirië ujts myäypyëjtë. Mëti'ipë ta'tspëky yë tyiktsën tä jamën ma Líbano kopkën;

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 31:9

Mëët ja tsë'ëkë jawë jëtu'unyë nëjkx kyäknë pyujtnë ja yajkutujkpë, ja mëti'ipë ënäty kuwanëtëpën nëjkxëp ja y'ak tnajtsjëpijpëtya'atë. Ja Wintsën jëtu'un ënaanp, ko tam Jerusalén yajpaaty jëjp'ixy ja o'ktakn ma nyitoya'antën ja myëtsiptëjk.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Salmos 72:6

Jëtu'un nyaxëty tä tuunikën ëkë tä maanikën mëti'ipë jopyëp yajxo'kojpyën yë naaxwiinyëtë ets aay ujts.

Joel 3:17

Ënät nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

2 Crónicas 6:21

Mëtoow'itëp ets mkupëkëp ja jyiiytyak nyu'kxtakën ya'atë mtuunpë ets ya'atë mnaax mkajpn ets m'u'unk m'ëna'k ko yaa myintëty. Mëtoow'ijtëk ëëts jam tsajpjotm ma m'ity mtsëënën ets pokymyä'kxtëk ëëtsëty.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.