Isaías 17:3 - Biblia Mixe de Quetzaltepec

³ Efraín, mëti'ipë Israel ja'ayëty tyukmëjnajxtëpën, ka'ap t'ëkmëët'atanëtë ja nyaax kyajpn ma nyäkyuwa'anëtëtyën; nän timjëtu'un yë Damaskë kajpn jyata'any mëti'ipë jam Sirië jaakwë'ëmpën, kutëkoyaanp ja kutujktakn.

Biblia Dc en Mixe de Quetzaltepec

³ Efraín, mëti'ipë Israel ja'ayëty tyukmëjnajxtëpën, ka'ap t'ëkmëët'atanëtë ja nyaax kyajpn ma nyäkyuwa'anëtëtyën; nän timjëtu'un yë Damaskë kajpn jyata'any mëti'ipë jam Sirië jaakwë'ëmpën, kutëkoyaanp ja kutujktakn.

Isaías 17:3 ပူးပေါင်းရင်းမြစ်များ

Oseas 9:11

Jëtu'un kyääkë'ëka'any yë Efraín yë myëj'ajtën tä joon kyääkë'ëkyën. Ka'ap yë pi'k ëna'k y'ëkmëxu'unk'atanëtë, ka'ap yë to'oxytyëjk y'ëk'u'unk paatanëtë ets ka'ap y'ëk'u'unk ixanëtë.

Isaías 8:4

Jä'ä ko ka'anëm ënäty kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënäty jap kajpnjoty yajpatpën, ja Sirië yajkutujkpë nëjkx tmënëjkxta'ay.

Isaías 7:16

E ka'anëm ënäty ja pi'k ëna'k yajxon wyinma'anytyëkënëm ko ja mäjtskpë ja kajpn wyë'ëma'antë tukwa'ats mëti'ipë tyam yajtsë'këtëpën.

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

Amós 8:14

Mëti'ipë ënäty të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Oseas 10:14

nëjkxëp ja'ay nyänyipëtë'ëkyë ma mnaax mkajpnën ets tëkokyë ja mnaax mkajpn mëti'ipë ënäty ta'tspëky ets këwent'aty mëët'ajtypyën nëjkxëp kyutëkooytya'atë, jëtu'un tä ojts kyutëkoyën ja kyutujkën ja Bet-arbel mëti'ipë jam Salmán ënä'ämpën ko ojts ja tsip y'ity ets ko ojts ja taak y'ooky tyëkoy mëët ja y'u'unk.

Oseas 8:8

Israel jëtu'un të jyäty tä jeexyë të yajjëënyën. Wiinkëtypë naax kajpn ka'ap mëj tyim'ixëtë,

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Oseas 1:6

Ojts yë Gómer jatëkok wyi'imy u'unk mëët ets ojts tyajmëxu'unk'aty tu'uk yë y'u'unk to'oxytyëjkpë. Tä ja Tios t'ënëmaay yë Oseas: Lo-ruhamá xytyijëty yë mnëëx, jä'ä koos ka'apës yë Israel kyutujkëntakn nëk pa'ëyowanë ets ka'apës n'ëkmä'kxanë.

Oseas 1:4

Ënät yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Isaías 17:4

Jä'ä xëëw ja Samaria nëjkx myëjaawkukëxë ma ënäty ja Jacob ja jyotkujk'ajtën të tpaatyën, ja jyotkujk'ajtën jëtu'unyë nëjkx kyixy nyäxy.

Isaías 16:14

Jëtu'un ja Wintsën y'ënä'äny: Tëkëëk jëmëjt yajmëtyowa'any, tä tu'uk yë mëtuunpë tmëtyoyën yë xyëëw jëna'a yajmëjuyä'änyën, pyatäämpy ja xëëw po'o ma ja ja'ay ka'ap t'oy'ixtëtyën ja Moab ja kyutujkën, tyam oy jënu'un jyayaj'ixy mayjyä'äy yowë myëët'ajtyp pyatäämpy ja xëëw jëmëjt ma wäänë jyä'äy wyë'ëma'anyën ets nitii nëjkx tkatuny.

Isaías 10:9

Ëjts aak tu'knaxës n'ixy myëjëty naax kajpn yë Calnó ets Carquemis, yë Hamat ets Arfad, yë Samaria ets Damaskë.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 16:9

e yë'ë ënätyë ojts pyutëkëty ets poj'am tnipëjktakëy ja jyä'äy mëti'ipë tsip'ixëtyën, tä ojts tninëjkxtë ja Damaskë kajpn ets tjä'äniwany, jëtu'un jam tyajtso'ontaay ja ja'ayëty jampë tsyëënëtën ets ojts tyajnëjkta'ay jam Quir, ojts tyaj'o'ky ja Rezin.

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.