Isaías 15:3 - Biblia Mixe de Quetzaltepec

³ Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Biblia Dc en Mixe de Quetzaltepec

³ Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Isaías 15:3 ပူးပေါင်းရင်းမြစ်များ

Mateo 11:21

Mon tuk myajpaatë miitsëty Corazín ja'ayëty ets Petsayëtë ja'ayëty, mëët ko të mkamëpëktë ets ko të xykyayaj'oyëtë mjot mwinma'anyëty. Ko jeexyë ja Tios ja myëj'ajtën të tyuny të jyätyë jam Tirë ets Sidón ijxtëm të tyuny të jyätyën ma miitsëtyën, tëëyëp ja nyajjootwinpijnëtë ets tëëyëp ja u'kxypyë wit natuktëjkënëtë, ets ja kuyjaam nyanätyukniwëjënëtë.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

Isaías 22:4

Paatyës të n'ëna'any: Jëwa'aktë, nikë minës je'eyë n'ëkyä'äxy; këtiipë pën y'ëna'anëty wä'änës nyaxmony, ets këtiipë pën y'ëna'anëty etsës njotkujkëty maas ja nnax nkajpn ja ëyo'on tpaatyën.

Isaías 22:1

Ma yaj'akäjpxyën wi'ix jyata'any kyëpäta'anyën ja mëj joyjyot ma yajwinkëma'ayën winë: ¿Tiitën tuunëp jajtëp, wi'ix ko ja'ay aak tëjkëjxy pyäjta'atë?

Isaías 15:2

Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

2 Reyes 6:30

Ko ja yajkutujkpë tmëtoowpaty y'ënä'äny jëtu'un ja to'oxytyëjk, mëk ojts tjawë, kyë'tstaay ënätyë ja wyit mëti'ipë ënäty jam nyijän'ajtypyën mëët ja mëkjotmay ets ja äkë. E jä'ä ko jam ënäty potsykyëjxm, may ja ja'ay t'ijxtë ko ja wyit këëts tmëët'aty.

2 Samuel 3:31

Kom ok yë David ojts tuk'ëne'emy yë Joab ets Abisai ets tuktëkëtëty yë ëxëëk wit pakwit ets tnimon tnituktëty ko ënäty ja Abner të y'o'knë, ja David ix'am ojts tpaye'ey ja o'kpë ko ojts yajmënëjkxnë ma nyaax tëkëja'anyën.

Deuteronomio 22:8

Ko pën tu'uk yë tyëjk tkojëty, jam tëjknëkëjxm nëjkxëp yë pya'a tnapojts'ëwtijtë, këtiipë jam pën y'awa'knaxëty ets pën pyokytyëkëty ma ja ja'ayëtyën mëti'ipë ënäty tääpë ja jëën tëjk tyuktsëna'ayëtëpën.

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

1 Samuel 5:12

Ja ja'ayëty jampë kyukajpn'atën nëkooyë yaxnëtë jyojknëtë mëët ja yuu pa'am mëti'ipë myënajx yajnajxtëpën. Jä'ä ko ja mëti'ipë ënäty ka'ap y'ooktënën ujts ënäty yajpatnëtë ja nyini'kxëty mëët ja ki'ix pa'am.

Isaías 3:24

Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Jeremias 48:37

Tëë ja'ay nyäkyukä'pta'ajëtë, tëë y'awaay tjäjpta'atë; tëë kyë'ë tsujkta'atë ets tëë tuktëjkëtya'atë yë wit mëti'ipë kuump u'kxpën.

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënäty pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Amós 8:10

Ma ënäty ja xëëw tyunyën jää nëjkx ja'ay tyëkëtë yaxpë mëët ko ënäty t'ixtë may ja ja'ay y'o'knëtë, ja mëti'ipë ënäty ëëwtëpën nän nëjkxëp tyëjkënëtë yaxpë mëët ko ënäty may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënäty ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.