Isaías 16:2 - Biblia Mixe de Quetzaltepec

² Yë Moab ja'ayëty jëtu'un yaj'ixtë kyä'äktë ko jam Arnón nyaxtë tä joonën mëti'ipë nyitso'ontutypyën yë pyä'än ko tii jëyujk y'ëtsë'ëkëty.

Biblia Dc en Mixe de Quetzaltepec

² Yë Moab ja'ayëty jëtu'un yaj'ixtë kyä'äktë ko jam Arnón nyaxtë tä joonën mëti'ipë nyitso'ontutypyën yë pyä'än ko tii jëyujk y'ëtsë'ëkëty.

Isaías 16:2 ပူးပေါင်းရင်းမြစ်များ

Proverbios 27:8

Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.

Jueces 11:18

E ëëtsëty jam të'ëts'itjotm, ojts na'ëwtitës ja nyaax kyajpnëty ja Edom ets Moab ja'ayëty ets nja'ajtës jamtsow a'oytsyow ma Moab y'itjotmën; jamtsës ojts tu'kjëmëjt ntsënaaytyaknpëktë jamtsow awinm ma Arnón mëjnëëjën. E kajts ojts ntuknaxtës jä'ä ko jam ënäty tsyo'ontä'äky ja Moab ja'ayëty ja nyaaxjotmëty.

Jeremias 48:20

Yë Moab kajpn mëj këjää të tsyë'ëkë. Jyëkyejpy xynyijë'ë xynyiya'axtëty. Nëjkx jam nikajpxtë ma Arnón mëjnëëjën ko yë Moab kajpn të kyutëkoy.

Isaías 13:14

Jëtu'un ja ja'ay kyä'äka'any pyuta'any tä kye'eky pyutyën yë wojny ëkë witsn, ëkë tä y'aye'eyëtyä'äyën yë kupixyny ets ka'ap pën wyoowmukyë. Nitu'ukjaty ja ja'ayëty nëjkxëp tniye'eyëtya'atë ja nyaax kyajpnëty, xim yam nëjkx kyukäkëtya'atë ma nyaax kyajpnëtyën.

Josue 13:16

ja nyaaxëty jampaat tsyo'ontä'äky Aroer ets jam nyäxy ma ja Arnón nëëpa'ajën; tyimja'ty jam ma ja kajpnën jampë joyjyotm yajpaatyën ets tu'kë'ëyë ja it naaxwiinyëtë mëti'ipë jamën nijoykyijxy.

Deuteronomio 3:12

Ja naax kam mëti'ipë ojts niwa'aktësën jä'ä xëëw jä'ä jëmëjt, yë'ë ojts nmo'otës yë Rubén yë jyä'äjëty ets Gad yë jyä'äjëty. Jam tsyo'ontä'äky ma Aroer mëjnëëjën ets nyäxy ma ja Arnón mëjnëëpa'ajën, kujkwä'kxy ja Galaad kopkjot tpëjky, mëët ja nyikajpn.

Deuteronomio 3:8

Jä'ä xëëw nimäjtsk ojts ja yajkutujkpë tyimtëkoytyë, mëti'ipë Amor ja'ayëtyën; jampë tsyëënëtën a'oytsyow ma ja Jordán mëjnëëjën, jam tsyo'ontä'äky ma ja Arnón mëjnëëjën ets tyimja'ty jam ma ja Hermón mëj kopkën.

Deuteronomio 2:36

Ja Aroer kajpn wiinkonpë yajpaatyën ma ja Arnón mëjnëëjën ets ja kajpn jampë joyjyotmën ets jampaat Galaad. Nitu'uk ja naax kajpn ojts nkayajmëta'aktës. Yë Wintsën mëti'ipës nTios'ajtëpën, yë'ë ojts jëtu'un tuknipëjktaakë ets tääpë naax kajpn kya'ata'atëty ma ëëtsëtyën.

Números 21:29

Janty mon janty tuk myajpaaty mijts Moab. Wi'ix njatkëmëty tëë mtëkooynyë ma tyios'ajtyën yë Quemós. Yë'ë të t'a'ixë ets mja'ay kyä'äktëty pyutëty, ets ja yajkutujkpë Sihón, jä'ä tjä'ä'atëty ja mto'oxytyëjkëty.

2 Reyes 3:4

Mesá, mëti'ipë jam yajkutujkpën Moab, yë'ë ijty tyuunk'ajtyp ma ja ja'ay tyajmayën ja tsajppax, kupixyny, e yë'ë xëmë ënäty pyäätyë tkukëpätëty ja mëti'ipë jam myëët'ajtypyën, jä'ä ijty tyäky mëko'px mil ja tsajpkaa ets mëko'px mil ja kupixyny mëët ja nyipixyny, yajmo'oy ja yajkutujkpë jampë Israel y'ëne'emyën.

Proverbios 26:2

Jëtu'un tä tu'uk yë tsi'k kyääkjëtityën ets tä yë patutkën ka'apë tmëëtëtyën yë pyä'än, jëtu'un ja näpyokë ka'ap jyäty ma ja'ayën mëti'ipë nanëkoo pën të pyokyën ets ka'ap tii tuuntëko'oyën tmëëtëty.

Jeremias 48:9

Jam këxja'atë tsaakëjxm ets xytyuknijawëtëty yë Moab ko kyutëkoyä'äny, ko xit ko'ow yë nyaax kyajpn jyata'any ets ka'ap jam pën tsyëënëja'any.

Jeremias 48:46

Janty mon janty tuk myajpaaty mijts Moab kajpn. Mijts Quemós kajpn tëë mkutëkoy. Ja m'u'unk m'ëna'k ye'etyëjkpë to'oxytyëjkpë tsumy matsy të yajmënëjkxtë wiink naax wiink kajpn.